Шокантно однесување на Путин и Бајден

Светот е веројатно во најопасниот момент од Кубанската ракетна криза, но сè уште има излез преку преговори.

(Asia Times)

Светот е веројатно во најопасниот момент од Кубанската ракетна криза, но сè уште има излез преку преговори.

Секој што го слушаше ТВ-обраќањето на Владимир Путин до неговата нација на 21 септември мораше да биде шокиран од тонот, некохерентноста и заканата на рускиот лидер.

Американскиот претседател Џо Бајден, во говорот пред Генералното собрание на ОН, само ги влоши, а не ги подобри работите, ставајќи го целиот товар недвосмислено на главата на Путин.

Има многу влијанија од овие настани, вклучително и горчливата можност за поширока војна која ќе се прелее во Европа.

И Бајден и Путин изгледа мислат дека можат да играат таков вид покер. Не само што и двајцата ќе загубат, туку и светот ќе биде многу загрозен.

Да се ​​заземе став дека единствениот исход во Украина е победа или пораз, и дека ако Русија загуби, може да употреби оружје за масовно уништување или руската влада може да се урне во хаос, не е во ничиј интерес.

Во овој момент сме во поопасна ситуација од Кубанската ракетна криза, која своевремено ја ексалира Студената војна најблиску до нуклеарна војна со широки размери.

Жално е да се каже, но се чини дека американскиот претседател не ја сфаќа опасноста или не ги разбира своите одговорности. Непромислениот говор на Бајден не е придонес за мирот.

Не се поразлични ниту изјавите на европските лидери или на НАТО. Изјавите на Путин се уште полоши. Наместо запалива реторика, потребни ни се практични и остварливи решенија за кризата во Украина и Русија.

Последното нешто што му треба на светот е Путин да биде заменет со некој лудак. Сепак, хаосот во Русија веќе почнува да ја крева главата и никој не може да каже што ќе се случи понатаму.

Ниту САД, кои се протагонисти на војната (дури и ако e оправданa), ниту НАТО, не можат да понудат да посредуваат во договор со Русија, но итно е потребен договор.

Сите (освен можеби Русија) се согласуваат дека Украина е суверена земја и не треба да се распaрчува. Дури и рускиот партнер Кина продолжува да го кажува тоа.

Меѓутоа, она што секој треба да го сфати е дека постојат ограничувања за амбициите на Украина кои треба да се договорат.

На Украина не може да ѝ се дозволи дополнително да ја продлабочи војната доколку нејзините дејства резултираат со употреба на нуклеарно оружје или започнување поголема војна во Европа.

Всушност, прашањето не е кој ќе победи, туку што ќе остане, без разлика каков ќе биде крајниот резултат на војната. Исто така, многу е важно колкави разурнувања ќе предизвика и колку луѓе непотребно ќе бидат испратени во смрт.

Еве нацрт за политичко и дипломатско решение за кризата:

1. Основата за спогодба лежи во понудата што може: (а) да ги заштити Украинците кои зборуваат руски и (б) може да обезбеди безбедносни гаранции за двете страни, што значи нема НАТО во Украина и нема руски војници на украинска територија.

2. Во договорот Минск II од 2015 година, имаше одредба Луганск и Доњецк да станат автономни делови на Украина. Договорот предвидуваше дека украинската Рада ќе донесе легислатива која тоа ќе го овозможи, но двете области да дејствуваат во рамките на суверенитетот и Уставот на Украина. Договорот од Минск од 2015 година никогаш не беше спроведен. Договорот треба да се врати од мртвите.

3. Во прашање е: (а) дефинирање на автономијата и (б) нејзино поткрепување со меѓународни гаранции за заштита на украинското население што зборува руски. Русија и правните власти во погодените региони, исто така, мора да се согласат да го заштитат неруското население кое живее во тие области.

4. Договорот треба да се прошири за да го вклучи Крим со исклучок на Севастопол, кој Украина треба да ѝ го отстапи на Русија (вклучувајќи ги и сите комуникации и поддршка што ја бараат). Претходно, Украина го делеше Севастопол, но не постои непосредна убедлива причина да се врати на „статус кво анте“.

5. САД и НАТО треба да се договорат да не поставуваат оружје на НАТО во Украина и да не ја третираат Украина како де факто, ако не и де јуре, членка на Алијансата.

6. НАТО и САД плус Русија треба да ја гарантираат независноста на Украина и да ги дефинираат нејзините граници.

7. Украина треба да се согласи да ги почитува руската култура, јазик, религија и образовни потреби.

8. Администрацијата на Бајден и НАТО би требало да се состанат со украинскиот претседател Володимир Зеленски и со рускиот Владимир Путин, но треба да пристигнат на овие состаноци со солидно портфолио, вклучувајќи ја и дефиницијата за регионална автономија, реструктуирање на законодавството и намерата да се постигне разбирање за распоредување мировници на ОН.

9. Воените злосторници треба да одговараат пред Меѓународниот суд на правдата за нивните наводни злосторства.

