Свет

Семејствата на украинските војници во „Азовстал“ го молат за спас кинескиот претседател

Семејствата на војниците заглавени во фабриката за челик Азовстал во Мариупол упатија очајничка молба до кинескиот претседател Си Џинпинг да делува како посредник во помагањето да се извлечат нивните најблиски.

Пред неколку дена тие упатија слично барање до турскиот претседател Реџеп Таип Ердоган.

За време на денешната прес-конференција во центарот на Киев, семејствата, кои имаат ограничен контакт со своите најблиски, велат дека времето им истекува на војниците кои имаат сè помалку медицински материјали и речиси немаат храна.

Тања Вичник, која последен пат го видела својот 21-годишен син Артем во февруари, вели дека се моли за чудо. „Таму е пекол, тие се во вистински пекол“, изјави Вичник за Си-Ен-Ен, со очи полни со солзи.

„Тие заслужуваат да излезат на површина на земјата и да видат сонце“, рече таа.

Павло Кириленко, шеф на воената управа на регионот Доњецк, претходно изјави дека продолжуваат тешките преговори за ослободување на војниците, од кои неколкумина се повредени, објави Си-Ен-Ен.

Шоу биз

Британски новинар ќе објави книга за Меган Маркл: Дознав неверојатни работи

Меган Маркл и нејзините адвокати правеле се што можат за да го саботираат пишувањето на книгата.

Принцот Хари не е единствениот кој ќе објави книга со информации за членовите на британското кралско семејство. Британскиот истражувачки новинар, биограф и писател Том Бауер вели дека неговата книга за Меган Маркл содржи „извонредни информации“, пишува „Дејли меил“.

Бауер вели дека завршил со пишувањето на книгата и дека таа би можела да биде објавена оваа есен.

- Дознав работи за неа кои се навистина неверојатни. Мислам дека перцепцијата на јавноста за неа или ќе се потврди или ќе биде полоша, но во секој случај тоа ќе биде големо изненадување – вели Бауер.

Нему му било тешко да дојде до информации, вели тој, бидејќи луѓето најчесто не сакале да зборуваат, а Меган и нејзините адвокати направиле се за да го саботираат пишувањето на книгата.

Регион

Брнабиќ: Ни се закануваат со бомби бидејќи не воведовме санкции кон Русија

Српската премиерка Ана Брнабиќ во изјави дека честите дојави за бомби претставуваат притисок од странство врз Србија бидејќи таа не воведе санкции кон Русија по инвазијата на Украина, како што тоа го направија повеќето западни земји.

„Ние сме единствената земја во Европа која не воведе санкции кон Русија и притисоците се неверојатни од ден на ден. „Овие дојави за бомби се и притисок од странство поради невоведувањето санкции кон Русија“, изјави Брнабиќ за белградските медиуми, пренесе Н1.

Живот

Фото: Финска пивара направи НАТО пиво

Во екот на одлуката на Финска да стави крај на децениската неутралност и да бара членство во НАТО, една пивара одлучила да продава пиво со ознака на НАТО.

Сепак, дел од финската јавност не го поздрави потегот на пиварата и колку и да се за влез на нивната земја во Алијансата, сметаат дека во случајот со пивото се работи за промоција на алкохолизам, што не треба да биде случај.

Од друга страна, од пиварницата „Олаф Брувинг“ објаснуваат дека досега не се мешале во политиката, а сега повеќето Финци се за влез во НАТО, изјавил за медиумите извршниот директор на компанијата.

„Затоа се решивме на овој чекор, иако всушност не требаше толку многу „одлучување“, едноставно само го направивме“, рече тој.

Лименката „НАТО пиво“ е сина, а на неа има витез, кој на градите го има симболот на НАТО. Пивото се вика ОТАН, што е француски изговор на зборот НАТО

Од пиварата велат дека веќе добиле голем број нарачки за „НАТО пиво“.

притисни ентер