Сијарто: Најдоцна во јуни Македонија да ги почне преговорите со ЕУ

Министерот за надворешни работи на Унгарија, Петер Сијарто, денеска, на негова иницијатива престојува во работна посета на Македонија.

Во фокусот на разговорите со државно-политичкиот врв во земјава денеска, покрај евроинтегративните процеси, е и конкретна помош од Унгарија за Македонија, за полесно справување со последиците од коронавирусот.

И честитам на Македонија што минатата недела доби согласност за започнување на преговорите со ЕУ и што станавте 30-та членка на НАТО. Ние во Европскиот совет ќе се обидеме да издејствуваме најдоцна до мај да ја затвориме рамката за преговорите и најдоцна во јуни да започнеме со самите преговори. Ние многу добро знаеме колку е важно на Западниот Балкан да владее мир и меѓусебна соработка и овие работи не приближуваат кон тоа, изјави денеска шефот на унгарската дипломатија Петер Сијарто кој се наоѓа во посета на Скопје, по средбата со министерот за надворешни работи Никола Димитров.

Шефот на унгарската дипломатија информира дека донел донација за здравствените служби во земјава, со цел подобро справување со кризата предизвикана од коронавирусот, а во контекст на тоа се осврна и на прашањето со мигрантите.

– Не смееме да заборавиме ни во рамки на предизвиците од кризата со коронавирусот дека е друг огромен предизвик. И миграциски притисок на турско-грчката граница и натаму е многу сложена ситуацијата. Унгарските полицајци заедно со македонските полицајци на границата само во оваа година спречиле најмалку 5.600 обиди за илегален премин. Ние сме многу горди на нашите полицајци бидејќи во различни ротации преку 1.300 унгарски полицајци служеле на македонско-грчката граница и му нагласив на мојот колега Димитров дека и натаму Македонија може да смета за помошта на унгарските полицајци, рече Сијарто.

Тој истакна дека Унгарија води одговорна политика кон соседите и веќе обезбедиле помош за Словенија, Хрватска и Србија, и сега, како што рече, за Македонија, бидејќи ако овие држави ослабнат во кој било поглед тогаш и нивните капацитети за одбрана се намалуваат и доколку во таква состојба се соочат со еден миграциски притисок тогаш во тој случај нема да можат да го запрат тој притисок.

– Ние имаме огромен интерес со тој миграциски притисок да се справуваме што подалеку од нас, рече Сијарто.

Шефот на унгарската диполоматија истакна оти успеале да ја донесат помошта затоа соработката со Унгарија и Кина постојано и многу ефикасно функционира и постојано пристигнува медицинска опрема на територијата на Унгарија.

– Ние во изминатата недела фактички купивме од Кина една фабрика за производство на оваа опрема која ќе произведува заштитни маски. Веќе машините се инсталирани и многу бргу ќе започне и производството, така што е возможно на Македонија да и пружиме и конкретна помош, посочи Сијарто.

Во однос на солидарноста меѓу земјите членки на ЕУ за справување со корона кризата, Сијарто вели дека по совладувањето на вирусот ќе мора да се извлечат поуки за тоа како тоа функционираше и дали не функционираше солидарноста на ЕУ.

– Започнувате преговори со ЕУ затоа не би сакал да ви ја одземам волјата за зачленување во Унијата, но во поглед на борбата против коронавирусот е докажано дека најдобро функционираат оние одговори кои секоја држава за себе ги носи. За жал, координацијата помеѓу државите членки на ЕУ беше многу бавна и затоа државите беа оставени на тоа лично да се борат. Се разбира, ние ги поддржуваме сите настојувања на ЕУ на државите од Западен Балкан да им пружиме што поефикасна помош. Се разбира, ние го поддржуваме и тоа ЕУ на Северна Македонија да и пружи што поголема помош. Она што е факт тоа е факт, секоја европска држава, скоро и секоја држава во светот на различен начин се бори бидејќи имаат различни системи, здравствени системи и користат различни средства за борба против коронавирусот, оцени Сијарто.

Според него, сега најмногу се зборува за здравствениот фонд, но има друг фронт каде што економската политика мора да се прилагоди.

– Ние вчера на седница на нашата Влада донесовме еден економски план во кој одговори се даваат на национално ниво и дека доколку ЕУ може тука да придонесува нешто за справување со економската криза тоа е само добро. Се надевам дека овие преговори ќе бидат ефикасни. Според мене, ЕУ има најважна задача во овој поглед да ги прилагоди своите закони во врска со економијата и да ги прилагоди така да тие на најголем можен начин ги поддржуваат извозот и странските вложувања во своите држави, рече Сијарто.

Димитров од своја страна рече дека во време на глобална пандемија на вирусот КОВИД-19 и ригорозни здравствени мерки насочени кон спречување на ширење на коронавирусот и заштита на граѓаните на јавното здравје практично во целиот свет, средбите со неговите колеги се реализираат и под вонредни услови.

