Македонија

СДСМ: Злонамерни се обидите на ВМРО-ДПМНЕ преку лажни вести да спречат попис

Обидите на ВМРО-ДПМНЕ преку лажни вести, шпекулации, да спречат одржување на попис се злонамерни, деструктивни и на штета на државата и граѓаните, се наведува во реакцијата на СДСМ на изјавата на Сергеј Попов од ВМРО-ДПМНЕ . 

19 години државата е без попис токму заради неспособноста на ВМРО-ДПМНЕ која поради партиски калкулации не успеа да спроведе попис во 2011 година.

Законот за попис на населението кој е во собраниска процедура гарантира попис по сите светски стандарди и по сите прописи на Евростат. Оваа пролет, институциите ќе спроведат попис на кои ќе се добијат точни, квалитетни податоци, потребни за носење издржани среднорочни и долгорочни политики и стратегии.

По шест изборни порази јасно е дека Христијан Мицкоски и ВМРО-ДПМНЕ имаат страв од граѓаните, но не треба да се плашат, на пописот не се гласа, тоа не се избори, тоа е статистичка операција, таму не можат да изгубат.

Доста се неразумни блокади, кочења, полиризација, Мицкоски и ВМРО-ДПМНЕ нема да спречат одржување на попис, тој ќе се одржи оваа пролет по сите меѓународни стандарди.

Македонија

Две жртви во сообраќајка на експресниот пат Штип-Кочани

Тешка сообраќајна несреќа се случи на експресниот пат Штип-Кочани, во близина на ТИР зоната во Штип. Според првичните информации во несреќата животите ги загубиле две лица.

Портпаролот на СВР-Штип, Гордана Панајотова потврди дека на овој експресен пат има тешка сообраќајна несреќа.

Таа за МИА изјави дека во тек е увидот и обезбедувањето на местото на несреќата од страна на полицијата.

Несреќата се случила околу 14.25 часот, помеѓу две патнички возила.

Македонија

Саем на книга во Скопје: Само преку книгите, најмладите ќе ги насочиме на правилниот пат

Родителите и училиштето се двете најважни работи кои можат да всадат љубов кај децата за книгите, во време кога тие живеат во светот на интернетот и мобилните технологии. 

Само преку книгите, најмладите ќе ги насочиме на правилниот пат и вистинските вредности.

Ова е заедничкиот став на посетителите, издавачите и авторите на 36. издание на Саемот на книга, кој до 24-ти април се одржува во спортскиот центар Борис Трајковски во Скопје.

А токму најмладите беа едни од најприсутните на саемот. Преку орагнизирани училишни посети, досега над 2.000 ученици ги посетиле овој книжевен настан.

Приказната се чита, е слоганот на овогодинешниот Саем на книга. Организаторите велат дека само на тој начин, децата можат да влезат во светот на книжевноста.

Дека интернет технологијата го одзема вниманието на децата, согласни се дел од авторите и издавачите. Нивната мисија е, додаваат тие, да им ги доближат квалитетните книги на младата популација па и преку електронски форма.

Од популарна присохологија, до македонски и светски познати автори. На Саемот на книга ќе се претстават над 60 издавачи, и ќе има повеќе од 30 промоции на книги, детски работилници, настани и дискусии.

Овој книжевен настан завршува на 24 април, чии врати се затвораат во 20 часот.

Македонија

Политички профил со кандидатката за претседателка – Гордана Силјановска Давкова

Во централните вести во 18 часот денеска ќе го емитуваме профилот на Гордана Силјановска Давкова.

Во продолжение дел од профилот.

притисни ентер