Сириска ракета експлодира во близина на нуклеарна централа во Израел

Израел го користел системот за против воздушна одбрана „Патриот“, за да се обиде да ја запре сириската ракета земја-воздух истрелана од Сирија и ги активира сирените во близина на Димон, каде се наоѓа чувствителниот нуклеарен објект.

Израел соопшти дека сириската ракета не била насочена кон одредена цел. Сепак, ова остава прашања во врска со експлозиите што луѓето ги пријавиле од областите во близина на Модиин, Ерусалим и Реховот, пишува The Jerusalem Post.

Според извештаите, пресретнувачот, очигледно од системот Патриот, не успеал да ја пресретне ракетата. Ова не е многу добар резултат со оглед на тоа што Израел минатата година објави дека ги зголемил можностите на своите интегрирани, повеќеслојни системи за противвоздушна одбрана. Израел има три системи дизајнирани да ги запрат заканите од ракети , па се до беспилотни летала. Ерусалим и Вашингтон заеднички ги развија Arrow и David’s Sling, а Израел независно ја разви железната купола, од кои две батерии и се испорачани на американската војска во изминатата година.

Постојат многу неодговорени прашања во врска со ноќешниот инцидент. Зошто Сирија истрела ракета во правец на Димон? Ако е точно дека ракетата намерно не била насочена кон чувствителна област, зошто воопшто се движела кон јужен Израел?

Во Сирија немало извештаи за активирање на ПВО пред вестите за сирени во јужен Израел, а немало ниту извештаи за воздушни напади. Остатоците од наводната ракета С-200, што ја лансирала Сирија, се пронајдени во Израел. Луѓето во Абу Кренат наводно слушнале силна експлозија. Дали било заради сирискиот ракетен напад или пресретнување? Фрагментите од С-200 се пронајдени на околу 30 километри од нуклеарната централа во Димон.

Остануваат многу нејаснотии за инцидентот, вклучително и зошто Сирија истрелала ракета толку случајно и јужно од Израел и дали израелските пресретнувачи успеале да ја запрат заканата, заклучува „Џерусалим пост“.

Џеј Ло во секси поза, чија е раката на нејзиниот задник? (ФОТО)

Додека има гласини за наводно помирување на поранешната двојка, Џенифер Лопез и Бен Афлек, Лопез реши да ги игнорира сите гласини и да се посвети на работата.

Таа снима во Мајами, а нејзиниот стилист Роб Зангарди објави фотографии од Џеј Ло во предизвикувачка модна комбинација. Носи црвен фустан со длабок шлиц и наметка.

Модната комбинација ја надополнила со големи обетки и неутрална шминка.

„Тој сјај на Џеј Ло“, напишал стилистот покрај фотографијата.

Освен што нејзините обожаватели делат комплименти, тие забележале и нечија рака на нејзиниот задник.

„Ова е најсексипилното нешто што некогаш сум го видела“, „Каде можам да се пријавам за да работам со тебе?“, „Кој е среќникот што ти го држи задникот?“, „Кралица“, се само некои од коментарите.

Имено, човекот на фотографијата е шминкерот Скот Барнс.

Ги имитира топлес позите на Ирина Шајк, па доби повеќе лајкови (ВИДЕО)

Снимката со Ирина Шајк, во кое ги покрива градите со раце, на Инстаграм ја погледнале 1,5 милиони луѓе, но пародијата на австралиската комичарка собрала дури 800 000 прегледи, и тоа за три дена помалку.

Селест Барбер се прославила со ироничните и смешни имитации на совршени, често нереални фотографии од познати личности, а последна на удар беше 35-годишна руска манекенка.

„Буахахааха“, „Ме убиваш секој пат“, „Умирам од смеа“, се само некои од реакциите, кои се прилично чести кога станува збор за нејзините имитации, на кои таа ја изгради својата слава на Инстаграм.

Имено, 7,9 милиони луѓе ја следат на таа социјална мрежа.

Кинески ровер ноќеска ќе се обиде да слета на Марс

Кина треба да се обиде да го спушти својот прв ровер на Марс вечерва околу 1 часот по полноќ. Станува збор за многу ризичен потфат што успешно го постигнале само половина од леталата што стигнале до Црвената планета.

Слетувањето е предвидено за сабота во 1 часот по полноќ, иако засега Кинеската национална вселенска агенција (ЦНСА) сè уште официјално не го потврдила тоа.

Планирана е мисијата наречена Тијанвен-1 (Прашања до рајот) во две фази. Првата фаза, испраќањето на леталото во орбитата на Марс, беше успешно завршена. За време на втората, кинеското вселенско летало би требало да спушти орбитер и ровер на Марс.

Тијанвен-1 се состои од три компоненти: орбитер, летало и роботско возило, а масата на целото вселенско летало е околу 5 тони. Ќе се обиде да слета на копно со роверот на површината, додека орбитерот ќе продолжи да кружи околу Црвената планета.

Роверот со соларен погон е тежок 240 килограми, а по слетувањето три месеци ќе бара биомолекули и други знаци на живот, по што неговата мисија завршува. Орбитерот, пак, треба да кружи околу Марс уште две години.

Роверот наликува на роверите на НАСА 2000 Спирит и Опортјунити, а се напојува со соларни панели.

Кога станува збор за истражување на Црвената планета, досегашната статистика е добро позната - скоро половина од сите претходни обиди не успеале. Првиот обид на Кина да испрати сателит „Јингхуо-1“ на Марс пропаднал бидејќи нејзиниот руски носач престанал да работи и се урна во Тихиот океан.

Доколку Тјанвен-1 безбедно слета на тлото на Црвената планета, тоа ќе биде првото слетување на Марс во последните неколку децении, што не било извршено од НАСА. Иако Советскиот сојуз го спушти леталото на површината на Марс во 1971 година, тоа престанало да работи 110 секунди по слетувањето, по што е изгубен контакт со него. Досега само САД успеале да слетаат на Црвената планета, осум пати од 1976 година.

Повеќе од половина од леталата што требало да ја допрат земјата на Марс или експлодирале, или изгореле, или се скршиле на површината.

Во случај мисијата да успее, Кина ќе стане трета земја во светот која успешно ќе слета на површината на планетата или втора чиј ровер детално ја истражува оваа далечна планета.

притисни ентер