СДСМ: Инвестираме во развој и унапредување на инфраструктурата во Град Скопје

Инвестираме во развој и унапредување на инфраструктурата во Град Скопје, се реконструираат и пробиваат нови улици, се зголемуваат зелените површини.

СДСМ и на локално и на централно ниво продолжува со инвестиции во изградба на нова и реконструкција на постоечката сообраќајна инфраструктура.

На територија на Град Скопје се одвива засилена градежна офанзива во реконструкција и пробивање и изградба на нови улици.

Започна изградбата на улицата Есенинова која ги поврзува општините Кисела Вода, Аеродром и Центар. Со пробивањето на оваа нова сообраќајница, која е трето поврзување меѓу Аеродром и Кисела Вода значително ќе се намали сообраќајниот метеж во тој дел од градот.

Интензивно се работи и втората фаза од изградбата на булеварот АСНОМ со мост преку Вардар кој ќе ги поврзува општините Аеродром, Центар и Гази Баба како модерно булеварско решение со 6 коловозни ленти, пешачки и велосипедски патеки од двете страни и ново булеварско зеленило.

Реконструкција започнува на клучните булевари во Скопје и тоа булеварот Александар Македонски во Гази Баба, на потегот од Хиподром до поранешниот саем во Автокоманда во должина од 5 километри, Видое Смилевски Бато во Аеродром од крстосницата со булевар Февруарски поход, до крстосницата со булевар Србија, како и 8ми септември во Карпош.

Голем градежен зафат се одвива и во општина Центар, каде во тек е втората фаза од реконструкцијата на улицата Лазар Личеноски, со целосна реконструкција на коловозот во должина од 1.300 метри, реконструкција и проширување на постојните тротоари.

На територијата на општина Чаир, во моментов се работи на реконструкција на улицата Џон.

Истовремено во градот Скопје се подигнати и обновени зелени површини на над 117.000 квадратни метри, од кои од особено значење се подигнатите паркови на местото на некогашните диви депонии во Кисела Вода со површина од околу на површина од околу 18.000 квадратни метри и во Аеродром на површина од 8.000 квадратни метри, а активно се работи на паркот на местото на дивата депонија во Карпош 4 што ќе се протега на површина од околу 60.000 квадратни метри.

Одговорно и посветено продолжуваме со реализација на проектите за поквалитетен живот на граѓаните, за развој и унапредување на инфраструктурата во градот Скопје и градските општини.

Скопје ќе продолжи да ја развива својата улична мрежа истовремено со мрежите на велосипедски и пешачки патеки со цел обезбедување на одржлива урбана мобилност која подразбира безбеден и ефикасен сообраќај.

Градиме по план и инвестираме во иднината на граѓаните.

СДСМ

На Косово уапсени 10 полицајци,рации во илегалните коцкарници

Најмалку 10 полицајци се уапсени во голема акција против нелегалните казина, пренесува Би-Би-Си.

Стотици полицајци учествувале во рација во селото Карачево на границата со Србија. Полицијата соопшти дека станува збор за најголемата акција од ваков вид на Косово, спроведена по едногодишна истрага.

Косово минатата година забрани коцкање во борба против криминалот, според Би-Би-Си.

Јетиш Малоку, главен обвинител во покраината Гњилане, им изјави на новинарите дека полицијата уапсила најмалку 35 лица осомничени за нелегално коцкање, проституција, трговија со луѓе и поседување дрога и оружје.

Најмалку 10 лица се уапсени од редовите на граничните полицајци, кои наводно помагале во незаконските активности што се одвивале преку границата меѓу Косово и Србија.

Во акцијата биле демолирани 12 нелегални казина, а полицијата запленила голем број машини за коцкање, соопшти полицијата.

Во март минатата година, косовската влада ги забрани сите облици на коцкање во период од 10 години, поради поврзаноста со организираниот криминал.

