Се уште нема решение заеднички прифатливо и за Скопје и за Софија

Се уште нема решение заеднички прифатливо и за Скопје и за Софија, ЕК првпат даде временски рок за првите меѓувладини конференции.

Францускиот претседател Емануел Макрон вчера во телефонските разговори со премиерот Димитар Ковачевски, со бугарскиот премиер Кирил Петков и со бугарскиот претседател Румен Радев посочил дека Македонија и Албанија треба брзо да се поттикнат да продолжат со дијалогот за спорот меѓу нив.

Премиерот Ковачевски во телефонски разговор со францускиот претседател Макрон, рекол дека секое натамошно одложување на почетокот на преговорите за членство во ЕУ, може да претставува безбедносен ризик за регионот.

Во меѓувреме, за првпат вчера Европската комисија се изјасни за временски рок за одржување на првата меѓувладина конференција со Македонија и Албанија, за време на презентацијата на извештајот на европратеникот Илхан Ќучук, јави дописничката на МИА од Брисел. Во име на Европската Комисија се огласи еврокомесарот Дидие Рејндерс, кој повика преговорите со Македонија, како и со Албанија, да започнат пред крајот на француското претседателство, на 30 јуни.

Претходно вчера премиерот Димитар Ковачевски рече дека во овој момент не постои документ што е заеднички прифатлив за двете страни и кој може да претставува основа за решение.

-Нема да има никави отстапки, со оглед на тоа дека разговорите и решението мора да се заснова на европски вредности, на меѓусебно почитување помеѓу политичарите, институциите и граѓаните од двете држави и задржување низ разговорите на достоинството на граѓаните на двете држави, истакна Ковачевски.

Тој нагласи дека европската интеграција на Македонија и за Албанија, е заложник на Бугарија.

– Таа наша европска интеграција е сведена на зборување за историја, што практично сите земји од Европската Унија гледам дека го оправдуваат. Според мене, тоа е погрешно, бидејќи кога се зборува за историја, не се ветува ништо, туку само се зборува за нешто што се случило пред 100-150 години. Тоа е класична уцена и не може да произведе никаков бенефит за никого. Затоа сметам дека зборувањето за теми што ја засегаат иднината на државата се многу значајни и на таква основа треба да се водат сите разговори, рече Ковачевски на Самитот „Македонија 2025".

На крајот, продолжи Ковачевски, треба да има прифатливо решение за двете држави, кое ќе биде основа за градење на добри меѓусоседски односи, меѓутоа и градење на иднината на регионот во ЕУ, додавајќи дека имаме Декларација изгласана во Собранието, поддржана од сите политички партии и таа е основа за нашиот преговарачки тим.

– Јас со датум не се врзувам од првиот ден кога станав премиер до денес. И првиот ден истакнав дека нас ни е потребно брзо решение, но не избрзано решение. Зошто брзо решение, бидејќи Македонија 17 години има кандидатски статус и постои опасност за еден процес што е толку долг, да се намали довербата во него, не од страна на институциите, туку од страна на самите граѓани. Втора работа е што во услови на постојното, ново, после војната во Украина, геостратешко вложување во Европа, проширувањето на ЕУ не претставува само економско или политичко прашање, туку претставува и безбедносно прашање. И од таа причина сметам дека ЕУ треба час поскоро да одреди датум за отпочнување на преговори со Македонија, изјави Ковачевски.

Во однос на изјавата на потпретседателот на Европската комисија Жозеп Борел, дека ако нема решение до крајот на јуни тоа ќе влијае на регионалната стабилност, Ковачевски потенцира дека сака да верува оти на тој начин и преку такви изјави ќе се влијае процесот да добие на интензитет.

Тој, заедно со српската премиерка Ана Брнабиќ која вчера беше во посета на Скопје, порачаа дека „Отворен Балкан" не е замена за европската интеграција, и изразија уверување дека и останатите држави од регионот ќе ги препознаат бенефитите на оваа иницијатива и наскоро ќе се приклучат кон неа.

За премиерот Димитар Ковачевски, иницијативата „Отворен Балкан" е исклучително позитивен чекор за зголемување на перфомансите на економиите во регионот и за нивна поголема конкурентност, а разговорите за теми од минатото не носат бенефит за никого.

Шефот на дипломатијата Бујар Османи, пак, се уште е на констатацијата дека „топката" е во Бугарија и според него таму треба да се консолидираат ставовите по однос на тоа што понатаму со процесот меѓу Скопје и Софија.

– Ние тоа што го имавме го кажавме на сите средби, дури го формализиравме во различни документи, така што ние не работиме на нешто ново од тоа што досега го разговараме. Очекуваме Република Бугарија да има консолидиран став на Владата по однос на тоа што понатаму со овој процес. За жал, комуникација има, но конкретни разговори, се додека не го слушнеме тој консолидиран став од Бугарија немаме, изјави министерот Османи одговарајќи на новинарско прашање на тематската прес-конференција за Преспа Форум за Дијалог 2022.

