Штипска педијатрија доби два нови апарата

ЕКГ апарат и апарат за сукција доби детското одделение при Клиничка болница Штип, а донацијата е  од општествено одговорна приватна компанија.

Апаратите се од големо значење за одделот, посочи денеска директорот на болницата Ален Ѓеорѓијев. Тој истакна дека со новите апарати се олеснува работата на здравствените рабвотници, а ќе се овозможи и непрекинато лекување на дечињата.

-Овие апарати се потребни за дијагностиката, како и за помош на дечињата кои имаат континуирана нега. Со оваа апаратура ја олеснуваме работата на здравствените работници кои укажуваат здравствена заштита на нашите најмали, а уште поважно е што дечињата ќе имаат непрекинато лекување, вели Ѓеорѓијев.

Старите апарати се веќе дотраени, а потребата од нови беше неопходна, потенцираше педијатар Луиза Донева, која додаде дека се работи на отворање и на кардиолошки кабинет.

-Ќе ни биде олеснета работата, исто во план е отворање на кардиолошки кабинет. Имаме докторка на супспецијализација, вели Донева.

Во изминатиот период Одделението за детски болести при Клиничка болница - Штип беше во центарот на активностите.Се работеше на подобрување на инфраструктурата, набавка на нови апарати, како и вработување на нов кадар.

-Во изминатите неколку месеци овде на овој оддел се реконструираа комплетно тоалетите, се доби нов апарат, 21 болнички кревет, денес добивме апарат за ЕКГ и сукција, но најважно од се е дека вложуваме во кадарот. Во моментот одделот за детски болести има доктори кои се на супспецијализација, веќе година се таму и од октомври имаме докторка која ќе почне на специјализација на педијатрија, додаде Ѓеорѓијев.

Директорот на Клиничка болница-Штип Ѓеорѓијев се заблагодари на донацијата од фирмата „Адиент“, која е во Технолошко-индустриската развојна зона (ТИРЗ)-Штип. Ова не е прва донација на оваа компанија и изрази надеж дека соработката ќе продолжи и во иднина.

Мајка од пеколот: Тригодишни близначиња починаа од предозираност со дрога

Џестис Џејмс (22), мајка на тригодишните синови близнаци Џоши и Џестин, е обвинета за убиство и злоупотреба на деца, откако децата починале поради прекумерна изложеност на дрогата фентанил.

Како што објави „Дејлимејл“, децата биле пронајдени во несвест на 11 јули во куќа во паркот Канога, Калифорнија. Тие не реагирале и не биле свесни кога болничарите пристигнале во станот во кој била Џастис Џејмс со нејзиното момче и нејзиното семејство.

Братчињата итно биле пренесени во блиската болница, но веќе било доцна. Џоши починал подоцна истата вечер, а Џестин два дена подоцна.

Џонатан Хатами, заменик окружен обвинител, рече дека ова е прв пат во областа на Лос Анџелес родителите да бидат обвинети за смрт од предозирање поврзано со фентанил.

Употребата на оваа дрога е во пораст, што е вознемирувачки тренд во последните години во САД. Поради истрагата, која се уште не е завршена, обвинителот не сакал да даде повеќе детали за тоа како близнаците биле изложени на дрога.

„Имавме уште четири слични случаи во последните шест месеци во Лос Анџелес. Децата се највредното нешто што го имаме. Тие не купуваат фентанил, не пушат. Возрасните го прават сето тоа, но невините деца плаќаат Највисоката цена е неприфатлива“, рече Хатами.

Мајката на малите деца, Џастис Џејмс, се појави на суд во вторникот и изгледала вознемирено. Во публиката имало уште неколку членови од нејзиното семејство. Таа била задржана во притвор откако ѝ била одредена кауција од четири милиони долари.

Ќе добие адвокат на нејзиното следно судење закажано за 31 јули. Членовите на семејството тврдат дека таа била грижлива мајка и не би направила ништо за да им наштети на синовите. Близнаците неодамна го прославиле третиот роденден, а за Денот на независноста биле на плажа и го гледале огнометот.

Семејството формирало фонд на GoFundMe за да собере пари за погребот на момчињата.

„Ова е навистина тешко за семејството. Сакаме сите да бидат свесни за опасностите од фентанилот“, рекла бабата на момчињата, Реџина Холмс.

Страшна снимка од Индија: Збеснати бикови нападнаа жени во продавница (ВИДЕО)

Во драматичен инцидент минатата недела во Ришикеш, Индија, две жени биле нападнати од разбеснети бикови во продавница.

Индијките се соочија со застрашувачко искуство на 12 јули, кога два диви бикови упаднале во продавница во Ришикеш, Утараханд (Индија). На снимката од инцидентот се гледа како огромните животни, спонтано влетуваат во продавницата и демолирале сѐ пред себе, а потоа им се нафрлаат на муштериите, пренесува Мирор.

Биковите, кои првично биле преокупирани меѓусебно борење и удирање со главите, одеднаш ја свртеа својата агресија врз жените кога едната се обидела да побегне качувајќи се на робата.

На шокантната снимка се гледа како бик се пробива по Индијките: животното во паника скокнало врз нив, расфрлајќи ги торбите и робата што ги заштитила жените од сериозни повреди.

Храбриот продавач брзо интервенирал, се качил на своите производи и со стап избркал еден од биковите, правејќи простор за жените да избегаат, а потоа го избркал другиот бик кој бил заглавен зад жените.

Жените поминале добро, со неколку ситни гребаници, благодарение на чантите и другите ситници.

Извршниот директор на Муники Рети Нагар Палика, Танвер Марвах, рече дека се прават напори за отстранување на бездомните животни од улиците за да се спречат слични инциденти во иднина.

Голема размена на руски и украински заробеници: Бевме во смртна опасност

Русија и Украина денеска разменија по 95 воени заробеници во најновата размена со посредство на Обединетите Арапски Емирати, соопштија украинскиот претседател Володимир Зеленски и руското Министерство за одбрана.

Руското Министерство за одбрана во соопштението објавено на Телеграм наведува дека ослободените руски војници ќе бидат префрлени во Москва на медицински прегледи и физичка и психолошка рехабилитација.

Тие додаваат дека војниците биле во „смртна опасност“ во украинско заробеништво. Украинскиот претседател рече дека ослободените украински затвореници биле припадници на украинските вооружени сили, Националната гарда и граничната служба.

Зеленски им се заблагодари на Обединетите Арапски Емирати за помошта. Тоа е трета ваква размена во изминатите седум недели.

Во последната размена, која се одржа во јуни и беше посредувана од Обединетите Арапски Емирати, Русија и Украина разменија по 90 затвореници.

притисни ентер