Македонија

Шекеринска: Од понеделник 12 лекари и 20 медицински сестри ќе ги засилат воените екипи

Врз база на барање од Министерството за здравство, по консултациите кои ги направивме, од понеделник дополнителни 12 лекари и 20 медицински сестри ќе ги засилат воените екипи кои и во моментов помагаат во здравството. 

Очекувам таа операција да се случи од понеделник, најави денеска министерката за одбрана Радмила Шекеринска.

Во однос на тоа каде ќе обезбедува војската, таа нагласи дека полициските и воените сили ќе бидат сконцентрирани на поддршка на здравствените институции.

– Вчера претседателот ја донесе одлуката и денеска, ова утро, Министерството за внатрешни работи координира со Армијата и со Министерството за здравство, за тоа кои луѓе, каде ќе бидат распоредени. Јас очекувам врз база на побарувањата од Министерството за здравство во текот на утрешниот ден да започне распоредувањето, соопшти Шекеринска.

Овие одлуки, додаде, не ги носи ниту МО, ниту Армијата самостојно, туку ги носат заедно со Центарот за управување со кризи (ЦУК) врз база на побарувања од здравствените институции.

В.д. директорот на ЦУК Стојанче Ангелов појасни дека се работи за обезбедување на здравствени институции, амбуланти, ковид амбуланти, или евентуално магацини во кои би се чувала роба која е поврзана со здравствената криза.

– Во текот на денешниот ден главниот штаб во кој ќе учествуваат претставници на Министерството за здравство, полицијата и Армијата точно ќе определи каде и кога ќе излезат претставници на Армијата во поддршка на полицијата. Тоа не значи дека целокупната бројка која е предвидена во одлуката на врховниот командат од утре ќе се најде на улица. Ќе излезат само онолку војници колку што е неопходно во оваа фаза, рече Ангелов.

Македонија

Ковачевски: Зад инцидентот на Косово е нечија агенда

Зад инцидентот на Косово е нечија агенда со цел на регионот повторно да се гледа како на подрачје на судири меѓу соседите

Премиерот Димитар Ковачевски денеска ги осуди вчерашните случувања во Косово и повтори дека нема опасност по безбедносната состојба во земјава.

- Во земјава не постои никаков основ за какво било стравување во однос на безбедносната ситуација, меѓутоа морам да изразам загриженост и осуда за она што се случи на Косово, бидејќи таму беше убиен полицаец, кој е дел од безбедносните структури. Тоа беше акт на насилство којшто никому не му треба и сите се уверивме дека не носи ништо добро, освен немир не само во Косово, туку и во целиот регион, изјави Ковачевски, одговарајќи на новинарски прашања по посетата на компанијата „Алма - М“.

Според Ковачевски, зад она што вчера се случи на Косово постои нечија агенда со цел регионот повторно да се види како подрачје на кое има кавги меѓу соседите.

- Сигурно е дека зад тоа што вчера се случи на Косово постои нечија агенда на луѓе кои сакаат овој регион повторно да го видат како регион на немир, регион на кавга меѓу соседите, меѓутоа за среќа има политичари како што се политичарите кај нас и во Албанија, верувам дека ги има во сите држави во регионот, кои сакаат да го видат регионот интегриран во ЕУ, рече Ковачевски.

Се согласи со апелот на еврокомесарот Оливер Вархеји кој побара истрага за да се откријат сторителите, мотивите и нарачителите.

Фудбал

Гвардиола: Родри не заслужува казна од три натпревари, но правилата се правила

Тренерот на Манчестер сити, Пеп Гвардиола е свесен дека Родри поради се соочува со суспензија на три натпревари.

„Граѓаните“ викендот го победија Нотингем Форест (2:0) во 6. коло од Премиер лигата. Играчот од средниот ред на Сити го фати за гуша играчот од средниот ред Морган Гибс-Вајт и доби црвен картон. Поради овој инцидент, според правилата најверојатно ќе биде суспендиран на три натпревари.

Доколку се донесе таква одлука, Родри нема да игра против Њукасл, Вулверхемптон и Арсенал.

Гвардиола поради повреди не може да смета ниту на Кевин Де Брујне, Бернардо Силва, Матео Ковачиќ, Џон Стоунс и Џек Грилиш.

- Треба да разговарам со клубот, но имам намера да влијаам околу евентуална жалба. Според мене, потегот на Родри не е за казна од три натпревари, но правилата се правила. Родри треба да извлече поука од ова. Се надевам дека ова нема да се повтори, изјави тренерот на Манчестер Сити.

На 27 септември Манчестер Сити ќе игра против Њукасл во англискиот Лига куп. Во следните кола од Премиер лигата, Граѓаните ќе се сретнат со Вулверхемптон и Арсенал.

Македонија

Седумдесет и четири годишен маж починал по пад од мотокултиватор

 На патот Делчево -  планина Голак, над манастирски комплекс „Балаклија“, С.С.(74) вчера додека управувал мотокултиватор, изгубил контрола и излетал од патот. Потоа од здобиените повреди тој починал.

Како што соопшти МВР, лекар од Клиничката болница Штип констатирал смрт.

Извршен бил увид од увидна екипа од ОВР Делчево.

притисни ентер