Седум кандидати за претседател сигурни на гласачкото ливче – собирањето потписи продолжува

Над 20 илјади потписи, имаат Гордана Силјановска Давкова од ВМРО ДПМНЕ и Стево Пендаровски од СДСМ. 

Според последните ажурирани податоци на ДИК за Силјановска-Давкова се потпишале 28 029 граѓани, а за кандидатурата на Пендаровски својот потпис го дале 21 852 лица.

Рокот за собирање на потписи за кандидат за Претседател истекува на 8 март на полноќ. Но денеска ги нема гужвите кои ги имаше за време на викендот.

Според информациите од ДИК, Силјановска Давкова, Пендаровски, Димитриевски и Османи ги повлекле списоците за потписи во дел од подрачните канцеларии.

Изминатите два дена ВМРО ДПНЕ на Конвенција и СДСМ на Конгрес ги потврдија кандидатурите на Силјановска Давкова и Пендаровски. И двајцата пред партиските делегати ветија напредок на државата.

-На странските амбасадори им велат во втората половина од нашиот мандат ќе се обидеме со Бугарите да се договориме. На кој начин? На тој начин што ќе ги натераме Бугарите да го прменат нивниот Устав. Ако успеат да ги стават Македонците во Уставот на Бугарија, да ги натераат Бугарите да го променат нивниот Устав, ако успеат Македонците кои таму се во огромен број да бидат признаени како национално малцинство, јас ќе бидам првиот кој ќе се зачлени во ВМРО ДПМНЕ,- изјави – Стево Пендаровски – Кандидат за Претседател.

-Ве уверувам дека ќе градам сојузи и сојузништва, дека ќе интегрирам а нема да дезинтегрирам. Видовме до што не доведоа поделбите. Поделбите ја доведоа оваа држава да личи на гладијаторска арена. Не е другиот наш непријател туку е партнер, по било која основа,- изјави – Гордана Силјановска Давкова – Кандидат за Претседател.

Иако и од двете партии вчера тврдеа дека во рекордно време и број ги собрале потписите за претседателските кандидари, двојно повеќе од потребниот минимум, дел од аналитичарите не гледаат директна поврзаност на бројот на потписи со рејтингот на кандидатот.

-Не треба да се земе како индикатор брзината на собирање на потписи во рејтингот на кандидатите. Сите поголеми партии, па и помали сериозни партии во Македонија немаат проблем да соберат 10 илјади потписи, сепак е тоа бројка која е доволна за само еден пратеник. Значи секоја партија која теоретски би можела да освои еден или два пратеника би можела да собере потписи за кандидат за Претседател. Знам дека се случи една ситуација во која партиите од тоа почнаа да прават кампања, колку бргу собраа потписи итн. Можеби е тоа некаква индикација за квалитетот на организацијата на партијата на терен, но не е за рејтингот на кандидатите. Повеќе се користи како предизборен маркетинг во моментов,- изјави – Петар Арсовски – Аналитичар.

Рокот за собирање на потписи истекува во петок, но веќе е извесно дека на оистата за гласање ќе има седум од кандидатите за Претседател... Потребниот број на потписи го обезбедија и кандидатот на ДУИ, Бујар Османи, па Арбен Таравари од коалицијата „Вреди“, кандидатот на движењето За наша Македонија - ЗНАМ, Максим Димитриевски, Стевчо Јакимовски од ГРОМ и кандидатката на Левица, Билјана Ванковска.

На листата има уште петмина кандидати за Претседател кои досега собрале помеѓу 100 и 1500 потписи.

ЦУК: Спасен овчар заглавен на речен остров во водите на Црна Река

Спасен е овчар заглавен на речен остров во надојдените води на Црна Река, заедно со неговите стотина овци, соопштија вечерва од Центар за управување со кризи.  

Оттаму нагласија дека сега овчарот и овците се на безбедно место, откако се намалило нивото на водата и тие биле евакуирани.

- Центарот за управување со кризи известува дека од единствениот број за итни случаи 112, до Секторот за операции и координација, во 17:32 часот добил информација за заглавен овчар среде Црна Река, со неговите стотина овци, на мало островче на 200 метри лоцирано под селото Манастирец во општина Росоман. Реката била надојдена заради зголемен проток при производство на електрична енергија од страна на АД „ЕЛЕМ“ ПО „ХЕЦ Тиквеш Водостопанство Тиквеш“. ЦУК презеде координативни активности за да се запре протокот на вода од Акумулација „Тиквеш“ и да се намали нивото на реката, соопштија од Центарот.

Од ЦУК веднаш биле преземени сите неопходни мерки.

- Овчарот чекаше нивото на реката да се намали за заедно со неговите овци да се засолни на безбедно место. При ваков случај, било потребно три до четири часа да се намали нивото на водата. Инаку, на лице место е испратена екипа на МВР – ПС Кавадарци, а во контакт со градоначалникот на Општина Росоман е добиена потврда дека и од таму ќе биде пратена екипа, информираа од ЦУК.

Видео: Пагани вреден два милиони снимен на поплавените улици во Дубаи

Велат дека е тенка линијата помеѓу храброста и глупоста.

Веројатно веќе сте виделе снимки од поплавениот Дубаи на социјалните мрежи - градот се соочи со рекордни врнежи од дожд, но ниту тоа не можеше да го спречи возачот на „Pagani Utopia“ на патот до целта.

Возилата вредни повеќе од два милиони евра најчесто се заклучуваат некаде за случајно да не се оштетат. Меѓутоа, овде тоа не беше случај.

Се гледа дека возачот на почетокот малку се двоумел, но на крајот храбро решил да помине низ поплавените улици. Тој ризикуваше, може да тргне наопаку и да го чини десетици илјади поправки, со оглед на тоа што автомобилот е речиси „залепен“ за земја.

„Pagani Utopia“ е многу ретка глетка, бидејќи се направени само 99 примери. Сите имаат твин-турбо 6.0-литарски AMG V-12 мотор кој испорачува 852 КС. Претпоставуваме дека нема оштетувања на болидот, но сепак треба да се признае за храброста (или лудоста) на овој возач.

Извор: Б92

Жителите на Канарските острови демонстрираа против масовниот туризам

 Десетици илјади луѓе демонстрираа денеска на шпанските Канарски острови во знак на протест против масовниот туризам на архипелагот во Атлантскиот Океан во близина на брегот на Африка.

Според полицијата имало 20.000 луѓе, а според организаторите 50.000 во поворки низ улиците на градовите на Канарските острови, кои свиреле и извикувале слогани против неограничен туризам.

Демонстрантите носеа натписи „Жителите на Канарските острови не се на продажба“, „Мораториум на туризамот“ и „Почитувај го местото каде што живеам“.

За организаторите на демонстрациите, сегашниот економски модел е штетен и за жителите и за животната средина. Бараат надлежните да го ограничат бројот на туристи.

„Ние не сме против туризмот. Само бараме да го сменат сегашниот модел кој овозможува неограничен раст на туризмот“, рече еден од демонстрантите.

Насобраните бараат да се запре изградбата на два нови хотели на Тенерифе, најголемиот и најразвиениот од седумте острови на архипелагот, а жителите да имаат право на глас при донесувањето одлуки за развој на туризмот.

Демонстрации на поддршка беа одржани и во Мадрид и Барселона.

Сместени на брегот на Северна Африка, Канарските Острови привлекуваат туристи со нивните вулкански пејзажи и сончеви плажи. Архипелагот со 2,2 милиони жители лани примил 16 милиони туристи.

Една четвртина од населението работи во туризмот, што носи 36 отсто од бруто домашниот производ (БДП). /МИА

притисни ентер