СДСМ:Растот на просечната плата од 8,8 % е потврда за успешните економски политики на Владата

Растот на просечната плата од 8,8 отсто е потврда за успешните економски политики на Владата предводена од СДСМ.

Официјалните податоци од надлежни институции ја потврдуваат успешноста на мерките и политиките на Владата предводена од СДСМ и премиерот Зоран Заев.

Последните податоци од Државниот завод за статистика говорат дека просечната плата исплатена во месец мај изнесува 28.721 денари.

Споредено со месец мај 2020, тоа е зголемување од 8,8 отсто.

Просечната плата експресно се движи кон 30.000 денари, што дава за право да веруваме дека до истекот на мандатот ќе го реализираме нашето ветување за просечна плата од 36.000 денари.

Растот на платите не стагнираше ниту во време на пандемија, економска и здравствена криза, како и во време на пост ковид периодот, туку платите продолжија да растат во сите сектори.

Покрај растот на просечната плата, бележиме и раст на извозот, рекордна економска активност во Индустриските зони и историски пад на невработеноста.

Сите овие податоци покажуваат дека македонската економија е стабилна, развојна и динамична.

Како социјалдемократска партија остануваме целосно посветени на интересите на граѓаните, на унапредување на нивниот животен стандард.

Продолжуваме со мерки и политики кои градат силна и стабилна економија која носи шанса на сите.

СДСМ

Изгоре Бугати на познат музичар, вредно 3 милиони долари (ВИДЕО)

Штетата е голема, а поправката ќе биде обемна и пеколно скапа.

На социјалните мрежи се шират снимки од црвено Бугати уништено во пожар, за кое се верува дека е во сопственост на познатиот музичар од Доминиканската Република, Емануел Ерера Батиста, познат под уметничкото име ЕЛ Алфа Ел Џефе.

Црвено-црниот Bugatti Chiron изгоре додека бил паркиран во гаража во Мајами. Двете снимки објавени на Инстаграм од supercar.fails јасно покажуваат колкава е штетата, но и дека огнот не го зафатил соседното црно Ферари.

На на Chiron ќе му треба нов преден капак, браник, тркала, возачка врата и стакло, како и сите делови што ќе останат црни од саѓите. Лесно е да се претпостави дека ќе биде многу поскапо да се поправи оштетувањето на деловите што не се видливи како резултат на изложеност на високите температури.

За среќа во несреќа, автомобилот не изгорел целосно, зашто некој го изгаснал со противпожарен апарат. Исто така, да кажеме дека се уште се трага по сторителот кој го подметнал пожарот.

Како изгледал овој автомобил вреден најмалку три милиони долари, може да се види во следното видео објавено пред неколку месеци. Ако се докаже дека е навистина тој автомобил, тогаш Ел Алфа нема да стане пешак. Имено, покрај Бугати, овој млад човек поседува и Ролс Ројс Кулинан во кој веќе доживеал напад со огнено оружје.

Борис Џонсон и неговата сопруга Кери го очекуваат второто дете

Британскиот премиер Борис Џонсон и неговата сопруга Кери очекуваат уште едно бебе, објавија денеска британските медиуми.

Нивното прво дете, синот Вилфред, се роди во април минатата година, објави Ројтерс.

Медиумите објавија дека Кери им напишала на своите пријатели на Инстаграм дека се чувствува „неверојатно благословена“ што е повторно бремена.

Хамилтон конечно дојде до пол позиција и шанса за стота победа

Британецот Луис Хамилтон (Мерцедес) беше најбрз во денешните квалификации за ГН на Унгарија, 11 -та трка на Светското првенство во Формула 1.

Неговиот тимски колега, Финецот Валтери Ботас, го имаше второто квалификациско време. Трет беше Холанѓанецот Макс Верстапен (Ред Бул), лидер во генералниот пласман, а четвртиот резултат го постигна Мексиканецот Серхио Перез (Ред Бул).

Во генералниот пласман, водечкиот Верстапен има 185 бодови, потоа Хамилтон со 177, додека на третото место е Британецот Ландо Норис (Мекларен) со 113 поени.

притисни ентер