„Ништо друго не ни преостанува. Работодавачот, со својата нефлексибилност во тековните преговори, не принуди на овој чекор“, рече лидерот на синдикатот Верди Франк Вернеке во интервју за јавниот сервис ЗДФ.
Во фокусот на денешната привремен прекин се државните болници низ Германија.
„Овде особено е изразен притисокот врз вработените поради корона кризата “, рече Вернеке. Првично, детските градинки требаше да бидат најпогодени од штрајкот, но ова, како што рече првиот човек на синдикатот, е несоодветно поради притисокот што го трпат родителите поради кризата со корона. Синдикатот Верди бара зголемување на платата од 4,8 проценти или најмалку 150 евра за околу 2,3 милиони вработени во германските јавни служби.
Работодавачот, во овој случај градовите и општините, сè уште немаат дадено понуда што укажува на намалени даночни приходи поради корона кризата.
"Ова е сосема погрешен пат. Даночните приходи значително ќе се намалат во следните години. Треба да најдеме некаков вид компромис", рече Герд Ландсберг, директор на Здружението на германски градови и општини.
Градоначалникот на Лајпциг, Буркхард Јунг ги критикувал синдикатите, посочувајќи на вонредната состојба со која се соочува општеството поради корона кризата.
„Предупредувачките штрајкови во време на пандемија се целосно погрешна алатка“, рече Јунг.
Сојузот на државни службеници соопшти дека штрајкот „не го нарушил“ нормалното работење на болниците.
Денеска се предвидени предупредувачки штрајкови во државите Северна Рајна-Вестфалија, Баварија, Баден-Виртемберг, Долна Саксонија и Шлезвиг-Холштајн, а во другите провинции се планираат до крајот на неделава.
Вториот круг преговори завршил за време на викендот во Потсдам без договор, а третиот круг преговори е најавен за крајот на октомври.