Шекеринска: Предметите на СЈО се безбедни со законот за ЈО политиката трга раце од правосудството

Денеска е и денот кога најпосле влегува во сила Законот за јавно обвинителство.

Овој Закон заедно со неколку други закони кои целосно ги усогласивме со препораките на Венецијанската комисија е нова шанса за правната држава кај нас. Ние со одлуката да предложиме и да избуткаме низ Собрание еден ваков Закон за јавно обвинителство покажавме дека најпосле судството го ослободуваме од партиските стеги, рече Шекеринска, додавајќи дека сега, на ред се обвинителите и судиите да покажат дека ќе се ослободат од сите оние кои што удрија печат на криминал, корупција и злоупотреби врз целото судство, ќе се прочистат и ќе покажат дека правдата може да функционира за сите.

Многу работи во државата се променија, но некои како ВМРО ДПМНЕ, за жал останаа исти. ВМРО ДПМНЕ и понатаму продолжи да ги блокира сите позитивни процеси за својата држава, ВМРО ДПМНЕ сè уште се обидуваше да става сопки на сето ослободување на судството од партиски стеги. ВМРО ДПМНЕ се уште се опира на шансата да се бориме против криминалот и корупцијата и ВМРО ДПМНЕ според оние бомби кои што успеавме да ги чуеме навистина до последен момент се трудело да го блокира законот за јавно обвинителство само за да ги заштити своите блиски, своите партиски луѓе, своите бизнис партнери од словото на Законот, нагласи Шекеринска.

Таа истакна дека ВМРО ДПМНЕ продолжува и понатаму да ги потценува и да ги плаши граѓаните и ВМРО ДПМНЕ сè уште бега од дуели, бега од соочувања и бега од ненарачани прашања, За ВМРО ДПМНЕ, МВР е сè уште МВРО.

Во Вевчани денеска ги гледаме резултатите на една многу агилна и активна локална власт која што успева со свои средства, со поддршка од планските региони, но и со поддршка на меѓународните партнери да изгради, да поправи, да реновира, многу од работите кои што останале заборавени во минатото, истакна носителката на кандидатската листа на коалицијата „Можеме" во изборната единица 5, заменик претседателката на СДСМ Радмила Шекеринска.

Граѓаните покажаа дека сакаат државата да се променува на подобро. Ние покажавме дека знаеме и можеме да ја менуваме државата на подобро. Обезбедивме поправична држава, обезбедивме членство во НАТО, обезбедивме почеток на преговори со Европската Унија. Обезбедивме повисоки пали и повисоки пензии. Сега од 15 јули ќе ги удриме темелите на целосно правна држава во која законот ќе важи за сите и законот нема да може да се злоупотребува. Обезбедивме за прв пат политиката да ги тргне своите раце од правосудството. Ќе обезбедиме подобар живот и ќе понудиме нова шанса за сите граѓани во нашата земја, порача од Вевчани, носителката на кандидатската листа на коалицијата „Можеме" во изборната единица 5, заменик претседателката на СДСМ Радмила Шекеринска.

Центар за комуникации со јавноста на СДСМ

Објавен е трејлер од документарниот филм за страдањата на Бритни Спирс (ВИДЕО)

Објавен е трејлер за новиот документарец за животот на Бритни Спирс наречен ,,Framing Britney Spears”.

Филмот, во продукција на Њујорк Тајмс, зборува за подемот на пејачката во нејзината борба за да го врати правото да донесува сопствени одлуки за нејзиниот приватен и деловен живот.

Имено, кога се дознало дека нејзиниот татко управува со целиот нејзин имот, но и ги донесува сите приватни и деловни одлуки во нејзино име поради краткотрајната хоспитализација на психијатрија во 2008 година, движењето #FreeBritney, зад кое стојат нејзините обожаватели, започна да се шири на социјалните мрежи. Иницијативата има за цел да укаже на заговор против нивната омилена пејачка, но и да изврши притисок врз судовите да ја разгледаат одлуката за домашен притвор.

Дури и по неколку нови сослушувања, Бритни Спирс сè уште не смее да носи свои одлуки, но за нејзиниот случај продолжува да се зборува.

"Трејлерот изгледа ветувачки. Се надевам дека ова ќе ги обелодени вистинските проблеми со кои Бритни се бори и да ја донесе правдата за ова движење", "Треба да знаеме дека таа не е единствената што се соочува со ваков проблем. Мора да престане." Се надевам дека вистината ќе се дознае “, се само дел од коментарите.

Филмот ќе може да се види на платформата Хулу од 5 февруари.

Уапсен е еден од најдобрите светски УФЦ борачи, пијан ги пцуе полицајците (ВИДЕО)

Би-Џеј Пен, поранешен шампион на УФЦ во лесна и во полутешка категорија, кој некогаш важеше за еден од најдобрите во светот, има големи проблеми со законот.

На Јутјуб се појави видео од неговото апсење на Хаваите.

Пен е уапсен за возење под дејство на недозволена дрога, а на снимката се гледа како полицијата го апси додека тој вреска во правец кон лицето кое го снимало инцидентот. Тешко е да се каже точно по кого викал Пен, но јасно се слуша навредлив збор против Афроамериканците, како и пцуење.

"По пристигнувањето на местото на настанот, полицијата ги испраша сведоците и дозна дека Пен пристигнал порано во Тојота. Пред да пристигне полицијата, 42-годишникот разговарал многу гласно со вработените. Потоа се оддалечил на несовесен и опасен начин. Наскоро се виде дека е под дејство на алкохол и е приведен “, се вели во извештајот на локалната полиција.

На Пен, ова не му е прв инцидент со законот. Последната борба во УФЦ ја имал пред две години, а организацијата решила да го раскине договорот со него откако бил снимен во улична тепачка пред стриптиз клуб.

Робот продава автомобили ,се знае и за која компанија (ФОТО)

Ако се суди според овој случај, имаме уште една професија што во иднина може да исчезне.

Со воведувањето на системот за автономно возење, возачите ќе изгубат од важноста, но сигурно нема да исчезнат. Кога станува збор за продавачите на автомобили, тешко е да се каже каква е нивната судбина. Ако е според Hyundai, тие стануваат непотребни затоа што го имаат DAL.

ДАЛ помага да се поврзете со искуството или едноставно е сервисен робот. И не е тука за да ги замени сите оние непрофесионални дилери кои не можат да се пофалат со најдобро познавање на предметот на продажбата, па дури и да ве убедат да купите автомобил. Причината за неговото појавување е секако пандемијата, и ова е начинот на кој Hyundai сака да понуди поголема безбедност во своите салони.

„Со постојан напредок и развој, DAL обезбедува пријатно искуство за нашите клиенти во неконтактно опкружување“, вели Донг Џин Хјун, раководител за роботика во Hyundai.

Роботот е висок само 1.160 мм и тежок 80 кг, а неговата листа на карактеристики вклучува препознавање лице, познавање на повеќе јазици, но и можност за комплетно претставување на опсегот на Hyundai. Договарање и вадење дополнителни попусти не се во неговиот алгоритам на акција.

ДАЛ веќе го добил првиот ангажман во салонот на Хјундаи во Сеул, а понатамошното ширење на идејата ќе зависи пред се од реакциите на потенцијалните клиенти, односно од ефикасноста на продажбата на роботот.

притисни ентер