– И во вакви услови со мојот драг колега Петер сакаме да потврдиме дека сериозно сме посветени на солидарноста и соработката меѓу Македонија и Унгарија заедно да го надминеме овој заеднички предизвик и кризата со која се соочува и нашиот континент Европа и пошироко. Со таа цел е и денешната посета и помошта што стигна заедно со министерот Сијарто од Унгарија за која што сме благодарни, рече Димитров.

Посочи дека тесната координација и соработка на регионално ниво и со ЕУ ќе бидат важни фактори за соочување со коронавирусот.

– Сакам исто така да му се заблагодарам на Петер и за поддршката во однос на нашите тридецениски аспирации да се зачлениме во НАТО. Скоро се видовме преку видеоконференција на неодамнешниот министерки состанок на Северноатлатнскиот совет, а сакам да му се заблагодарам и за поддршката за конечно добивање политичка одлука од страна на ЕУ да ги почнеме пристапните преговори. Имавме еден многу конкретен телефонски разговор ден пред одржување на Советот за општи работи на ЕУ. Сакам да му се заблагодарам за сето ова, за тоа што е тука лично во период полн со предизвици и вонредни околности, мислам дека оваа посета зборува многу повеќе од зборови во смисла на пријателството и посветеноста, заклучи Димитров.

Талат Џафери оствари средба со Ѓерѓ Дедај

Претседателот на Собранието на Република Македонија, Талат Џафери, денеска оствари средба со амбасадорот на Република Косово, Н.Е. Ѓерѓ Дедај.

Претседателот Џафери изрази задоволство од добрите и конструктивни билатерални односи меѓу Република Македонија и Република Косово, како и плодната меѓупарламентарна соработка. Како особено значајна тој ја оцени соработката во рамките на Парламентарното собрание на Процесот за соработка во Југоисточна Европа, упатувајќи честитки за успешното заокружување на претседавањето на Собранието на Република Косово со овој значаен форум за политички и дипломатски дијалог. Тој се заложи за унапредување на економската соработка и инфраструктурното поврзување меѓу Македонија и Косово, нагласувајќи дека отворањето на новите гранични премини во голема мерка ќе ги олеснат бизнис иницијативите и комуникацијата меѓу граѓаните.

Амбасадорот Дедај упати честитки за демократски спроведените парламентарни избори и повторниот избор на Џафери за претседател на Собранието на Република Македонија. Оценувајќи дека земјава се движи во вистинската насока, тој изрази задоволство од соработката со институциите на Република Македонија и го поздрави историскиот напредок со членството во НАТО и охрабрувачките резултати за почеток на преговорите со ЕУ. Амбасадорот се осврна на состојбата во Косово и на Договорот за економска соработка меѓу Република Косово и Република Србија, потпишан во Вашингтон, кој го оцени како историски.

На средбата стана збор и за здравствените, економските и социјалните предизвици од пандемијата на Ковид-19, при што беше оценето дека е неопходна заедничка активност и соработка меѓу земјите од регионот за надминување на последиците од пандемијата, како и за изнаоѓање начин за олеснување и потполна либерализација на движењето на граѓаните меѓу државите.

Соговорниците се согласија дека заедничките стратешки цели и определби на Македонија и Косово даваат гаранција дека ќе продолжи праксата на негување на добрососедските односи и се заложија за натамошно унапредување на билатералната комуникација.

На крајот од средбата, претседателот Талат Џафери му посака успешен мандат на новиот генерален конзул на Република Косово во Република Македонија со седиште во Струга, Агим Красниќи, кој исто така присуствуваше на средбата, стои во соопштението од Собарнието на РМ.

Фото: Евакуирана Ајфеловата кула

Ајфеловата кула во Париз е евакуирана, изјавил денес безбедносен извор за „Ројтерс“.

Изворот не потврдил дали евакуацијата следела поради закана од бомба, како што објавија некои медиуми.

„ВИК“ доби државна помош за втор инвестициски циклус во ТИРЗ Прилеп

Компанијата „ВИК (WIK) Македонија“доби државна поддршка за вториот инвестициски проект на компанијата во Технолошко-индустриската развојна зона во Прилеп.

Договорот за државна помош го потпишаа вицепремиерот за економски прашања Фатмир Битиќи и генералниот менаџер на компанијата, Вернер Шоеб, а истиот превидува помош од 2,5 милиони евра за вработување на нови 100 лица.

„Вик Македонија“, која работи во ТИРЗ Прилеп, е германска семејна компанија основана во 50-тите години од минатиот век, која произведува мали електрични уреди наменети за домаќинствата.

Во 2018 година со оваа компанија беше потпишан првиот договор за државна помош, а компанијата веќе имаат реализирано инвестиција од 10,5 милиони евра, а во моментов таму работат 250 лица.

притисни ентер