Министерот негира дека се подготвуваат или разгледуваат конкретни предлози и теми.

– Мислам дека и тие знаат дека не може процесот да се врзе така директно, односно да се предуслови почетокот на преговори со финализирање на уставните измени, мислам дека има добар предлог на маса кој е компромисен меѓу нивното барање тоа да се заврши пред и нашето барање да биде пред самото членство и мислам дека предлогот што е на маса е добро решение. Мислам дека и во Република Бугарија се свесни за тоа, повеќе мислам дека е прашањето на не консолидирање на ставот таму за да може да се комуницира до нашето МНР, рече Османи.

Прашан да ја коментира изјавата на бугарскиот претседател Румен Радев дека „нема да дозволи македонизам да влезе во ЕУ", Османи потенцира дека има чинители во Бугарија кои се обидуваат преку провокации и блокади да направиме грешка во последните недели од циклусот.

– Има чинители во Бугарија, не можам конкретно да го апострофирам Радев, кои не само што сакаат блокадата да продолжи, туку по можност вината да е наша пред светот и затоа има обиди за блокада и провокации, за да наседнеме, да направиме грешки во последните недели од овој циклус и ако не само ние, барем да бидеме изедначени на масата пред ЕУ како заеднички виновни. Досега е црно бела состојбата. Република Македонија нема ниту една забелешка од кого било по однос на пристапот во овој процес, сите велат, вклучувајќи ги 26-те на масата завчера, дека топката е во Бугарија, вели Османи.

Според него, многу е важно овие денови и недели да бидеме внимателни да не наседнеме на провокациите кои имаат за цел и да сме блокирани и да сме виновни за тоа.

– Наша цел е да се деблокираме, да изградиме коректни односи со Бугарија, така што ќе продолжиме конструктивно во наредниот период, а таквите провокации ги отфрламе и осудуваме, рече Османи.

Коментирајќи ја изјавата на високиот претставник на ЕУ за надворешни работи Жозеп Борел, дека доколку до 30 јуни Македонија и Албанија не ги почнат преговорите, регионот би можел да влезе во криза, Османи оцени дека „станува збор за криза на кредибилитет".

– Сите анкети на јавно мислење покажуваат дека довербата дека ЕУ може да стои зад својот збор паѓа на земја, кај нас е падната на 9 отсто. Да не се разбереме погрешно, не е тоа поддршката за членство во ЕУ, таа е висока кај нас. Но, дали тоа што го збори Унијата може да го испорача, граѓаните ја губат довербата, а силата на европската порака е во довербата, потенцира Османи.

ЕУ, вели тој, го трансформираше регионот токму преку кредибилитетот на својата порака.

– Основната формула овие 20 години беше ако вие испорачате и ние ќе испорачаме. Ако се губи довербата во линкот меѓу „вие испорачувате, ние испорачуваме", тогаш ослабнува влијанието на ЕУ во регионот, а во геополитиката вакуум нема, ако ослабнува едното се зајакнува другото. Без влијание не останува ниту еден регион во геополитиката и затоа Борел и сите се вознемирени бидејќи во засложништво е најуспешната политика на ЕУ во последните 75 години, а тоа е политиката на проширување. Е таа политика е ставена под заложништво и тука веќе не е само наша битка за европска судбина, туку битка за самата ЕУ, смета Османи.

Тој исто така оцени дека нацрт-резолуцијата на Европскиот парламент за напредокот на земјава за 2021 година не е директно поврзана со ветото, туку тоа е став на Европскиот парламент, додека одлуката за вето ја носи Советот на ЕУ.

– Работевме интензивно за текстот на оваа резолуција. Ако ги гледате почетните амандмани мислам дека голем дел од нив успеавме, заедно со наши поддржувачи пратеници во ЕП, да неутрализираме обиди за наметнување амандмани што беа доста провокативни. До крај на процесот не можеме да предвидиме што пратениците и различните групи може да прифатат, меѓутоа сме во постојан контакт. Таа резолуција го искажува ставот на ЕП, но не го утврдува или не го неутрализира ветото, односно нема влијание директно на самото вето, рече Османи.

Во однос на тоа каква дипломатска офанзива ќе се преземе во врска со овие амандмани, Османи кажа дека нашата амбасадорка во Брисел со целата мисија вчера била во ЕП на состаноци со секој од пратениците.

