Се доведуваат ли во прашање предметите на СЈО или некој се обидува да влијае да не се одлучува за нив!?

Дали навистина се доведуваат во прашање предметите на згаснатото СЈО или некој се обидува да влијае врз македонската правосудна власт да не одлучува за овие случаи ? 

Оваа дилема се постави откако вчера во дел од медиумите се појави веста дека Европскиот суд за човекови права во Стразбур одлучил да важи аболицијата на поранешниот претседател Ѓорге Иванов, информација која експресно беше демантирана од министерот за правда Бојан Маричиќ.

Поранешната судијка во Европскиот суд Маргарита Цаца Николовска не сакаше да го коментира овој предмет, но ја објасни процедурата. Тоа што судот почнал да постапува по предметот нема поврзаност со тоа каква одлука ќе биде донесена во иднина, објаснува Цаца Николовска.

„ Што се однесува до целокупната постапка генерално гледано судот може да донесе неколку одлуки. Она што е важно е дека судот може да донесе одлука каде што ќе прифати да постапува по постапката но во колку најде понатаму дека не е прифатлива може да донесе одлука за неприфатилвост, но ако ја прогласи прифатлива постапката продолжува понатаму да работи .” вели Маргарита Цаца Николовска – Поранешна судијка во ЕСЧК.

Маричиќ посочи дека македонската влада на 25-ти септември добила две групи на апликации од Европскиот суд за обвинети во предмети на СЈО кои се жалат во Стразбур, но тоа било почетна комуникација и крајниот исход можел да се очекува и по три години. Постапката за одлучување Маричиќ очекува да почне наредната година, а судот во Стразбур во меѓувреме ќе очекува одговор по аплиакциите од Владата.

“ Постапките се дојдени до Стразбур и сега почнува постапка земете како најобична тужба, доставена е тужба и треба да се даде одговор на тужба тоа е нешто кое треба државата сега да го направи. Треба да одговори на тоа што е во апликацијата и во истов реме да евентуално одговори и на некои прашања поставени од судот при доставување на апликацијата за опсервација.Од кога државата ќе го достави тоа свое видуање тие опсеравации одат до странката, односно до тој што ја поднел апликацијата за тој да даде одговор на тие опсервации и понатаму судот влегува во постапуање. “ вели Маргарита Цаца Николовска – Поранешна судијка во ЕСЧК

Канал 5 се обиде да ги добие двете апликации кои судот ги испратил до Владата, но од Министерството за правда велат дека станува збор за доверливи документи. Со аболицијата на Иванов од 2016-тата беа опфатени 54 луѓе меѓу кои поранешнинот и сегашниот премиер Груевски и Заев.

Битолскиот театар на меѓународен фестивал во Рума, Србија

Актерите на НУ Народен театар-Битола, Викторија Степановска Јанкуловска и Никола Стефанов вечер во Рума, Србија на тамошниот меѓународен театарски фестивал ќе ја одиграат претставата „Кислород“ во режија на Иван Јерчиќ.

Фестивалот е со натпреварувачки карактер и освен македонските актери во конкуренција се и актери на театри од Унгарија, Романија, Словенија, Хрватска, Босна и Херцеговина и домаќинот Србија.

Театарската претстава „Кислород“ е фокусирана на проблемите во животот, потребата на човекот да живее, или како што велат битолските актери, да се живее живот полн со љубов, среќа, емпатија и солидарност.

Претставата „Кислород“ почнува во 21 часот и ќе се одигра на сцената на Градски театар во Рума. /МИА

Бајден со помош на Обама и Клинтон собра рекордни 25 милиони долари за својата кампања

 Кампањата за собирање средства за американскиот претседател Џо Бајден со поранешните претседатели Барак Обама и Бил Клинтон генерира над 25 милиони долари, најголема собрана сума досега во историјата на САД.

Бајден синолќа со Обама и Клинтон учествуваше во дискусија во познатата њујоршка „Радио сити мјузикл хол“, модерирана од водителот на „Лејт шоу“ (The Late Show) Стивен Колбер.

Но, настанот неколку пати беше прекинуван од демонстрантите во салата, кои скандираа против политиката на Бајден за поддршка на Израел во војната со Хамас. Еден од демонстрантите извика „Срам да ти е, Џо Бајден“. Тие исто така го прекинуваа и говорот на Обама.

Демонстрантите го прекинаа и настапот на музичарите Квин Латифа, Лизо, Бен Плат, Синтија Ериво и Леа Микеле.

Влезниците за вчерашниот предизборен митинг на Бајден чинеа од 250.000 и 500.000 долари. Дел од донаторите позираа со претседателите, а фотографиите ги направи славната фотографка Ени Лејбовиц. /МИА

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

притисни ентер