Свет

Си: Земјите од БРИКС да му донесат на светот позитивна, стабилизирачка и конструктивна сила

Државите од БРИКС, како важни пазари во создавање и големи земји во развој, треба да делуваат со чувство на одговорност, за да му донесат на светот позитивна, стабилизирачка и конструктивна сила, изјави кинескиот претседател Си Џинпинг.

Како домаќин на 14. Самит на БРИКС, што се одржува по пат на видео линк, Си вчера истакна оти тој се одржува во критичен момент во обликување на идниот тек на човештвото.

– Спротивно на сложените околности за време на пандемијата од Ковид-19, макотрпното светско економско закрепнување и сè поизразените прашања за мир и безбедност, механизамот на БРИКС покажа отпорност и виталност прифаќајќи го духот на отвореност, инклузивност и на соработка од што сите добиваат, подвлече Си.

Според него, земјите од БРИКС ги зајакнале солидарноста и координацијата и заеднички работеле на предизвиците.

За да донесат позитивна, стабилизирачка и конструктивна сила на светот, Си смета дека земјите од БРИКС треба да се залагат за еднаквост и за правда, да ја охрабруваат меѓународната заедница да практикува вистински мултилатерализам и да поддржуваат меѓународен систем со Обединетите Нации во нивниот центар и меѓународниот поредок заснован на меѓународното право.

Тој ги повика земјите од БРИКС да апелираат светот да ги отфрли студено-воениот менталитет и блоковската конфронтација, да се спротивстави на едностраните санкции и злоупотребата на санкции и да ги отфрли малите кругови, изградени околу хегемонијата со формирање на едно големо семејство, кое припаѓа на заедницата со заедничка иднина на човештвото.

Шоу биз

Видео: Алек Болдвин вознемируван од пропалестинска активистка

Глумецот Алек Болдвин се соочи со вознемирување од пропалестинска активистка, а видеото од тој настан на „Х“ е прегледано над три милиони пати.

На снимката направена во некое кафуле, додека Болдвин плаќа за својата нарачка и го држи мобилниот телефон на увото, жената со својот телефон го снима и неколкупати настојчиво бара од него да каже „Слобода за Палестина“ и да го опцуе Израел и ционизмот. Кога активистката сфаќа дека глумецот ја игнорира, таа ја менува темата. Следното прашање е: „Зошто ја уби таа жена? Ја уби жената и не доби затворска казна? Нема затвор, Алек!“

Активистката тука ја има предвид смртта на кинематограферката Халина Хачинс на снимањето на каубојскиот филм „’Рѓа“. За потсетување, Болдвин се соочува со обвиненија за ненамерното убиство на Хачинс во 2021 година. Продолжението на судењето за убиство од небрежност е закажано за 10 јули.

На видеоснимката, натаму глумецот почнува да се заканува со полиција, но девојката е упорна во своето вознемирување и на крајот, Болдвин ѝ го исфрла мобилниот телефон од рака.

Алек Болдвин ја отфрли одговорноста за ненамерното убиство на Хачинс. /МИА

Македонија

Oштетена гумената брана за наводнување на оризовите површини кај кочанското село Грдовци

Вработените во водостопанската подружница „Брегалница“ од Кочани утрово забележале намерно оштетување на гумената брана кај селото Грдовци, што се користи за зафаќање на водата од реката Брегалница и наводнување на околните оризови ниви.

Непознат сторител со остар предмет ја исекол гумената обвивка во должина од околу половина метар, по што дошло до истекување на акумулираната вода и празнење на помошниот канал од водозафатот.

-Во изминатите седум дена имаше шест обиди за сечење на гумата и конечно, во текот на доцните вечерни или раните утрински часови, сторителот успеал во намерата. Несфатливо е зошто некој, токму на почетокот на сезоната за сеење на оризот, се одлучил на ваква постапка со која прави повеќекратна штета. Во прашање е доведено наводнувањето на околу 100 хектари оризови површини. Освен тоа, наместо средствата со кои располагаме да ги инвестираме во одржување на каналската мрежа, ќе мора дел да потрошиме за ангажирање служба за чување на гумената преграда. Настанот веќе е пријавен во полиција и очекуваме разоткривање на сторителот и на неговите мотиви за ова кривично дело, истакна Станче Стефанов, техничко лице во водостопанскта подружница „Брегалница“.

Во тек се активности за санирање на оштетувањето на гумената преграда, но постапката е отежната поради зголемената количина вода. Вработените во подружницата очекуваат до крајот на денот да ја нормализираат состојбата со наводнувањето, за да се избегне прекин на сеидбената сезона во овој регион, но и да не дојде до исушување на нивите кои веќе се посеани со ориз.

Свет

Инаугурацијата на Путин ќе се одржи на 7 мај

Претседател на Комитетот за уставно законодавство и државност во Горниот дом на Советот на Руската Федерација, Андреј Клишас денеска изјави дека инаугурацијата на рускиот претседател Владимир Путин ќе се одржи на 7 мај.

Согласно руските закони, новоизбраниот претседател ја презема функцијата со мандат од шест години.

Инаугурацијата на Путин и во 2018 година се одржа на 7 мај. /МИА

притисни ентер