– Така правиме неколку месеци наназад бидејќи овој процес се разговара подолго време, дури и на АФЕТ имаше два амандмани кои за жал беа прифатени на самиот состанок, иако никогаш претходно не беа разговарани. Има и други два амандмани што се предложени, а кои ние сметаме дека се спорни, но ние не сме таму, бугарските пратеници се внатре во Парламентот ние се обидуваме од надвор преку контакти со наши поддржувачи да ги неутрализираме, рече Османи.

Тој повтори дека тоа ова нема да влијае на целиот процес, бидејќи не постојат дилеми со било кој друг, освен со Бугарија, и оти тој став не може да се наметне како европски став, но сепак треба да сме поактивни во тој дел за континуирано да ги објасниме нашите позиции.

Османи оцени дека сепак мора да се стави акцент дека резолуцијата во ЕП е позитивна резолуција, бидејќи, според него, таму јасно се вели дека билатералните прашања не треба да бидат дел од пристапниот процес.

Институтот за европска политика (ЕПИ) заедно со „Бранителите на граѓански права (Civil Rights Defenders) и членките на мрежата „Мисли за Европа" (Think for Europe) вчера испратија отворено писмо до европратениците во врска со нацрт-резолуцијата за Извештајот на Комисијата за 2021 година за Македонија.

Во писмото ги повикуваат пратениците да размислат за делови од резолуцијата и како што велат, условите поставени од Бугарија кои ќе имаат негативни импликации за македонскиот идентитет и ќе го поддржат ултиматумот што Бугарија го наметнува на земјава, користејќи го членството во ЕУ како алатка. Тие го поздравуваат фактот што предлогот за резолуција, како и претходните резолуции, повторно препорачува официјален почеток на пристапните преговори со Македонија (став 5 и став 69), но посочуваат дека во неа има содржини кои целосно ја поткопуваат оваа позиција.

Тие го посочуваат и амандманот со кој што се воведува став 75-б, кој што повикува „на историско помирување врз основа на дефинираната заедничка историја, како што е предвидено со Договорот за пријателство, добрососедство и соработка", што според ЕПИ ќе го поддржи бугарскиот притисок да наметне сопствено толкување на историјата користејќи ја својата позиција како земја-членка на ЕУ.

Дополнително, текстот во став 79 имплицира и притисок врз Заедничката мултидисциплинарна експертска комисија за историски и образовни прашања, која треба самостојно и професионално да ја извршува својата задача.

– Негирањето на македонскиот јазик доведе до блокирање на потпишувањето на Договорот за статус со Европската агенција за гранична и крајбрежна стража (Фронтекс) од страна на Бугарија. Предлогот за резолуција (став 40) 'забележува дека договорот за статус со Европската агенција за гранична и крајбрежна стража (Фронтекс) сè уште не е потпишан поради нерешени билатерални прашања', но не ја наведува причината. Факт е дека Бугарија го блокира потпишувањето на Договорот, приговарајќи на употребата на македонски јазик, што покажува упорна негација на македонскиот идентитет. Ова не само што е спротивно на Договорот од Преспа, туку претставува сериозен ризик за заедничките интереси на ЕУ, Македонија и регионот во ситуација на геополитичка криза, се вели во писмото.

Европската Комисија за прв пат вчера се изјасни за временски рок за одржувањето на првата меѓувладина конференција со Македонија и Албанија, за време на презентацијата на извештајот на европратеникот Илхан Ќучук.

Како што јави дописничката на МИА од Брисел, во име на Европската Комисија се огласи еврокомесарот Дидие Рејндерс, кој го заменуваше Оливер Вархеји во Европскиот Парламент. По воведот на известувачот за Македонија, Илхан Ќучук, на неговата резолуција за земјата, Рејндерс повика преговорите со Македонија, како и со Албанија, да започнат пред крајот на француското претседателство, на 30 јуни.

-Земјите членки на ЕУ донесоа одлука во март 2020 да ги отворат преговорите со Албанија и Македонија, сега е време да се испорача и официјално да се отворат со двете земји пред крајот на француското претседателство, изјави еврокомесарот.

Тој додаде дека ова е најсилниот сигнал што ЕУ може да му го испрати на целиот Западен Балкан.

Извештајот изразува поддршка за Скопје и Софија да најдат заемно прифатливо решение за отворените билатерални прашања и силно го поздравува политичкиот поттик за широка, конструктивна комуникација меѓу двете земји, барајќи нова заедничка основа во многу области од заемен интерес наместо дополнителни линии на поделба.

Луѓето зјапаат во моите гради каде и да се појавам!

Дали некогаш сте виделе вакво нешто?

Многу жени жалат што немаат бујни гради, но понекогаш овој атрибут кај понежниот пол може да предизвика поголем проблем отколку малите гради. Во тоа се уверила и тиктокерката Шерил Ен, која на една од снимките на оваа популарна социјална мрежа открива со какви предизвици се соочува поради нејзината надареност. Најтешко ѝ паѓа фактот што буквално никој не гледа во нејзиното лице, туку во огромните природни гради.

