Македонија

Се уште се трага по исчезантиот Самоил, семејството нуди парична награда

И по повеќе од две недели, се уште нема ни трага ни глас од исчезнатиот внук на Љубе Бошкоски.

Семејството моли за помош и нуди парична награда за било каква новост во врска со нивниот најблизок, Самоил Костадиновски.

Неговиот татко за Канал 5 откри дека има информации дека еден од двајцата осомничени за грабнувањето на Самоил, не сакал да даде никаква изјава за целиот овој настан, и тоа според него, дополнително го отежнува процесот за пронаоѓање.

„Вчера се јавивме кај еден човек што е во тимот на некоја од службите. Кажа дека се уште немаме ништо. Тој што е притворен, што го киднапирал не дава никаква изјава. Адвокатот му вика да молчи. Тој не кажува ништо, нема притисок од полицијата како порано и затоа се молчи,“ изјави, Љупчо Костадиновски, татко на Самоил.

Од Јавното обвинителство велат дека интензивно работат на случајот, но повеќе детали не откриваат, додека трае предистражната постапка. Дека активно се трага по Костадиновски, уверуваат и од МВР, но и тие се воздржани со информации за да не се загрози истрагата.

Полицијата претходно уапси две лица осомничени за киднапирањето на 26-годишниот Самоил, кои моментално се во притвор, на барање на Обвинителството, кое ги сомничи дека со своите дејствија учествувале во кривично дело – Грабнување. но останува непознато каква е нивната вмешаност во случајот.

На Костадиновски му се губи секаква трага од трети март, а ден потоа неговиот брат го пријавил за исчезнат. Сомнежите на семејство се дека тој е киднапиран, а според информациите, Костадиновски последен пат бил виден кај чешката амбасада на Водно, кога влегол во друг автомобил, кој, според сознанијата на семејството, 3 дена подоцна бил најден запален во близина на Драчево..

Шоу биз

Ќерката на Мадона, Лурд, тврди дека е проколната во љубовта

Ќерката на Мадона, Лурд Леон, иако има само 26 години, е во центарот на вниманието на светската јавност како наследничка на кралицата на попот.

Таа исто така многу рано влезе во светот на музиката, а кариерата ја гради под уметничкото име Лолахол, иако е многу поуспешна во светот на манекенството.

Зад себе веќе има неколку неуспешни љубовни врски кои го привлекоа вниманието на јавноста, а Лурд вели дека за неа љубовта е проклетство.

Ќерката на Мадона, Лурд Леон, иако има само 26 години, е во центарот на вниманието на светската јавност како наследничка на кралицата на попот.

Со години се шпекулира дали и се допаѓаат мажи или жени, а сега таа одлучи да стави крај на таа приказна.

- Би рекла дека мојот најголем грев е што сакам момчиња. Тоа е такво проклетство. Јас сум болно стрејт, тоа е ужасно. Посакувам да не беше така, но за жал, ова се картите што ги добив – изјави таа во интервју за „The Face“.

Свет

Летонија има нов претседател, тој е деклариран геј

Министерот за надворешни работи на Латвија, Едгарс Ринкевичс, беше избран во парламентот за нов претседател на земјата.

Шефот на латвиската дипломатија од 2011 година, 49-годишниот деклариран хомосексуалец ќе го замени Егилс Левитс, кој одлучи да не се кандидира за втор мандат.

„Ќе направам се за да ја направиме нашата земја просперитетна и безбедна“, рече Ринкевичс по гласањето во парламентот. Ринкевичс јавно се изјасни како геј во 2014 година. Тој беше првиот политичар во Латвија што го стори тоа. Летонскиот претседател има главно церемонијална улога.

Летонија е членка на ЕУ и НАТО и силно ја поддржува Украина во војната против руската агресија и нејзиниот пристап во ЕУ и НАТО. Украинскиот претседател Володимир Зеленски му честиташе на Ринкевичс за неговиот избор, велејќи дека тој е „вистински пријател на Украина“.

Летонија ќе биде во добри раце во следните четири години“, рече Левитс по изборот на неговиот наследник. Пред да стане министер за надворешни работи, Ринкевичс работеше како надворешнополитички аналитичар за јавното радио Латвијас Радио, а потоа работеше во Министерството за одбрана и Кабинетот на претседателот, пренесе Индекс.хр.

Технологија

Огромен интерес за најскапиот телефон од „Google“

„Google Pixel Fold“ сега е подготвен за претпродажба, но изгледа дека топ моделот со 512 GB простор официјално го нема на залиха во САД.

Моделот со 512 GB е достапен само во обсидијан црна боја и покрај цената од 1.919 долари (1.899 евра), се чини дека е моделот што предизвикува најголем интерес кај купувачите.

Официјалната продавница на „Google“ сè уште го има на залиха „Pixel Fold“ од 256 GB во обсидијан и порцелан.

„512 GB Pixel Fold“ сè уште е достапен за нарачка однапред во ОК, Германија и Јапонија. Телефонот ќе биде пуштен во продажба на 27 јуни.

За потсетување, првиот телефон на „Google“ на преклопување – „Pixel Fold“ - се напојува со чипот „Tensor G2“, истиот процесор кој ја напојува серијата „Pixel 7“ и има импресивен систем со три камери на задната страна.

притисни ентер