10. Треба да се разменат сите затвореници. Ниту еден затвореник не треба да биде погубен или мачен.

11. Русија треба да ги повлече сите свои војници за успешно спроведување на предложениот аранжман, а силите на двете републики треба да се сведат на жандармерија.

12. Поради ограничувањата на Бајден и екстремните позиции заземени од НАТО, спроведувањето на овој дипломатски и политички процес најдобро може да го води генералниот секретар на ОН.

Да бидеме искрени – САД мора го да поддржат евентуалниот договор. САД никогаш не ги поддржаа договорите од Минск, но требаше да го сторат тоа. Администрацијата на Бајден мора да се однесува одговорно во овој момент на екстремна криза.

Временската рамка за да се заврши ова е веројатно два или три месеци, иако ситуацијата е и тешка и чувствителна. Без некој процес кој е во тек, покривот може да падне побрзо отколку што може да се направат поправки.

Странските инвеститори ги анализираат ефектите од глобалниот минимален данок и примената

Советот на странски инвеститори при Стопанската комора на Македонија ги анализира ефектите од глобалниот минимален данок од 15 проценти што се применува од 1 јануари на глобално ниво врз работењето на странските компании во државава.

Советот на странски инвеститори при Стопанската комора на Македонија ги анализира ефектите од глобалниот минимален данок од 15 проценти што се применува од 1 јануари на глобално ниво врз работењето на странските компании во државава кои ќе треба да плаќаат дополнителен данок во земјите од каде што потекнуваат. Државава се уште не е прилагодена кон овој данок, а првите плаќања за годинава по тој основ странските компании би ги имале во 2026 година.

За членките на Советот денеска во Стопанската комора се одржа презентација на тема „Ефектите од глобалниот минимален данок врз добивките на компаниите во Македонија“, во соработка со ПрајсвотерсхаусКуперс (PwC Македонија).

Претседателот на Советот на странски инветитори Виктор Мизо очекува да се утврдат идеи и предлози што ќе се изнесат пред креаторите на политиките по изборите за прилоагодувањето кон оваа новина.

-Како Совет на странски инвеститори заедно со Прајсвотерхаус куперс организираме разговор како глобалниот минимален данок од 15 проценти кој беше донесен на иницијатива на ОЕЦД а државава го прифати пред две години ќе има влијание врз големите мултинационални компании кои работат во државава и имаат консолидирана добивка од над 750 милиони евра и како тоа ќе влијае на нашите работења но истовремено и врз оданочувањето, како на локално, така и на ниво на државите од каде што потекнуваат компаниите, изјави Мизо.

Советот уште минатата година ја покренал оваа дискусија со економскиот тим на Владата и како што рече Мизо, иако тогаш им било кажано дека ќе има барем некаков транзициски период во кој како држава нема да го воведуваме, сепак од 1 јануари годинава данокот е воведен на глобално ниво.

-За голем број компании без разлика дали работат во или не во технолошко индустриските развојни зони, дали добиваат државна помош или не, ќе треба детално да се разгледаат сите ефекти како тоа ќе влијае. Зборуваме за бројка од над 50 компании кои доаѓаат од многу различни земји, од Северна Америка и од Европа, пред се, рече Мизо.

Со претставниците на PwC Македонија ќе ги разгледаат сите можности и апликации и деталите врз основа на кои компаниите ќе треба да размислат како ќе работат во иднина.

-Истовремено можеме да дадеме размислувања и предлози на кој начин потенцијално идните политики визави компании и државната помош и начинот на различни даночни ослободувања ќе треба потенцијално да се адаптираат за да имаме оптимално искористување овде, посочи Мизо.

Иако државава се уште не е адаптирана на данокот и останува рамниот данок од 10 проценти, Мизо рече дека ако ништо не се смени ќе треба да има доплаќање на дополнителен данок во земјите од каде што потекнуваат овие компании зависно од тоа дали тие добиваат или не државна помош. Разликата, појасни, може да биде целосно плаќање на 15 проценти или разликата помеѓу ефективниот данок кој се плаќа кај нас и до 15 проценти. Исплатата ќе биде во државите во странство каде што се лоцирани компаниите.

Прашан дали може дел од странските компании коишто работат кај нас во зоните да ја напуштат државава поради оваа дополнителна давачка, Мизо рече дека преку разговорите ќе се видат сите позитивни и негативни ефекти, но оти сите политики поврзани со бенифиците би требало да се адаптираат.

-Истовремено ние како индивидуални компании да размислиме како треба да се поставиме, но и да дадеме некои препораки или идеи кон државата на кој начин потенцијално тие даночни политики, но истовремено сите политики поврзани со бенефиции би требало да се адаптираат за да има една неутралност и кон компаниите, но истовремено и за државата, бидејќи даночен одлив од државата исто така не е нешто што е позитивно за никого, укажа Мизо.

Тој смета дека после изборите наесен треба да се разговара со креаторите на политиките за да се види како ќе се адаптираме како држава.

