Шекеринска: 11 години ВМРО-ДПМНЕ не држеа изолирани, европската перспектива сега е отворена

Ние ветивме ЕУ и НАТО – и тоа го одработивме за само 2,5 години. ВМРО-ДПМНЕ на сите ни изгубија 11 години – и нам и на нашите деца. 

Рековме ќе ги решиме најтешките прашања и ги решивме бидејќи кај нас зборот е збор истакна носителката на кандидатската листа на коалицијата „Можеме" во петтата изборната единица, заменик претседателката на СДСМ Радмила Шекеринска во интервју за Прес24.

Станавме членка а НАТО, почнуваме преговори со ЕУ, направивме пријатели во светот, ги покачивме платите, 300% ја зголемивме социјалната помош, невработеноста ја намаливме на помалку од 17%, медиумите се сосема слободни и гласни, нагласи Шекеринска.

Не можеш, како што правеше ВМРО ДПМНЕ, на избори да велиш - ќе ја внесеме државата во ЕУ и НАТО, ќе ги покачиме платите, ќе се погрижиме за сиромашните и за социјалните случаи, граѓаните ќе имаат повеќе пари – а потоа не само да не го оствариш тоа, туку да ја скараш и изолираш земјата со сите, да ја блокираш цели 11 години, да не се ни обидеш да најдеш решение што ќе ја отвори евроатланската перспектива, силно да се противиш на повисоки плати и како власт и како опозиција, да ги погазиш сите права на своите граѓани, да ја згазиш слободата на медиумите, иднината на сопствената земја - а од друга страна да градиш бела палата и да ги полниш своите и сметките на најблиските извршители со парите на граѓаните низ тајни криминални зделки. Тоа граѓаните го паметат и нема да дозволат да се повтори, истакна Шекеринска.

Европската перспектива на државата по 11 години власт на ВМРО-ДПМНЕ е отворена и сега претстои период на нејзино исполнување и во процесот на членство во Европската Унија, додаде Шекеринска.

-Преговарачката рамка е промоција на македонскиот јазик како иден службен јазик на Европската Унија. Ние водиме политики на партнерства и пријателства, а македонскиот јазик е признаен и прифатен од целиот свет, впишан во картата на ОН. Договорот со Бугарија која е наш сосед и пријател, е потпишан на македонски јазик. Пропаднаа сите надежи на опозицијата дека ќе можат да го сокријат ова – дека успеавме да се потврдиме во светот со јасен и цврст идентитет - како македонски народ, кој зборува македонски јазик. Ние преку дијалог и пријателство дојдовме до тука, така и ќе продолжиме, порача Радмила Шекеринска, носителка на листата на Коалицијата „Можеме" во петтата изборна единица,.

Нептун со ново иновативно решение за онлајн шопинг – Купувајте на рати отсега и онлајн!

Дигитализацијата на услугите е една од примарните процеси во Нептун Македонија, компанијата која континуирано на иновативен начин им го олеснува на потрошувачите купувањето на апарати за домаќинство.

Нептун Македонија, во партнерство со ИутеКредит Македонија, лансираа ново иновативно решение за онлајн шопинг со кое потрошувачите ќе може на лесен, брз и безбеден начин да купуваат онлајн на рати преку веб страната www.neptun.mk. Освен оваа новост изминатиов период Нептун Македонија промовираше неколку иновативни дигитални алатки: мобилна апликација за онлајн шопинг и дигитализација на happy лојалната програма и happy картичката.

Покрај опцијата потрошувачите да може да купуваат онлајн со кредитни или дебитни картички, отсега ќе имаат можност по изборот на саканите производи многу едноставно и брзо да аплицираат за купување на производ од Нептун преку исплаќање со наменскиот кредит од ИутеКредит и истиот да го исплаќаат од 3 до 24 рати со суми од 3.000 до 120.000 денари. Целиот процес е дигитализиран и потрошувачите нема да имаат потреба да достават физички документи со што се олеснува целиот купопродажен процес.

Процесот на апликација и одобрување е лесен и брз, што овозможува одличен бенефит за секој потрошувач. Во само 3 чекори потрошувачите ќе можат да ги купат своите омилени производи во Нептун:

Го избирате вашиот омилен производ на www.neptun.mk

Избирате опција за плаќање на рати преку ИутеКредит

Доколку апликацијата за кредит е одобрена, Нептун ви ја доставува нарачката во предвидениот рок

Овој начин на кредитирање при онлајн купување на производи е прв и единствен на пазарот во Македонија. Соработката помеѓу овие две иновативни компании придонесе за напредок на Е-трговијата во нашата држава. Само со вакви проекти и иновации можеме да го унапредуваме купувачкиот процес и да ги направиме услугите и производите подостапни за македонските купувачи.

