Македонија

СИРИЗА го обвини турскиот министер фидан дека го прекршил Преспанскиот договор

Во соопштението на партијата тие ја повикуваат владата на Мицотакис да престане да ги потценува турските провокации.

Грчката опозициска партија СИРИЗА ги осуди како што наведе сериозните прекршувања на Договорот од Преспа од страна на турскиот министер за надворешни работи Хакан Фидан за време на неговата вчерашна посета на Македонија, во чии рамки, освен името Северна Македонија, паралелно го користел и името Македонија.

Во соопштението на партијата тие ја повикуваат владата на Мицотакис да престане да ги потценува турските провокации и и да преземе дипломатски дејствија со демарши за како што се посочува, Турција конечно да се усогласи со меѓународното право и реалноста. Индикативен е фактот што посетата на турскиот министер има за цел зајакнување на стратешките односи со Северна Македонија, а од друга страна Нова Демократија не се погрижи да ги развие билатералните стратешки односи и улогата на Грција кај соседната земја, со ратификување на меморандумите, потпишување нови и свикување на предвидените високи совети за стратешка соработка, велат од СИРИЗА.. Реакција од грчката влада засега нема..

Рецепти

„Гответе со Дракче“ - Боранија со пилешко

Во понеделик (16.09.2024) во емисијата гостин ни беше Андријана Јаневска

Состојки за денешниот рецепт:

300 гр. - 500 гр. боранија

1 парче стек

1 мала павлака за готвење

2 јајца

1 главица кромид

2 лажици црвен мелен пипер

масло за јадење

сол и зачини по вкус

Погледнете како се подготвува овој рецепт:

Шоу биз

Пи Диди уапсен поради трговија со луѓе

Хип-хоп магнатот Шон „Диди“ Комбс е уапсен во Њујорк под „неодредени федерални обвиненија“, изјавија федералните власти, јави Би-Би-Си.

Апсењето на Менхетен уследи по рациите на два негови имоти во Лос Анџелес и Мајами во март. Лице блиско до обвинителството за „Њујорк тајмс“ изјави дека верува оти познатиот американски рапер е обвинет за рекетирање и трговија со луѓе во својство на сексуална експлоатација.

Адвокатот на Комбс, Марк Агнифило, рече дека се „разочарани“ од апсењето и дека неговиот клиент е „невин човек“. Музичарот се соочи со низа обвинувања, од сексуален напад до малтретирање, вклучувајќи ги и оние од неговата поранешна партнерка Касандра „Каси“ Вентура. Тој негираше се за што беше обвинет. /МИА

Македонија

Герасимовски: Пријавете дупка на улица во вашето маало

Градоначалникот на Општина Центар Горан Герасимовски ги повика граѓаните да пријавуваат дупки на улиците со цел истите да бидат санирани.

Граѓаните тоа може да го направат преку пријавување на телефонскиот број 076381673 секој работен ден од 8 до 16 часот.

„Верувам дека овој начин на комуникација ќе донесе поголеми и побрзи резултати за граѓаните. Ние досега реконструиравме 17 улици, во моментов се работи на две тоа се улиците Елисие Поповски и Блаже Тодоровски и следуваат уште неколку за реконструкција. Но доколку станува збор за одредена дупка ги повикувам граѓаните да се јават на телефонскиот број, да ни остават точна локација и нашите службеници ќе ја пополнат,“ истакнува Герасимовски.

Општина Центар ќе продолжи да работи на редовно одржување на улиците со цел безбедно движење на граѓаните, велосипедите и автомобилите.

Со почит,

Општина Центар

притисни ентер