СДСМ: Колку се поголеми лагите од белиот дворец, толку потешки се поразите на Мицкоски

Колку се поголеми лагите од белиот дворец, толку потешки се поразите на Мицкоски и ВМРО-ДПМНЕ, реалност е дека за македонскиот јазик и идентитет не се преговара 

Во ВМРО ДПМНЕ ништоне се менува. И во новата година, едни исти невистини, дезинформации и манипулации.

Христијан Мицкоски во клучни моменти за државата излезе пред јавноста и без срам лажеше дека државата се распарчувала, дека се погазувала македонската држава, лажеше дека се погазувала македонската историја.

И како тоа да не му беше доволно па сега тој и ВМРО-ДПМНЕ лажат дека се загрозувал македонскиот јазик, ја плашат јавноста со наводни анекси и бараат нов Договор што е спротивно на државните позиции.

Една иста расипана плоча, едни исти лаги кажани 100 пати се вртат во белиот дворец. Дезинформации и конструкции кои немаат допир со реалноста.

Тоа е ВМРО-ДПМНЕ, партија потврден извор на лажни вести, партија која знае само за лаги, деструкции, блокади и антидржавно дејствување. Но, колку пати и да излажат, нивната лага нема да стане вистина.

Реалноста е сосем спротивна од лагите на Мицкоски и раководството на ВМРО-ДПМНЕ. Реалноста е дека за македонскиот јазик, за македонскиот идентитет, за македонската историја не се преговара, ниту воопшто некогаш ќе се преговара.

Лагите на Мицкоски и на малкмината околу него, не поминуваат, нивните лаги се разобличени и шест пати се казнети од граѓаните.

Колку се поголеми лагите од белиот дворец, толку се потешки поразите на Мицкоски и ВМРО-ДПМНЕ.

Со вакво антидржавно и антинародно однесување, со лаги и деструкции, Мицкоски и ВМРО-ДПМНЕ уште долго остануваат опозиција.

СДСМ

Русите го слават Богојавление со нурнување во ледена вода (ВИДЕО)

Православните христијани на далечниот исток на Русија го слават Богојавление со нурнување во ледена вода.

На денешниот празник, Русите три пати влегуваат во водата , мислејќи дека се чистат од гревовите. На 18ти јануари, денот пред Водици тие постат.

Капењето во осветените води се практикува од времето кога Исус Христос бил крстен во реката Јордан.

Денеска се затвори ковид-центарот на Kлиниката за уво, нос и грло

По вчерашното затворање на ковид – центарот на Oчната клиника, денеска се затвораи  ковид-центарот на Kлиниката за уво, нос и грло.

Четирите пациенти сместени во оваа клиника ќе се преместат во друга. Затворањето доаѓа откако се бележи намалување на бројот на хоспитализирани пациенти.

Според денешните извештаи, во ковид-центрите во Скопје се сместени 283 пациенти, а во болниците во цела држава се хоспитализирани 359 пациенти бројот на слободни кревети,пак, изнесува 621.

Независни експерти со критики кон Кина и СЗО за бавниот одговор на пандемијата

Независен одбор на експерти во денешниот извештај објавиле дека кинеските власти можеле да воведат поостри здравствени мерки во јануари ,а СЗО за прогласување глобална вонредна состојба дури на 30 јануари.

Експертите предводени од поранешната премиерка на Нов Зеланд,Хелен Кларк и поранешната претседателка на Либерија, Елен Џонсон Сирлиф, во прелиминарниот извештај изјавиле дека „глобалниот систем за предупредување за пандемија не е погоден “.

„Светската здравствена организација не беше во можност да ја заврши работата“, додава.

„Она што на Комитетот му е јасно е дека локалните и националните здравствени власти во Кина беа во можност да применат поостри мерки за јавното здравје во јануари“, се вели во извештајот, повикувајќи се на појава на новиот вирус во градот Вухан во провинцијата Хубеи.

Одборот додава дека кога се појавиле докази за пренесување од човек на човек, „во премногу земји, тој сигнал бил игнориран“.

Исто така, се наведува дека се поставува прашањето зошто Комитетот за вонредни состојби на СЗО не се состанал до третата недела од јануари и не прогласил меѓународна вонредна состојба до вториот состанок на 30 јануари 2020 година.

"Иако терминот пандемија не е употребен или дефиниран со Меѓународните здравствени регулативи (2005), неговата употреба служи за привлекување внимание на сериозноста на здравствениот настан. СЗО го употреби терминот дури на 11 март", се вели во извештајот.

Комитетот на експерти повика на „глобална реконструкција“ и рече дека препораките ќе бидат дадени во финалниот извештај до министрите за здравство во мај.

притисни ентер