Законот е донесен откако за само неколку дена беа убиени двајца вработени во казино на различни локации, а за едно од овие убиства беше уапсен полицаец.

Тогашниот косовски премиер Рамуш Харадинај рече дека забраната за коцкање е донесена со цел „зајакнување на јавната безбедност“.

Пред забраната за коцкање, полицијата затвори скоро 500 казина на Косово. Обложувалниците, особено за спортски настани, станаа многу популарни во Косово во последните неколку години.

Џенифер и Бред,предмет на анализа, утврдено е какви им се односите(ВИДЕО)

Поранешните сопружници Бред Пит и Џенифер Анистон се најдоа во центарот на вниманието по учеството во заеднички проект по 15 години.

Имено, Бред и Џенифер онлајн го читаа романот Fast Times at Ridgemont High, а сите беа воодушевени од ситуацијата во која Џенифер му кажува на Бред дека е симпатичен и секси. Се разбира, тоа беше напишано во сценариото, но беше доволно да предизвика лавина реакции.

Експертот за говор на тело Џуди Џејмс го коментираше однесувањето на поранешната двојка за време на оваа „незгодна“ сцена.

"Додека другите актери вклучени во овој проект се смееја и беа малку засрамени, Бред се однесуваше со израз на лицето како непослушно дете. Џенифер, од друга страна, остави впечаток на чувство на збунетост додека флертуваше со нејзиниот поранешен сопруг", рече Џејмс за порталот Метро.

"Отпрвин изгледаше како обичен флерт. Џен зеде прамен од сопствената коса и си играше со него како заљубена ученичка додека лесно се лулаше на столот. После тоа ја крена раката високо и се исправи покажувајќи доза на доверба и моќ. Потоа повторно ги грицкаше ноктите, покажувајќи дека таа сè уште се чувствува малку несигурна. Џенифер испраќаше доста збунувачки сигнали “, додаде Џуди.

"Како што се приближуваше секси сцената, Бред се појавува со комична капа од пират на главата, веројатно за да ја прекине напнатоста. Тој се однесуваше како мало дете, што само по себе испраќа порака за неодговорност кон Џенифер", рече таа.

"Шапката сепак исчезнува кога ќе започне сцената, а наместо тоа, Бред ја спушта брадата и со молбен израз на лицето и збрчкано чело изгледа како да моли за помош. Додека Бред се мрда во место, усните на Џен се тенки, а очите и се стеснуваат. "Формалниот пристап го прави Бред уште посрамен. Кога ќе се спомене бакнеж, тој ги лиже усните како навистина тоа да се случува, додека Џенифер ги стиснува усните и ги покрива целосно со раката, што значи дека воопшто не е расположена за акција", објасни експертот.

„Но, веројатно, Џулија Робертс имаше најдобар говор на телото, која смета дека целата работа е смешна и се смее со нејзината препознатлива широка насмевка“, додаде таа.

„Иако на моменти и Џенифер и Бред беа засрамени од сцената што требаше да ја прочитаат, поранешните сопружници очигледно се во одлична врска, што се гледа кога ќе се поздрават на почетокот“, заклучи Џуди.

Албанската полиција уапси косовска пејачка поради шверц на оружје

Албанската полиција ја уапси пејачката Фиола Морина на граничниот премин Морина, под сомнение дека сакала да прошверцува огнено оружје преку границата.

Според агенцијата Миа Ора, пиштолот е пронајден во чантата на пејачката, а по претресот на нејзиното возило, полицијата пронашла и пиштол кој изгледал како запалка.

„При контролата, во торбата на Ф.М. (34), која била пријавена во Приштина, Косово, граничната полиција открила и како доказ запленила огнено оружје од типот„Зораки “ со 23 куршуми. Пиштол кој изгледаше како запалка е пронајден во багажникот на возилото “, соопшти албанската гранична полиција.

Притворени се и придружниците на пејачката, Ф. М. (29), исто така од Косово и Ф., С. (29) од Белгија.

притисни ентер