СДСМ: Не успеа крвавото сценарио, сега Мицкоски да се откаже од неговите пиштолџии

Не успеа крвавото сценарио, сега Мицкоски да се откаже од неговите пиштолџии и да го прекине насилството.

НЕ за насилство и НЕ за крвавите сценарија на Мицкоски и неговите коалициски партнери.

Целата јавност вчера виде обид за крваво сценарио во режија на Христијан Мицкоски и неговите коалициски партнери Левица и Алијанса.

За свои лични цели, Мицкоски вчера беше подготвен да ја втурне целата држава во конфликт, преку опасно, мрачно и крваво сценарио за граѓански судир и етнички конфликт.

Тоа крваво сценарио не успеа заради притисокот од јавноста и реакција на институциите.

Се потврди дека се е дел од мрачните глави во ВМРО-ДПМНЕ и анти европските партии. Мицкоски не беше жртва туку режисер и главен реализатор на тоа мрачно, крваво сценарио.

Човекот кој требаше да има клучна улога се покажа дека е брат на висок функционер на Алијанса за Албанците, кого Данела Арсовска го постави на директорска функција.

Еве ги фотографиите кои го потврдуваат сетоа ова. Ова е коалицијата на Мицкоски!

Добро е што Арсовска го разреши директорот, но со тоа и самата директно потврди дека се работи за коалициски партнер и дека било договорено сценарио, кое за среќа, под притисок на јавноста пропадна.

Дека станува збор за класично крваво сценарио на Мицкоски и неговите партнери Левица и Алијанса говори и самата негова прес конференција.

Прво Мицкоски велеше дека во него пукале, потоа дека пукале во толпата.

Па какви се овие глупости, како од толкава толпа Мицкоски се препозна самиот? Се знае како, затоа што тој го смисли и го режираше ова сценарио кое не успеа.

Ова говори дека нема основни човечки граници ова насилничкото и деструктивно однесување на Мицкоски и неговите коалициски партнери.

Видете денеска како се заплеткаа од сопствените лаги, Алијанса вели се бранел, ВМРО-ДПМНЕ ја обивнува власта, Алијсна го обвинува ВМРО-ДПМНЕ.

Го повикуваме Мицкоски да се откаже од нови крвави сценарија, да престане да ги турка луѓето во смислени судири и конфликти и јавно да се огради од неговите пиштолџии и качулки. А потоа да повика на итен прекин на насилството.

СДСМ заедно со граѓаните нема да дозволи некој да жртвува луѓе, да разгорува меѓуетнички тензии заради остварување на партиските интереси на Мицкоски и неговите апетити за власт.

Граѓаните да останат смирени, никако да не подлегнувааат на овие опасни сценарија, институциите да ја завршат својата работа и сите вклучени во ова крваво сценарио да одговараат пред законот.

Мартин Костовски, пратеник на СДСМ

СДСМ

Русија од денеска ги намалува можностите на инвеститорите од „непријателските земји“

Централната банка на Русија денеска објави мерки кои имаат за цел да ги спречат инвеститорите од „непријателските“ земји да ги искористат придобивките што им овозможуваат на оние од „пријателските земји“ да продолжат да тргуваат на Московската берза.

Московската берза во петокот објави дека ќе им дозволи на клиентите од пријателските земји, или оние кои не ја санкционирале Русија поради војната во Украина, да започнат со тргување по речиси половина година пауза.

Но, подоцна било кажано дека ова ќе важи само за пазарот на деривати, а не за главната берза, и не било кажано кога ќе биде дозволен поширок пристап. Аналитичарите веруваат дека доцнењето делумно се должи на загриженоста дека инвеститорите од ЕУ, САД и Обединетото Кралство, на кои во моментов им е забрането да тргуваат во Москва, би можеле да го искористат континуираното тргување со инвеститори од земји што Русија ги смета за пријателски како задна врата за тргување со руски акции, кои се во нивна сопственост.

Централната банка денеска објави дека шест месеци ги блокира руските депозитари и регистри да извршуваат трансакции поврзани со хартии од вредност добиени од странски партнери, вклучително и од пријателски земји.

Регулаторот објавил дека забележал како брокерите нудат опција за купување хартии од вредност од резиденти на странски земји и потоа нивно пренесување во руски депозитар, потег што се опишува како ризичен и „без гаранција за очекуваниот финансиски исход“. Западните санкции го ограничија пристапот на Русите до светските берзи, додека контрамерките од Москва исто така ги блокираа повеќето странци да купуваат и продаваат руски акции.

Од утре стапува на сила планот на ЕУ за заштеда на гас, некои земји се изземаа

Планот на Европската унија за дејствување во вонредни ситуации, кој се однесува на подготовка за евентуален прекин на снабдувањето со руски гас, стапува на сила утре откако вчера беше објавен во службениот весник на ЕУ.

Според планот, земјите-членки на ЕУ треба доброволно да ја намалат потрошувачката на гас за 15 отсто во периодот од 1 август до 31 март следната година, во споредба со просечната потрошувачка во истиот период во изминатите пет години.

Податоците на ЕК покажуваат дека треба да се заштедат вкупно 45 милијарди кубни метри гас за да се постигне зацртаната цел. Германија треба да потроши околу 10 милијарди кубни метри помалку од претходниот период.

Крајната цел на заштедите е да се подготват за можен целосен прекин на испораката на руски гас за земјите од ЕУ, откако Москва во последните месеци значително го намали снабдувањето.

Во случај на голем недостиг на гас, новиот план за вонредни ситуации предвидува и можност за задолжителни заштеди.

Најмалку 15 земји-членки на ЕУ, кои сочинуваат околу 65 отсто од вкупното население на блокот, ќе треба да дадат одобрение за активирање на таквата мерка.

Неколку земји, меѓу кои Италија и Шпанија, си обезбедија изземање од таквата ситуација.

Планот за вонредни состојби ќе остане на сила една година.

Американците со опомена до Русите: Прекинете ги борбените дејства околу нуклеарката Запорожје

Белата куќа се приклучи на размената на обвинувања меѓу Украина и Русија во врска со нуклеарната централа Запорожје.

Да потсетиме, Русите и Украинците меѓусебно се обвинуваат за гранатирање и ракетирање на областа на нуклеарната централа.

Портпаролката на Белата куќа Карин Жан-Пјер денеска изјави дека „борбите во нуклеарната централа се опасни“, додавајќи дека руските сили, кои ја окупираа нуклеарната централа Запорожје на почетокот на војната, треба да ја предадат „целосната контрола“ на нуклеарната централа во Украина.

Таа рече дека САД внимателно ја следат ситуацијата околу Запорожје и додаде: „За среќа, сензорите за радијација досега не покажаа никакви индикации за зголемени или абнормални нивоа на радијација“.

Жан-Пјер тврди дека Америка е запознаена со извештаите за рускиот третман на персоналот на нуклеарната централа и додаде: „Им честитаме на украинските власти и оператори за нивната посветеност на нуклеарната безбедност под овие тешки околности“.

притисни ентер