Дали има некакви штети на имотот на граѓаните и во каква состојба се одводните канализации и канали информација нема, бидејќи ниту гостиварскиот Таравари, ниту велешкиот градоначалник Колев не се досптапни за изјава. Но, гостиварци, кои во раце ги носеа дечињата штитејќи ги од водата, се полажија на инфраструктурата и несоодветната општинска реакција.
Зошто се фрла многу ѓубре од горе и дека не е средено, треба ова да се среди, не е една долина или мост како проблем, не е ова прв пат, три дена, три дена по ред е истата ситуација. Цел пат беше со кофи, со куфери, тенџериња, немаше што нема. Ова е болест, за сите деца болест /. Состојбата е зошто општината не прави еден канал „асален“, треба да се направи, до тука направија канал, надоле не го направија, треба да има канал, тоа е математиката, друго нема.
Реките и подвозниците се критични точки при „водени бомби“, но од ЦУК уверуваат дека за Вардар има системско решение, а и канализациите и каналите се во добра состојба, но проблем се терцијалните канали.
-Информирани сме дека сите главни канали за одводнување кои ја прифаќаат водата при врнежи се детално исчистени, а и секундарните канали се во добра кондиција. Проблем претставуваат терцијалните канали односно малите канали кои што се под надлежност на локалната самоуправа, тоа се оние канали кои што минуваат покрај улиците, кои што минуваат пред домовите пред куќите на луѓето, понекогаш граѓаните знаат да ги затрупаат, да изградат дури и објекти на местото каде што минува каналот. Овие канали можат да имаат голема улога да спречат поплави на домовите на луѓето, -- Стојанче Ангелов – директор на ЦУК.
Поради климатските промени претстојното летото ќе има зачестени, екстремни временски настани, според очекувањата на УХМР. Од таму за Канал 5 посочија дека се можно подолги топлотни бранови, а дождовите поради загревањето на пареата да бидат краткотрајни и интензивни, односно оние кои создаваат поплави.