Се зголемува приемниот капацитет во градинката во Карпош 3

Во тек се активностите за изградба на новиот, дополнителен објект на градинката „Орце Николов“ во Карпош 3.

Станува збор за предучилишна установа која ќе обезбеди згрижување на нови 100 деца, на возраст од 4 до 6 години, распоредени во четири групи.

Денеска, во увид на градежните активности беа градоначалникот на општина Карпош, Стефан Богоев и министерката за труд и социјална политика, Јагода Шахпаска.

Богоев информираше дека станува збор за трет, нов објект на градинка во општина Карпош, откако во изминативе четири години беа направени нови објекти на „Мајски цвет“ во Тафталиџе 2, а целосно нова градинка доби и Бардовци.

-Со отворањето на новите градинки ги зголемивме капацитетите за престој и едукација за 173 дечиња, a со дополнителниот објект на „Орце Николов“ таа бројка ќе биде 273. Вложувањето во детската заштита и во подобрување на условите во градинките беше наш приоритет изминативе години. Уверен сум дека грижата за најмладите во Карпош ќе продолжи и понатаму, рече градоначалникот Стефан Богоев во изјава за медиумите.

За овој проект е склучен Договор за користење на грант меѓу општина Карпош и Министерството за труд и социјална политика, во вредност од 28 милиони денари, кој го доделува Светска банка, како дел од Проектот за подобрување на социјални услуги.

Министерката Шахпаска говореше за политиките на ресорното министерство за подобра детска заштита.

-Грижата за најмладите е високо на нашата агенда. Затоа отворивме 15 нови објекти на градинки, а до крајот на годината ќе имаме уште 10 нови предучилишни установи. Основната цел е до крајот на нашиот мандат да имаме 7.500 деца згрижени во градинка, изјави министерката.

Богоев и Шахпаска направија и увид во протоколите по кои се одвива згрижувањето на деца и разговараа со дел од воспитниот кадар.

ОПШТИНА КАРПОШ

Руски боксер со голи раце убил мечка, која смртно го повредила неговиот пријател

Од Русија доаѓаат вести кои делуваат како приказна од хорор филмови.

Илја Медведев, 23-годишен руски боксер, со пријателот ловел риба во Сибир кога ги нападнала мечка. Пријателот Вјечеслав Дудник бил нападнат и убиен од мечката, а потоа се свртела кон Медведев. Боксерот извадил пиштол и пукал, но мечката му го исфрлила од рака. Сепак, Медведев успеал да извади нож и да го избоде животното.

„Имаше крици, а потоа и пукотници. Кога пристигнав, видов дека Вјачеслав е мртов“, рекол рибар кој бил во близина и кој го префрлил Медведев во болница.

Според Дејли Мејл, тој има сериозни повреди и е во критична состојба.

Полициско куче изгризало навивач во Холандија, неговите колеги го нападнаа полицискиот коњ

На синоќешниот натпревар во Лигата одигран во Ротердам помеѓу Феенорд и Унион Берлин, имало жесток судир помеѓу германските навивачи и холандската полиција.

Според германски Билд, претставниците на навивачите тврдат дека конфликтот настанал поради лошата организација. Наводно, имало премал број вработени кои ги прегледувале ковид-потврдитее, а некои скенери биле неисправни.

Потврдите за Ковид се разгледувале многу бавно, што резултирало со голема гужва пред влезот и нервоза кај околу 2400 фанови.

Полицијата во Ротердам известува за настаните сосема поинаку. Велат дека биле цел на група хулигани и се судриле со полицијата. При жестоката тепачка имало повеќе повреди. Еден навивач бил каснат од полициско куче, а хулиганите повредиле полициски коњ. Имено, фрлањето пиротехнички средства го исплашило, па паднал со полицаецот кој го јавал.

Портпаролот на Унион ги поддржал навивачите и тврди дека организацијата била навистина лоша и дека повеќето навивачи целото прво полувреме го поминале во ред пред стадионот. Снимките и сликите, вели, ја потврдуваат крајната бруталност на домашната полиција во пресметката со навивачите.

Позната холивудска актерка е уапсена за време на протестите пред Белата куќа (ВИДЕО)

Полицијата во Вашингтон ја уапси актерката Алиса Милано додека протестирала со група истомисленици пред Белата куќа, барајќи промени на правото на глас.

„Само што бев уапсена додека протестирав и барав од администрацијата на Бајден и Сенатот да го искористат своето право и да го заштитат правото на глас. Застанете со мене и кажете им гласно на Сенатот и Белата куќа дека секој мора да ги има тие права, без разлика каде живеат ", напишала актерката на нејзиниот профил на Инстаграм.

Полицијата прво ја предупредила актерката дека заедно со членовите на здружението People for the American Way мора да се тргне од областа, во спротивно ќе мора да ги уапсат според законот кој забранува собирање толпи и окупирање на улици и тротоари.

Патем, актерката пред протестот објавила дека може да биде уапсена. „Денес ќе ризикувам апсење бидејќи минатата година беа воведени 425 закони кои го ограничуваат правото на глас“, рече Милано во видеото објавено на Твитер. „Затоа ќе барам нашиот претседател да направи се` што е во негова моќ за да ги усвои Законот за слобода на гласот, Законот за правата на глас на Џон Луис и Законот за државност на ДЦ“.

Актерката од порано е позната по својот политички активизам, а во 2019 година зборуваше за своето лично искуство со абортусот во знак на протест против рестриктивните закони, кои ги нарече „напад врз женските тела“.

притисни ентер