-Ги дефинираме сега сите овие работи и потоа врз основа на овој разговор, врз основа на идеите тоа би ги презентирале до сите креатори на политиките што и како треба да се направи, бидејќи јас сметам дека можеби треба да се размислува ова да се направи после изборите некаде оваа есен за да видиме како ќе се адаптираме како држава, рече Мизо.

Мирослав Мирчев од PwC Македонија најави дека пред компаниите ќе ги претстават комплексните правила за да можат да се подготват за нивна примена

-Во рамки на дискусијата очекувам да се размислува и да се формулира што може да се прави поврзано со фискалните аспекти, со економската политика – секоја компанија сама може да размисли за импликациите и потоа да реши како да постапува – здружено, сама, дали сака да зборува со некој или чисто да биде подготвена за усогласување на плаќањето, рече Мирчев.

ВМРО-ДПМНЕ: Растот на платите со кои се фали Битиќи е лага, платите се стопија

Растот на платите со кои се фали Битиќи е лага, платите се стопија со порастот на трошоците на живот.

Уште една голема манипулација на СДСМ кои се во очај!

Во отсуство на било какви економски резултати, Фатмир Битиќи на социјалните мрежи сподели графици со растот на платите во приватниот сектор од 2016 до 2023 година фалејќи се дека ја зголемиле благосостојбата на граѓаните и постигнале извонредно зголемување на просечната плата не само во јавниот сектор, туку и во приватниот сектор. Но дали е така?

Од вкупно 19 дејности според Националната класификација на дејности, во периодот од 2006-2016 година кога беше на власт ВМРО-ДПМНЕ во вкупно 11 дејности платите растат со посилно темпо од платите во периодот од 2017 до 2023 година.

Во градежништвото, Битиќи се фали дека платата се зголемила за 72%, но во претходниот период на владата на ВМРО-ДПМНЕ платата во градежништвото порасна за 104% (или двојно се зголемила). Се фали дека растот на платите во секторот транспорт и складирање е 50%, но во претходен период на ВМРО-ДПМНЕ растот беше 62%. Во секторот снабдување со вода и управување со отпад се фали дека платата пораснала за 47%, а во претходниот период на ВМРО-ДПМНЕ растот на платата бил 60%.

И сега, за кој повисок раст на плати збори Битиќи? Платите во секторот информации и комуникации силно растат и во двата периода и сите знаат дека овој раст е природен, условен од високата побарувачката како на домашен, така и на меѓународен план. Платите во преработувачката индустрија, рударството и услужните дејности (објекти за сместување и сервисни дејности за храна, административни и помошни услужни дејности), и во трговија на големо и мало, растат позабрзано во периодот од 2017-2023 година во услови на намалена понуда на работна сила, иселување на работната сила, барање на работа во соседни држави, а при постоење на домашна побарувачка за овие дејности. Пазарните сили ја детерминираат цената на трудот. И како е зголемена благосостојбата на граѓаните кога во ваш мандат трошоците за живот пораснаа за НЕВЕРОЈАТИ 35%? Ако се земе предвид и овој раст, којшто вие упорно не го земате, НОМИНАЛНИОТ раст на платите се топи. И пак, ВМРО-ДПМНЕ ве води во реалниот раст на платите кој беше создаван во услови на решавање на висока невработеност и со испорачување двојно повисок економски раст од вашиот! Губитници сте на секое поле.

Со почит,

Центар за комуникации на ВМРО-ДПМНЕ

Бабовски: Кај нас нема од вафлите Нестле што се повлечени од хрватскиот пазар

 Во Макеоднија нема од производот „вафли Нестле Кит Кат Мини“ којшто е повлечен од хрватскиот пазар, информира за МИА директорот на Агенцијата за храна и ветеринарство (АХВ) Николе Бабовски. 

- Производот повлечен од пазарот во Хрватска, во РАСАФ системот се уште не е нотиран. Нашите инспектори веќе се на терен и во поголемите ланци на маркети нема од тој производ. Има 125-грамски, додека 200-грамски и наполитанки со чоколаден прелив кои се третирани во Хрватска како небезбедни, кај нас на пазарот не се појавени, изјави Бабовски.

Тој најави дека контролата во супермаркетите ќе продолжи и во наредните денови.

-Очекуваме и соодветна нотификација од хрватската служба во РАСАФ системот и системот за брзо предупредување и информирање, рече Бабовски.

Хрватската Агенција за земјоделство и храна денеска објави дека производот вафли Нестле КИТ КАТ Мини е повлечен од пазарот поради присуство на минерални масла.

-Се повлекува исклучиво Несле Кит Кат Мини 200 g во кесичка серија 40580734, со рок на траење од 01.2025 година, пренесе Дневник.хр.

Производител е Nestle Deutschland AG, Франкфурт, Германија, а дистрибутер за Хрватска е Nestle Adriatic д.о.о. од Загреб.

притисни ентер