Швајцарците на референдум изгласаа забрана за носење бурки

Со тесно мнозинство, 52 проценти „за“, 48 проценти „против“, Швајцарците на референдум одлучија да забранат покривање на лицето на јавни места.

Одлуката исто така забранува прекривки што ги носат муслимански жени како бурка и никаб, а забраната се однесува на јавни места како што се ресторани, спортски стадиони, јавен превоз или одење по улица. Исклучоци би биле на религиозни места и од безбедносни или здравствени причини, како што се маски за лице што моментално се носат за заштита од ковид-19, како и за традиционалните карневалски прослави.

Иницијативата за референдум била покрената од Швајцарската народна партија (СВП), која ја поврза забраната за бурка со борбата против „радикалниот политички ислам што се шири низ Швајцарија“. Сепак, швајцарската федерална влада и големото мнозинство во парламентот во Берн биле против оваа иницијатива, велејќи дека со тоа се решава маргинален проблем затоа што, според Универзитетот во Луцерн, никој во Швајцарија не носи бурки и само 30 жени носат никаб.

Иницијативата предизвикала многу јавни дебати, но за Валтер Вобман, пратеник на СВП и претседател на Комитетот за референдум, забраната е симболична порака.

"Угнетувањето врз жените нема што да бара во нашето општество и затоа покренавме иницијатива. Жените тука го покажуваат лицето. Тоа е знак на нашиот слободен, демократски социјален поредок", рече тој, велејќи дека тоа не е одлука против исламот, туку против екстремизмот.

Патем, предлогот за забрана на покривање на лицата во швајцарската јавност се појави уште во 2017 година со цел да се попречат демонстрантите и фудбалските хулигани кои се кријат под маски кога предизвикуваат немири. Исламот не бил директно споменат во тој предлог. Покрај Швајцарија, Франција забрани носење превез преку цело лице на јавни места во 2011 година, а Данска, Австрија, Холандија и Бугарија имаат тотални или делумни забрани за покривање на лицето во јавност. Швајцарија има две години да ја спроведе одлуката од референдумот во закон.

Реисот Шаќир Фетаи, упати честитка по повод Фитр (Рамазан) Бајрам

Со голема радост го очекуваме големиот празник Фитр Бајрам, празник на најголемите награди на годината. 

Празникот Фитр Бајрам е триумф на верата над неверството, на доброто над злото, на великодушноста над скржавоста, на солидарноста над понижувањето, на приближувањето едни на други над изолација и одвојување од другите, на мирот над конфликтот, на духовноста до материјализам и помирување над одмаздата; накратко: овој голем празник е симбол на исполнување на аманетот доверен од страна на Возвишениот Бог, вели Реисул Улема, Шаќир Фетаи, во честитката упатена до верцните од исламска вероиспове по повод празникот Фитр Бајрам.

– Со голема радост го очекуваме големиот празник Фитр Бајрам, празник на најголемите награди на годината. Овој ден претставува задоволство на Семоќниот Аллах за големата посветеност што ја покажавме во текот на месецот Рамазан, за време на кој со срце и душа, со висока свест и со целото битие, ги постевме деновите на Рамазан, покажувајќи ја во пракса непоколебливата врска со нашиот Створител. Ние ги реформиравме нашето размислување и личност, ги облагородувавме нашите души и срца, негувајќи ја високата свест за Господ, како и за човекот и светот околу нас, пишува Реисул Улема, Шаќир Фетаи.

Дел од честитка на претседателот на ИВЗ, Фетаи, се состои и од делови (ајети) од Светата книга Коранот, каде се вели дека тспасен е тој кој ќе се чисти, ќе го спомне името на Господарот и ќе се клања.

– Овој благословен Рамазан, беше со нас во најтешките моменти кои ги донесе опасната болест Ковид-19 и коегзистираше со нас во текот на сите денови во текот на постот. Ова направи вредноста за верникот да биде уште поголема затоа што водевме двојна војна, едната против проколнатиот ѓавол, а другата во нашите напори да придонесеме за исчезнување на вирусот за да се спасат животите на луѓето, пишува Фетаи.

Во ова прилика реисот Фетаи, наведува дека „се моли на Семоќниот Аллах со молитва да го прифати постот, обожувањето, молитвите, милостина на верцните и да ги усреќи срцата на сите луѓе ширум светот, да ги спаси и подигне послабите, да ги помири срцата на луѓето за да живеат во мир и хармонија, да ги лекува срцата и раните на семејствата на жртвите од опасната болест и да го зајакнат нашето единство за доброто на нашите семејства, на нашиот народ и на и целиот човечки род".

Египет посредува за прекин на огнот во Појасот Газа

Египетски посредници работат на преговори за прекин на огнот во Појасот Газа, по речиси два дена ескалирање на насилството.

Според аналитичарите, Израел не е заинтересиран за прекин на борбите се додека не се постигнат одредени воени цели, пишува „Тајмс оф Израел".

Палестинското Министерство за здравство соопшти дека од понеделникот загинале 35 Палестинци, а 233 луѓе се повредени. Од друга страна, пак, Израел наведува дека голем број од убиените биле терористи.

Затворени ковид-центрите во неколку клиники

Затворени ковид-центрите во неколку клиники, во Институтот за физикална терапија и дел од капацитетите во болниците.

Поради намалениот број пациенти со Ковид-19 од изутрината се затворени ковид – центрите во неколку клиники во Скопје и дел од капацитетите за ковид пациенти во болниците во другите градови, соопшти Министерството за здравство.

Затворени се ковид – центрите на клиниките за кардиологија, за ОРЛ, за очни болести и Институтот за физикална терапија.

Од почетокот на неделава без ковид – пациенти се и Клиниките за урологија и Пластична хирургија кои веќе почнаа со редовен хируршки програм. Во петок ќе се затвори и ковид – центарот на Клиниката за трауматологија при ТОАРИЛУЦ, а од понеделник Клиниката за ортопедија и Клиниката за трауматологија почнуваат со редовен хируршки програм, стои во соопштението.

притисни ентер