Да биде уште пострашно, Шерил редовно добива негативни коментари, но како што тврди самата, воопшто не ја засегаат. Таа истакна дека всушност ужива во медиумското внимание што го добива благодарение на бујните гради, но и додава дека целта ѝ е да покаже оти не е убаво кога некој е постојано мета на љубопитните погледи.

@cherylann_gg2 ♬ whyisthisaudiofamous - molly 💛

Исто така, таа нагласи дека со своите јавни настапи на TikTok сака да ги поддржи девојките кои се соочуваат со сличен проблем и кои, за жал, можеби немаат храброст да се справат со тоа.

Снимките на Шерил на ТикТок на кои нејзините гради се во прв план бројат околу милион „лајкови“, а на оваа социјална мрежа ја следат повеќе од 150.000 луѓе. Додека повеќето придружници го поддржуваат нејзиниот став, други велат дека претерува со екпонирањето, но исто така ѝ советуваат да ослабе и да поработи на самопочитта.

Извор: srecna.republika.rs

Се балсамирала?!

Познатата креаторка Вера Ванг го прослави 73-тиот роденден!

Познатаа модна креаторка Вера Ванг претходната недела го прослави својот 73-ти роденден. По повод овој настан беше организирана раскошна забава, како и караоке забава во Њујорк, на која Ванг ги изненади присутните со својот изглед.

Таа носеше розови шорцеви со фустан-туника, а на нозете имаше високи сребрени потпетици.

Со затегнати нозе и мазна права коса, Вера може да ѝ парира на секоја девојка. На главата носеше розово-сребрена тиара, како вистинска принцеза. Таа позираше и со шише просеко од брендот Вера Ванг, како и со раскошна торта.

На својот Инстаграм профил таа сподели многу фотографии од забавата.

Многу обожаватели ја прашаа која е нејзината тајна и дали знае за некаков еликсир на младоста. Доста луѓе прокоментирале дека изгледа како да била балсамирана.

Познатата дама многу често нагласуваше дека не постојат случајности или некаква среќа кога е во прашање нејзиниот беспрекорен изглед. Како што своевремено изјавила за магазинот „Пипл“, целата заслуга ја должи на повремените вежби, но и на таканаречената „мускулна меморија“ бидејќи со години била активен спортист. Спортот ја обликувал и се покажало дека, како што самата тврди, имал долгорочен ефект.

Извор: srecna.republika.rs

Сестра му напишала писмо на својот брат долго 434 метри

Писмо долго 434 метри и тешко 5 килограми е одговорот на една сестра од Керала, Индија, со кое сакала да го утеши  својот помлад брат што заборавила да му го честита Меѓународниот ден на браќата годинава.

Поради нечеститањето на Меѓународниот дек на браќата братот престанал да и се јавува, па дури и ја блокирал на WhatsApp.

Сфаќајќи колку е повреден нејзиниот помлад брат, студент по машинско инженерство, четврта година, тој мора да бил разочаран поради тоа што не му го посакала денот на браќата, Кришнаприја, самата инженерка, решила да му напише писмо за врската што ја споделуваат и нејзината љубов кон него.

Зборувајќи за медиумите, таа истакнала: „Заборавив да му го посакам на денот на мојот брат. До вечерта тој престана да ги прима моите повици и исто така ме блокираше на Whatsapp. Затоа решив да му напишам писмо. Почнав да пишувам на листови со големина А4. но наскоро сфатив дека тоа нема да биде доволно бидејќи имам многу да му пренесам“.

"Затоа решив да купам подолги листови за пишување. Но, кога отидов на маркет, тие рекоа дека имаат само ролни за сметководители, кои беа долги. Затоа донесов дома 14 ролни. Ми требаа околу 12 часа да го завршам целото писмо, кое на крајот беше долго цели 434 метри и тешко 5 килограми “, додаде таа.

Кришнаприја понатаму истакнала дека во своето писмо напишала за животот на нејзиниот брат Кришнапрасад од неговото раѓање до неговиот студентски живот денес и ги вклучила и моментите што ги споделувале и љубовта што ја имаат еден за друг.

„Ние сме многу блиски еден со друг и споделуваме многу пријателски односи и растејќи бевме како близнаци – дополнила сетрата.

Ефектот од долгото и тешко писмо на неговата сестра можел јасно да се забележи на насмеаното лице на Кришнапрасад, кој за медиумите изјавил дека е многу среќен што го примил.

Писмото што помогнало да се помират бфратот и сестрата наскоро може да најде место во Гинисовата книга на рекорди како најдолгото писмо некогаш напишано откако Кришнаприја испратил барање за истото.

притисни ентер