Шпанија ќе им дава по 462 евра месечно на најсиромашните граѓани

Шпанската влада усвои уредба со која што се воведува основен месечен приход од 462 евра за најсиромашните граѓани дополнително загрозени од пандемијата на коронавирус.

Граѓаните на возраст од 23 до 65 години имаат право на помош , ако вредноста на нивниот имот не надминува 16.614 евра во недвижнини и заеми со намалени каматни стапки.

Минималниот приход ќе се зголеми со бројот на членовите на семејството до максимум 1.015 евра месечно, а програмата ќе вклучува иницијативи за наоѓање на редовна работа, изјави на прес-конференција вицепремиерот Пабло Иглесијас.

Според уредбата усвоена на седницата, владата ќе плаќа месечен основен приход и ќе го надополни наведениот износ на постојни приходи на граѓаните кои заработуваат помалку за да добиваат барем толку секој месец, објасни Иглесијас.

Програмата треба да ја користат околу 2,3 милиони граѓани, додаде тој. Владата ќе одвои три милијарди евра годишно за плаќање на приходот.

Новата мерка ќе ја изедначи просечната потрошувачка за борба против сиромаштијата со просечна 0,4 проценти од БДП на соодветните земји на Организацијата за економска соработка и развој (ОЕЦД), објави владата.

Шпанија во моментов троши нешто повеќе од 0,1 процент од БДП во борбата против сиромаштијата и на тој начин е на дното на европската скала.

„Ќе ја постигнеме целта што си ја поставивме, ако им помогнеме на таргетираните домаќинства да заземат подобро место во општеството“, рече министерот за социјална помош Хозе Луис Ескрива на прес-конференција.

Проектот за основните приходи беше замислен од премиерот Педро Санчез и вицепремиерот од Унидас Подемос (УП) Пабло Иглесијас пред неколку месеци, а пандемијата ја забрза неговата реализација, јавуваат шпанските медиуми.

Шпанија, со повеќе од 27.000 смртни случаи, е меѓу земјите особено погодени од епидемијата на коронавирус. Владата воведе мерки на штедење кон средината на март, при што невработеноста нагло се зголеми и економијата се соочи со длабока рецесија.

Именувани тројца судии и двајца бранители на Судот на правдата на ЕУ

Комитетот на постојани претставници на земјите членки на ЕУ (КОРЕПЕР) именуваше тројца судии и двајца бранители на Европскиот суд на правдата. 

Како што јави дописникот на МИА од Брисел, станува збор за Германецот Томас фон Данвиц и Летонката Инета Зимеле, кои се реизбрани за судии, како и за Французинот Стефан Жервасони, кој првпат е именуван за судија на Судот на правдата.

Членовите на КОРЕПЕР, исто така, го реизбраа Французинот Жан Ришар де ла Тур за бранител во Судот, а на ова должност во прв мандат е именуван и Луксембуржанецот Дин Шпилман.

Именувањата се извршени во рамки на процесот на делумна обнова на составот на Судот на правдата на ЕУ. Мандатите на петмината именувани ќе траат од 7 октомври 2024 година до 6 октомври 2030 година.

Судиите и бранителите на Судот на правдата на ЕУ се назначуваат со согласност на владите на земјите членки на Унијата, по консултации со посебен панел одговорен за давање мислење за соодветноста на потенцијалните кандидати за извршување на должностите. Тие се избираат од редовите на истакнати правници, кои претходно извршувале високи функции во правосудните системи на своите матични земји.

Баерн го вброи Емери во кандидатите за тренерската позиција

Актуелниот бундеслигашки шампион Баерн Минхен размислува за следната сезона на тренерското место да го донесе предводникот на Астон Вила, Унаи Емери.

Според „TZ“ тренерот на Баер Леверкузен, Чаби Алонсо е главна цел на клубот од Минхен, но поради силниот интерес за Шпанецот од Ливерпул, кој на крајот на сезоната ќе го напушти Јирген Клоп, германскиот клуб размислува за други опции.

Претходно беше објавено дека Баерн размислува и за Роберто Де Зерби од Брајтон, како и за селекторот на германската репрезентација Јулијан Нагелсман.

Во февруари, Баерн најави заминување на главниот тренер Томас Тухел од клубот на крајот на сезоната 2023/24.

Џафери – Коцевски: Ефикасност од институциите за фер избори

 Претседателот на техничката Влада Талат Џафери денеска се сретна со јавниот обвинител на Република Македонија Љупчо Коцевски.

Средбата се реализираше на барање на премиерот Џафери, согласно законската надлежност на Владата за организирање фер и демократски избори, соопшти владината прес-служба.

Џафери на состанокот ја истакна недвосмислената определба на Владата за реализација на избори коишто ќе ја одразат реалната волја на граѓаните. Притоа, посочи дека активностите на Владата се одвиваат според законските надлежности, а лично тој и претставниците на Владата се водат од наратив за позитивна клима во предизборието.

Од страна на јавниот обвинител Коцевски беше поздравена оваа иницијатива на премиерот Џафери, која е во насока на координирање на активностите за успешно спроведување на изборите, со поддршка од сите институции кои се дел од овој процес. Коцевски изрази целосна поддршка за активностите за препознавање индиции и пресретнување на евентуални дела спротивни на заложбите за спроведување законски и фер изборни процеси.

Заеднички е констатирано дека двојните избори во државава се од исклучителна важност во рамки на очекувањата за напредок на Република Македонија во евроинтеграцискиот процес. И во таа насока е потенцирана улогата на сите надлежни институции и потребата од ефикасно дејствување, со цел спроведување фер и демократски изборни процеси. Нагласено беше очекувањето од двете страни, дека сите учесници во изборите го согледуваат својот дел од одговорноста и ќе придонесат во поттикнувањето и одржувањето атмосфера на конструктивност, се вели во соопштението од владината прес-служба.

притисни ентер