СДСМ и ВМРО-ДПМНЕ повикуваат на масовна излезност во вториот круг

И власта и опозицијата ги збиваат своите родови пред вториот круг од локалните избори, закажан за две недели.. 

Мицкоски повика на опозициско обединување, Заев му пиша на членството дека СДСМ греши но учи и се поправа – двете најголеми партии почнаа со мобилизација за вториот круг од локланите избори...

Лидерот на опозициската ВМРО-ДПМНЕ Христијан Мицкоски бара опозицијата да ги здружи силите со една цел, рушење на владата... Набрзо после вториот круг од локалните избори очекува поддршка и од помалите партии од власта да се приклучат на опозицискиот табор за формирање на ново парламентарно мнозинство. За две недели очекува победа во општините каде што ВМРО-ДПМНЕ кандидати, а каде што нема најави поддршка на коалиционите партнери – на Стевчо Јакимовски во Карпош и на сите кандидати на Алијанса и Алтернатива... За Куманово и Тетово, Мицкоски рече дека се уште партиското раководство не донело одлука дали и за кого ќе дадат поддршка.

На обединување за вториот круг повика и претседателот на СДСМ Зоран Заев. Во писмо до сопартијците тој пишува дека е потребна борба за секој глас и засилени активности на терен за да се чујат граѓаните. Според Заев, злото се заканува и затоа треба брза анализа и реакција.

„Граѓаните во првиот круг на овие избори ни пратија јасна порака и ние таа порака мораме да ја слушнеме, да ја разбереме и да постапуваме по неа. Народот не е за ВМРО-ДПМНЕ. Но, во исто време народот сака многу подобар резултат и многу повисок интензитет на промени реализирани од СДСМ.

Сега е време за обединување затоа што од другата страна се истите насилници и криминалци кои ја уништуваа нашата земја со години. СДСМ греши, но учи и се поправа. ВМРО-ДПМНЕ е партија на своеволие и узурпација на сè државно за свои интереси. И тука има голема разлика. – пишува Заев во пимото до сопартијците..

По завршување на гласањето во неделата, Заев рече дека по локалните избори парламентарното мнозинство ќе порасне, отфрлајќи го сценариото кое го најавува Мицкоски. Дека нема да има политички потреси и нови избори, денеска рече и портаролот на ДУИ, Бујар Османи. И според него, актуелното мнозинство во Собрание е стабилно, а на Македонија не и треба губење време со избори..

Радев продолжува со консултациите за именување привремен премиер

Бугарскиот претседател Румен Радев продолжува со консултациите за именување привремен премиер. Во четвртокот тој го врачи третиот мандат за формирање влада на најмалата партија во Парламентот - ИТН. 

Тие веднаш го вратија, со што ставија крај на шансите за формирање нов кабинет во ова народно собрание.

Радев сега треба да назначи привремен премиер и влада. Но, според последните измени во Уставот, тој е должен да избира луѓе од список на одредени позиции. Тоа се, на пример, претседателот на Собранието, шефовите на Комората за ревизија и од БНБ.

Лидерот на ГЕРБ, Бојко Борисов, сигнализираше дека не сака тоа да бидат ниту Росен Жељазков, кој раководи со Парламентот, ниту Димитар Главчев, шеф на Заводот за ревизија.

Претседателот во четвртокот имаше средби со нив, како и со првиот човек на Централната банка, Димитар Радев. Тој објасни дека има конфликт меѓу националното законодавство и она на ЕУ. Според европските норми, гувернерот не треба да учествува во политиката. Тоа важи и за неговите тројца заменици. т.е. листата на потенцијални кандидати за премиер се намали за уште четири лица.

Неколку дена претходно од функцијата поднесе оставка и заменикот народен правобранител Елена Чернева-Маркова. Народниот правобранител Дијана Ковачева заминува како бугарски судија во Стразбур и исто така не е опција.

Така, изборот за привремен премиер моќе да биде направен меѓу замениците на Главчев во Ревизорската комора - Тошко Тодоров и Горица Гранчарова-Кожарева. Се верува дека таа има поддршка од ДПС. Кожарева беше меѓу учесниците во скандалот на Ревизорската комора по неуставната смена на нејзиниот претседател Цветан Цветков во јануари 2023 година. Потоа таа беше на функцијата неколку месеци. Кожарева е сопруга на обвинителот и поранешен член на Врховниот судски совет, Михаил Кожарев.

Средбата со неа ќе биде попладнево во Претседателството. /МИА

Нето надворешниот долг на крајот на 2023 година изнесувал 4.458 милиони евра

Нето надворешниот долг на крајот на минатата година изнесувал 4.458 милиони евра или 32,6 проценти од проценетиот БДП, објави денеска Народната банка.

Во четвртиот квартал од годината, нето надворешниот долг е зголемен за 305 милиони евра или за 7,3 проценти.

- На крајот на четвртиот квартал од 2023 година, бруто надворешниот долг изнесува 11.463 милиони евра и забележа квартално зголемување од 386 милиони евра. Бруто надворешните побарувања се зголемија за 81 милион евра и изнесуваат 7.004 милиони евра. Поголемото квартално зголемување на обврските во однос на побарувањата доведе до зголемување на нето надворешниот долг за 305 милиони евра, така што на крајот на декември 2023 година тој изнесува 4.458 милиони евра, појаснува Народната банка.

Во текот на четвртиот квартал од минатата година, негативната нето меѓународна инвестициска позиција (МИП) е зголемена за 160 милиони евра и изнесува 8.500 милиони евра, односно 62,2 проценти од проценетиот БДП за 2023 година.

Во однос на крајот на 2022 година, нето надворешниот долг е зголемен за 147 милиони евра (или 3,4 проценти), во услови на зголемување на нето приватниот долг (за 269 милиони евра), а намалување на нето јавниот долг (за 122 милиона евра).

До вторник сончево и топло до 29 степени

Следува период на сончево и топло време со мала до умерена облачност. Во деновите од викендот и во понеделник максималната температура ќе достигне 29 степени, соопшти УХМР. 

Од вторник ќе има извесно зголемување на облачноста со благо опаѓање на дневната температура.

притисни ентер