Шутаров: Уште едно нереализирано ветување на Арсовска

Нема 250 нови автобуси нема ни бесплатен јавен превоз.

Очигледно е дека нема да видиме нови 250 автобуси на скопските улици, како што слушнавме ветувања во предизборната кампања на градоначалничката од редовите на ДПМНЕ, Данела Арсовска.

Скопјани очекуваат и бараат ефикасен јавен превоз, очекуваат брзи и сигурни решенија, за модерно Скопје. Во буџетот за 2022 година не се предвидени пари за набавка на 250 нови еколошки автобуси, напротив ЈСП пушта во употреба стари и дотраени автобуси, кои претходно беа повлечени од употреба, без соодветно греење и основни хигиенски услови

Постапката за набавка на нови автобуси трае најмалку година и половина, со оглед на тоа дека прво се распишува тендер за избор на најповолен понудувач која трае неколку месеци, а потоа до една година е рокот за испорака на возилата, со што станува очигледно дека граѓаните на градот Скопје нема да се возат во нови 250 еколошки автобуси и во наредната 2023 година.

Да се потсетиме, Арсовска во кампањата покрај новите 250 еколошки автобуси вети и бесплатен превоз за сите граѓани, но за жал и за оваа мерка не се предвидени пари во Буџетот за 2022 година, ниту пак ќе бидат предвидени во Буџетот за 2023-та година.

Како советничка група во Градот Скопје, уште еднаш апелираме да се продолжи тендерската постапка за избор на изведувач што ќе го реализира проектот Баз Рапид Транзит, проект во соработка со партнерите од Европската банка за обнова и развој, на кој се работеше скоро 2 години, што резултираше со потпишување на договор со Европската банка за обнова и развој за наменско кредитирање во износ од 70 милиони евра. Овие средства не можат да се пренаменат за набавка на нови 250 еколошки автобуси како што планираше градоначалничката Арсовска.

Се надеваме дека градоначалничката Арсовска, ќе ја препознае развојната компонента на овој проект, но и на сите проекти кои беа стопирани, а бенефитите ќе ги користат сите Скопјани, бидејќи на Градот Скопје му треба континуиран и планиран развој, и му треба долгорочна стратегија која нема да биде предмет на партиско политички интереси.

Гордан Шутаров, генерален секретар на СДММ и советник во Советот на Град Скопје

Солзите на Нејмар по поразот од Хрватска го обиколија светот

Репрезентацијата на Хрватска го победи Бразил со 4:2 на пенали во четвртфиналето на Мундијалот, откако по 120 минути беше 1:1.

Нејмар ги доведе Бразилците во водство со прекрасен гол во 105. минута, а Хрватска возврати преку Бруно Петковиќ, кој погоди во 117. минута на асистенција на Оршиќ.

Во првата серија Доминик Ливаковиќ му го одбрани пеналот на Родриг и со тоа изврши огромен притисок врз Бразилците кои немаа право на погрешен потег бидејќи Влашиќ, Мајер, Модриќ и Оршиќ брилијантно ги изведуваа пеналите. Во четвртиот сет Маркињос ја погоди стативата и Хрватска се пласираше во полуфиналето.

Фотографиите од шокираните Бразилци, кои долго по крајот на натпреварот лежеа на теренот, во неверување што им се случи, го обиколија светот. Посебно неутешни беа Антони и Нејмар кој плачеше на тревникот. Соиграчите го тешеа, но Нејмар не можеше да ги сопре солзите.

Четворица уапсени во Брисел под сомневање за корупција во Европскиот парламент

Четири лица, меѓу кои и поранешен пратеник во Европскиот парламент, се уапсени во Брисел како дел од истрагата за корупција поврзана со земја во Персискиот залив, соопшти Федералниот јавен обвинител на Белгија.

Државното обвинителство не ја именувало државата, но според белгискиот дневен весник „Ле Соар“ станува збор за државата Катар чии функционери наводно се обиделе да купат поранешен претставник на италијанските социјалисти, кој бил во ЕП од 2004 до 2019 година.

Истрагата опфатила дејствија „корупција“ и „перење пари“ од организирана банда, соопшти истрагата. Неколку месеци, белгиските истражни судии „се сомневаа дека една држава од Персискиот Залив влијаела врз економските и политичките одлуки на Европскиот парламент, со плаќање суми на пари или нудење големи подароци на трети лица кои, поради нивната политичка и/или стратешка положба, имаат големо значење“ во таа институција.

Сојузното државно обвинителство, кое е задолжено за истрага на кривични дела тероризам и организиран криминал, не го открива идентитетот на приведените лица. Утринава во рамките на истрагата нарачана од судија од Брисел, извршени се 16 рации во различни општини на главниот град на Белгија, каде се наоѓа и седиштето на ЕП.

Покрај четворицата уапсени, во рамки на истрагата полицијата запленила „околу 600.000 евра во кеш“ и „компјутерски материјал и мобилни телефони“ чија содржина ќе се анализира. Цел на операцијата биле помошниците на европратениците кои работат во ЕП. Меѓу уапсените е и поранешен пратеник во Европскиот парламент, соопшти државното обвинителство.

Мадона продолжува со чудни објави: Губи фанови побргу од тонењето на Титаник

Кралицата на попот и понатаму ги загрижува обожавателите со своите објави на социјалните мрежи.

Така таа неодамна објави видео во кое носи црна маска од тантела додека пркосно држи црно стапче во устата и, изгледа, се снима себеси.

Следбениците тешко се справуваат со прилично необичните објави на Мадона и масовно негодуваат на однесувањето на нивниот „некогаш омилен уметник“.

- Некој да ѝ ја смени терапијата на Мадона. Ги плаши децата и ги губи обожавателите побрзо отколку што потона Титаник, напишал еден корисник на Инстаграм.

– Претпоставувам дека некои луѓе уживаат да ја гледаат оваа бизарно облечена баба, додаде друга.

- Што се случи со Мадона? Полуде. Таа беше мојот омилен уметник додека растев. е**но го изгуби умот, пишува во друг коментар.

Од друга страна, некои излегоа во нејзина одбрана, посочувајќи дека пејачката е провокативна од почетокот на кариерата.

- Сите имаат што да кажат за нејзиниот изглед. Нејзините постапки ви прават непријатност, а уметноста токму тоа треба да го прави - да провоцира. Запрашајте се зошто се грижите толку многу. Запрашајте се зошто тоа ви пречи. Дали мислите дека таа се грижи што мислите вие? Знаете ли што мисли таа за вас? Ништо, заклучила еден обожувателка.

притисни ентер