Нептун Македонија најголемата малопродажна и дистрибутивна мрежа во Македонија на апарати за домаќинство, уреди за ладење и греење, телевизори, гејминг опрема, смартфони и ИТ уреди, е присутна 22 год. на македонскиот пазар преку 25 продажни салони во 21 град во Македонија и преку 80 големопродажни партнери. Со брендови во своето портфолио како Беко, LG, Samsung, Sony, Apple, Philips, Bosch, Asus, Huawei, Hitachi, Fuego и многу други, „Нептун” е позициониран како апсолутен лидер на пазарот во државава.

Бејл барал поштеда пред вечерашниот дуел, го фатиле како игра голф (ВИДЕО)

Вечерва, по петмесечна пауза, Лигата на шампионите се враќа на реванш натпреварите меѓу Манчестер Сити и Реал Мадрид, како и Јувентус и Лион во осмина финалето.

Сити на „Етихад“ ја брани предноста од 2: 1 од Мадрид стекната на 26 февруари и не може да смета на повредениот Серхио Агуеро и на исклучениот Бернард Менди, а Реал пристигнува без капитенот капитен Серхио Рамос, повредениот Маријан Дијаз и со мали повреди на Еден, Хазард и Марсел.

Тие нема да бидат придружувани од Герет Бејл, кој не е подготвен за мечот, но како што објасни Зинедин Зидан, тоа е лична одлука на Велшанецот.

„Зошто Бејл не е таму? Разговаравме и тој ме замоли да не игра. Тоа е сè што можам да ти кажам“, рече тренерот на Реал, додавајќи:

"Сè друго останува меѓу нас двајцата. Објаснив каква е ситуацијата. Немам ништо повеќе да додадам. Тој не е повреден. Ги почитувам сите играчи, вклучително и него. Работите што се случуваат во соблекувалната треба да останат таму. Тој сè уште е вистински играч, ова не е ништо , тој не се менува. Ќе повторам, тој е наш играч и јас го почитувам. Тој рече дека претпочита да не игра овде и ете, не игра.

Сè би било добро ако шпанскиот Ел Чарингито не излезе со снимка од ова попладне, покажувајќи што прави Бејл само неколку часа пред натпреварот од кој побара да биде поштеден.

Имено, редакцијата на шпанската телевизија доби видео од терен за голф каде Гарет Бејл, која инаку е позната како голем љубител на голфот, може да се види како го поминува времето.

Лидерот на Хезболах негира поврзаност со експлозијата во Бејрут

Лидерот на проиранската група Хезболах, Хасан Насралах ги отфрли обвиненијата дека неговата група го контролирала пристаништето во Бејрут, кое е уништено од катастрофалната експлозија претходно оваа недела.

„Објавувам и категорично отфрлам дека нешто во пристаништето е наше; нема складишта за оружје, ракети, пиштол, бомба, куршум, нитрат“, рече Насралах во телевизиското обраќање, побивајќи ги некои обвинувања во Либан и во странство дека неговата група имала оружје складирано во пристаништето. .

„Нема апсолутно ништо, во сегашноста, минатото и иднината. Истрагите ќе го потврдат тоа“, рече тој.

„Некои ќе им кажат на Либанците дека Хезболах треба да биде обвинет (за експлозијата во пристаништето). Тоа е лажно обвинение“, рече тој.

Насралах повика на фер и транспарентна истрага за експлозијата во вторникот.

Според него, експлозијата што ја погоди либанската престолнина е без преседан во модерната историја и бара меѓународно единство и не треба да се политизира.

Тој ја поздрави солидарноста што ја покажуваат земјите ширум светот, велејќи дека тоа е можност за Либан, кој веќе некое време се соочува со тешка економска криза.

Двојната експлозија со невидена деструктивна моќ што го опустоши Бејрут, според некои аналитичари, дополнително ќе ја ослабне веќе кревката влада во таа банкротирана и високо поларизирана земја.

Владата на Хасан Диаб, формирана во јануари 2020 година, е претставена како кабинет на технократи и е под критики за тоа што е подредена на партијата на претседателот Мишел Аун и на неговиот неуништлив сојузник Хезболах.

Влада која го одложува спроведувањето на економските реформи, побарани од меѓународната заедница и Меѓународниот монетарен фонд (ММФ) за излез од кризата, предизвикува бес и револт кај населението.

Таа дополнително беше ослабена оваа недела со оставката на министерот за надворешни работи, дипломатот од кариера, Насиф Хити, кој посочил на „недостаток на вистинска волја“ за започнување на реформите.

притисни ентер