СДСМ: Мицкоски да каже колку заработил од неговите хидроцентрали

Губитникот Христијан Мицкоски продолжува со лицемерно и неодговорно однесување, се наведува во реакцијата на СДСМ на наводите на претаседателот на ВМРО-ДПМНЕ.

Наместо да организира лицемерни протести, Мицкоски треба да излезе пред граѓаните и да каже колку пари од нив има заработено со неговите хидроцентрали добиени од Владата во која бил советник.

Според јавно достапни информации, хидроцентралите во кои тој имал удел за четири години заработил речиси еден милион евра, пари од граѓаните.

Мицкоски е најнеспособниот директор на ЕСМ и човек кој креирал најпогубни енергетски политики.

За време на владеењето на ВМРО-ДПМНЕ, беше укината евтината тарифа, граѓаните плаќаат за исклучено парно и 500 евра приклучок за електрично броило, државата немаше либерализиран пазар, а рестрикциите беа честа појава како оние рестрикции на струја за Охрид Струга и Дебар за нова година како во 2015.

Тоа се резултатите на Мицкоски во енергетиката, секогаш за личен профит никогаш за граѓаните. Затоа денес е длабоко во опозиција и уште долго ќе остане таму, се наведува во реакцијата на СДСМ.

Холандски медиуми: Руски и кинески хакери украле важни податоци за вакцините во ЕУ

Руска разузнавачка агенција и кинески шпиони стојат зад минатогодишниот хакерски напад врз Европската агенција за лекови (ЕМА), објави холандскиот весник „ De Volkskrant “, повикувајќи се на извори блиски до истрагата.

Европската агенција за лекови, со седиште во Амстердам, во декември известила за хакерскиот напад во кој биле украдени документи за вакцините против ковид- 19 и протекоа на Интернет.

Руското Министерство за надворешни работи денеска не одговорило на барањето за коментар, но обвинувањата за хакерство од Москва постојано се негирани.

Кинеското Министерство за надворешни работи исто така не било достапно за коментар, а Пекинг претходно изјавил дека силно се спротивставува на сите форми на одговорност за хакерски напади.

ЕМА започнала истрага со холандските и европските судски власти, но досега не дале детали за тоа кој може да биде одговорен за нападите.

Холандскиот весник De Volkskrant објави денес дека ЕМА е цел на кинески шпиони од првата половина на 2020 година, а подоцна во текот на годината станала и цел на руските разузнавачи.

Кинезите добиле пристап со хакирање на германски универзитетски систем, се вели во извештајот на весникот, додека Русите наводно ги искористиле недостатоците во двостепениот процес на најавување на корисниците на ЕМА и другите видови на одбрана од хакерски напади.

Наводните руски хакери имале пристап до системите на ЕМА повеќе од еден месец, изјавиле извори за De Volkskrant.

Тие главно биле заинтересирани за тоа кои земји би ја користеле вакцината против ковид-19 развиена од „Фајзер“ и „БиоНТех“ и колку дози би купиле, додава холандскиот весник.

Pfizer и BioNTech објавија кратко време по откривањето на првиот хакерски напад врз ЕМА дека биле достапни документи во врска со нивната вакцина.

Далај Лама ја прими првата доза на вакцината против ковид-19

Далај Лама, 85-годишниот тибетски духовен водач, денеска ја прими првата доза на вакцината против коронавирус во болница во северниот индиски град Дармшал.

Агенцијата наведува дека по приемот на вакцината, Далај Лама ги повикал сите луѓе да бидат храбри и да аплицираат за имунизација.

Д-р Г.Д. Гупта од болницата Зонал изјавил дека Далај Лама по вакцинирањето бил во болница уште 30 минути, во согласност со мерките за претпазливост.

Првите дози ги примиле уште десет лица кои живеат со него.

Сите ја примиле вакцината добиена од Ковишилд, изработена од Оксфорд и АстраЗенека, а произведена во Индија.

СДСМ: Искрено се обраќаме првенство до чесните од ВМРО-ДПМНЕ, а тоа не е Мицкоски

СДСМ е прв во промените. Идејата за заедничка дејствување за напредокот на државата е визионерство и шанса за демократизација и промени во самите политичките партии, а најмногу во ВМРО-ДПМНЕ.

Зоран Заев, на почетокот на нов четиригодишен мандат како Премиер, само неколку дена после изгласана доверба во Парламентот, подава рака за дебата за национално помирување. Тоа е знак на самодоверба и самоувереност, лидерство и доказ за висока политичка свест за проблемите на граѓаните и политичка широкоградост која е одлика само на политичари за кои државата е пред тесно-партиските интереси.

Затоа Зоран Заев ја ужива довербата од граѓаните и предводи напред.

Неговата визија се промени за поддршка на напредокот наместо блокади и враќање назад, промени за поддршка на НАТО и ЕУ, за правда која важи за сите а не за опструкции, за демократија а не режим, за едно општество за сите а не за поделби.

Претседателот Заев отвора јавна дебата и се обраќа до чесните членови на ВМРО-ДПМНЕ, кои ги врзува желбата за просперитет на нашата земја, кои се за напредок а не криминално стекнатиот имот на режимот и враќање назад.

Тој им се обраќа на сите оние кои ја препознаваат големината и визијата на новиот политички концепт за ресетирање на македонското општество и отстранување на сите аномалии кои како тег го успоруваат развојот и подобрата иднина на земјата.

Мицкоски безброј пати покажа дека не е еден од нив.

Затоа, Мицкоски не е адресата до кого е упатена идејата за национално помирување.

Губитникот Мицкоски нема капацитет и кредибилитет да учествува во идејата за национално помирување меѓу најодговорните партии. Тој едноставно не поседува политички капацитет вистински да ја разбере, се наведува во партиското соопштение.

притисни ентер