Забава

Сите во Маврово - викендов журката е таму!

Бегство од градскиот асфалт и жешкото време и можност за уживање со многу добра музика и спорт велосипедизам, риболов, скокови со падобран и параглајдер, планинарење, јавање коњи и дегустација на месни специјалитети, млечни производи и се останото како карактеристика на мавровско реканскиот дел. Ова се главните цели на првиот еко зелен викенд што почнувајќи од петок до понеделник се одржува во Маврово.

- Го смисливме еко зелениот викенд што е прв семеен фестивал и има за цел да ги привлече луѓето од 7 до 77 години најмладит со нивнит родители, тинејџерите, повозрасните сите оние кои сакаат побегнат од работната недела и малку да се опуштат во текот на викендот - изјави Ема Темелковска, промоторка на Еко зелениот фестивал во Маврово.

Според организаторите веќе се резервирани најголем дел од викендичките и хотелите а за заинтересираните има и бесплатен камп.

- Супер е тука, дојдовме прво да уживаме во природата а потоа да го проследиме фестивалот затоа што мислиме дека ќе биде супер. Ќе бидеме сите три денови а организаторите треба да ни дадат диплома затоа што први се поставивмеа потоа дојдоа другарите од Словенија.

- Супер е се, природата, воздухот и сега само да се сместиме и журката може да почне - вели посетител од Словенија.

- Сакавме да присуствуваме на фестивалот сите три денови но не најдовме сместување односно не ни одговараше па само вечерва ќе останеме за да ја почуствуваме малку атмосферата.

Од општината Маврово Ростуше очекуваат дека овој фестивал ќе стане традиционалана манифестација што секоја година ќе биде заштитен знак на регионот во летниот период.

- Ова значи една поголема промоција на нашата општина, привлекување на туристи и волетниот период и претставување на културните вредности и природните убавини на нашата општина. Таа се јавува како генерален покровител и заедно со националниот парк, хотелските и угостителските работници дава полна подршка на организаторите здружението на граѓани Еко Маврово - изјави Мукрем Мехмеди, градоначалник на општина Маврово Ростуше.

Музичката програма започна во петок со настап на легендарните Леб и Сол, реге составот Летечки пекинезери, хипхоперите Гоце САФ и ЛД Пистолеро и диџејот Бранчез.

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.