Свет

Шокантен потег на кралот Чарлс III

Се заканува ли раздор помеѓу кралот и неговиот постар син Вилијам?

Според извори од Британската палата, кралот Чарлс, наводно, го повикал надбискупот од Кентербери, Џастин Велби, да посредува во договорот за принцот Хари и Меган Маркл да присуствуваат на неговото крунисување закажано на 6. мај во Вестминстерската опатија, а тоа многу го налутило принцот Вилијам.

Според британските медиуми, кралот Чарлс оценил дека би било помалку штетно доколку Хари и Меган присуствуваат на крунисувањето, отколку кога тие целосно би биле исклучени од церемонијата. Сепак, на оваа желба на кралот жестоко се спротивставил принцот Вилијам, кој верува дека неговиот помлад брат би можел да се послужи со некаква постапка за тој и Меган да бидат во центарот на вниманието на крунисувањето, а не кралот Чарлс.

Извор близок до британското кралско семејство изјавил дека се разгледуваат условите под кои Хари и Меган би можеле да присуствуваат на крунисувањето.

- Вилијам бара на неговиот брат јасно да му бидат пропишани услови на однесување за време на крунисувањето кон кои тој и Меган би морале да се придржуваат без приговор, доколку сакаат да присуствуваат на крунисувањето - рекол изворот.

Сепак, прашање е дали Хари ќе се согласи на тие услови.

Инаку, британските медиуми направија и анкета меѓу граѓаните со прашањето: „Дали Хари треба да присуствува на крунисувањето или не?“. Повеќе од половина од анкетираните веруваат дека одметнатиот принц нема што да бара на тој настан. Поголемиот дел од луѓето, односно оние кои го осудуваат однесувањето на Хари, имаат над 50 години, додека помладите помеѓу 20 и 35 години истакнуваат дека без разлика на сè, на принцот Хари и на неговата сопруга треба да им се дозволи да се појават на крунисувањето.

Надбискупот Џастин Велби нема лесна задача бидејќи ќе мора да посредува помеѓу Хари и останатите членови на кралското семејство. Најголем проблем се длабоко нарушените односи помеѓу браќата, бидејќи секој влече на своја страна.

Да потсетиме, принцот Хари неодамна ги објави мемоарите „Резервен“ („Spare“) во кои ги разоткрива мрачните тајни на британското кралско семејство. Палатата, барем не официјално, не се огласи и очигледно нема да ги коментира наводите од мемоарите на Хари.

Одметнатиот принц верува дека не направил ништо лошо и дека не е единствената црна овца во семејството, особено ако се земе предвид однесувањето на принцот Ендру (помладиот брат на кралот Чарлс), кој своевремено беше обвинет за педофилија. Принцот Хари очекува кралското семејство да се извини поради начинот на кој се однесувале кон него, што е речиси неверојатно.

Свет

Драматична снимка на спасување од автомобил во пламен- попусто ја отвораат вратата (ВИДЕО)

Група добри Самарјани успеале да скршат запален автомобил и да спасат маж заробен внатре, додека драматичниот момент на спасувањето бил снимен во Минесота.

На видеото се гледа група луѓе околу автомобил зафатен од пламен. Тие очајнички се обидуваат да ја отворат вратата пред некој да го скрши прозорецот на возачот и потоа да го повлече на безбедно.

Инцидентот се случил минатиот четврток околу 18 часот и 30 минути.

Властите соопштија дека Хонда скршнала надесно и удрила во столб од светло, а потоа и во заштитна ограда пред да се запали, создавајќи чад и голем пожар.

Возачот потоа бил пренесен во болница, но за среќа не се здобил со сериозни повреди.

Живот

Нарачувале бифтеци, купишта десерти, испиле 15 шишиња вино, а потоа извеле познат трик (ВИДЕО)

Италијанскиот ресторан Bella Ciao во Порт Талбот, западно од Свонси, Британија, обвини група гости, најверојатно членови на исто семејство, дека си заминале без да си ја платат сметката.

Менаџерот тврди дека нарачале скапи бифтеци, двојни десерти и 15 шишиња вино, а кога дошло време да се платат работите „станале чудни“.

На видеата и фотографиите, кои ресторанот ги објави на Фејсбук, се гледа дека жена, најверојатно мајка, се обидува со картичка да плати сметка од 380 евра.

Плаќањето било одбиено двапати, а вработените тврдат дека жената рекла дека нејзиниот син ќе ја чека во барот додека таа „одеше да земе друга картичка“, пишува Дејли мејл.

Претставниците на ресторанот наведуваат дека таа не се вратила, а и момчето побегнало од местото на настанот.

„Мојот син сакаше да тргне по него, но јас му реков да престане“, изјавил менаџерот Тајрон Рис.

Тој додава дека не успеал да стапи во контакт со групата гости бидејќи бројот со кој ја направиле резервацијата бил „лажен“. Случајот подоцна го пријавил во полиција.

Снимката што беше објавена стана вирална во текот на викендот, а Тајрон Рис тврди дека добил многу повици од други ресторани кои имале слични инциденти со семејството (кое не платило).

Тој додава дека е „разочаран од реакцијата на властите“.

„Плаќам даноци, но се чини дека сум немоќен. Ме нервира кога знам дека ова се случува и дека се извлекуваат со тоа“.

Свет

Итно е евакуиран хотел во Рим поради токсично испарување од базенот, настрадале пет лица

Најмалку пет лица се затруени во хотел во центарот на Рим, кога од базенот се испуштале штетни испарувања.

Наредена е итна евакуација на сите присутни гости и вработени.

Според италијанските медиуми, повредените се во болница, а едно лице е во многу тешка состојба.

Вработените во хотелот се затруени, а најмалку 35 лица се евакуирани.

Во моментот кога алармот се вклучил, во хотелот имало само неколку туристи кои престојувале на појадок.

Отровните испарувања „доаѓале“ од бањата и велнес центарот на долниот кат од хотелот, а се сомневаат дека се од базенот.

Полицијата го обезбедувала и просторот во непосредна близина на хотелот, а поради отровните испарувања биле затворени околните улици.

притисни ентер