СДСМ и коалицијата на предизборен собир во Скопје

Под мотото „Скопје се обединува и продолжува напред!" коалицијата „Најдоброто за мојата општина" предводена од СДСМ  вечерва одржува собир со граѓаните на Скопје во спортската сала Борис Трајковски.

На денешниот големиот собир со граѓаните на Скопје, пред пруситните се обратија советничката на СДСМ и коалицијата во советот на град Скопје атлетичарката Дрита Исљами, актерот Дениз Абдула и музичарот Мирко Попов.

Дрита Исљами побара од граѓаните поддршка и обединување како клуч за сите успеси, бидејќи градоначалникот е еден, но зад него е неговиот тим, зад него стојат граѓаните.

Сарај и Скопје се мојот дом. Драго ми е што тој мој дом овие четири години постојано се развива и разубавува, а сето тоа благодарение на Петре Шилегов, каде и да отидам низ светот со гордост кажувам дека мојот град, моето Скопје, прераснува во вистинска метропола. убедена сум дека тоа ќе продолжи и во следните четири години, порача Исљами.

Актерот Дениз Абдула, како скопјанец и чаирчанец направи споредба со неговото маало, каде, како што наведе се случи најголемата промена во изминатите 4 години.

Ние добро знаеме како изгледаше Чаир, односно левата страна на Вардар пред градоначалникот Петре Шилегов. Многу добро се сеќаваме на конфликтите меѓу средношколците по автобусите и пред средните училишта, сообраќајниот хаос на Цветан Димов, на неосветлените и запустени јавни површини, паркови и игралишта за најмладите, истакна Абдула, додавајќи дека денес Чаир, благодарение на градската администрација предводена од градоначалникот Петре Шилегов, човекот кој го разбира градот и неговата сложеност, изгледа сосема поинаку.

Со нови булевари, нови улици, кружни текови, одржувани тревнци, вело патекки кои овозможуваат брз пристап од една точка на градот до друга и насмеани лица на децата и возрасните кои жив доказ дека кога на една заедница ќе и дадеш за прв пат, нешто вредно и убаво, таа знае како да се грижи за тоа и да го негува, порача Абдула.

Тој додаде дека порано културата ја разбираа како споменици, фонтани, гипс картон, мермер, кој сега се распаѓа, а денес се слави живата култура, нагласувајќи дека за време на пандемијата, Скопје, раководен од Шилегов беше првиот град кој ја адаптираше својата културна програма за над 200 невработени културни работници да работат.

Ако го сакаме Скопје, изборот е само еден, а тоа е градоначалникот Петре Шилегов, порача актерот Дениз Абдула.

Музичарот Мирко Попов како алтернативен, прогресивен културен работник нагласи дека ја дава својата поддршка за кандидатот за градоначалник на СДСМ и Коалицијата Петре Шилегов, како еден од ретките кој има слух, трпение и има доблест да разговара со сите луѓе па и на оние што се на маргините.

Шилегов е првиот градоначалник, кој навистина се занимава со она што им е важно на Скопјани, улици, инфраструктура, пешачки патеки велосипедски патеки, кој поправа улици од другата страна на Вардар, бидејќи целиот град треба да биде убав, добар и функционален град за граѓаните и овде сум да го поддржам да продолжи да ја прави добрата работа што ја прави, за добро на градот, за мое добро, порача Попов.

Центар за комуникации со јавноста на СДСМ

Во Кичево физички нападнати полициски службеници

Во ОВР – Кичево денеска се лишени од слобода А.М.(38) и П.М.(38) двајцата од кичевското село Лазоровци.

Тие на улицата „11-ти Септември" во Кичево, најнапред вербално, а потоа и физички нападнале полициски службеници кои вршеле службени дејства.

– Двајцата се приведени и по документирање на случајот против нив ќе биде поднесена соодветна пријава, истакна портпаролот во ОВР – Кичево, Стефан Димоски.

Димоски додаде дека денес рано изутрина околу 2 часот во ОВР-Кичево било пријавено дека пред влезна врата од стан на улица „11-Септември" во Кичево, била истурена и запалена течност, но за среќа не настанал пожар.

ОВР-Кичево презема мерки за расчистување на случајот.

Портпаролот Димоски потсети дека вчера во ОВР-Кичево приведена е и лишена од слобода А.И.(49) од градот.Таа околу 13 часот на улица „11-ти Септември" го нарушила јавниот ред и мир и со метален предмет ја нападнала Л.А.(34)од Кичево.

СДСМ: Враќањето на Ставрески е доказ дека ВМРО-ДПМНЕ не е поместена од режимската матрица

Прес-конференција на СДСМ, Славјанка Петровска, пратеничка на СДСМ.

Почитувани граѓани, почитувани новинари,

Во ВМРО-ДПМНЕ предводена од Христијан Мицкоски нема никаква промена. Таму е присутна истата режимска матрица на Никола Груевски.

Последен доказ за тоа е и враќањето на висока партиска функција на кумот на Груевски и поранешен министер за финансии Зоран Ставрески.

Тоа е истиот Ставрески кој во 2012 на црниот понеделник даде налог на собраниското обезбедување насилно да ги исфрли прво новинарите, а потоа и пратениците од собраниската сала.

Ставрески кој како министер за финансии ја презадолжи државата за да се финансира проектот Скопје 2014. Ставревски кој беше десна рака на Никола Груевски во водењето погубни економски политики за што тој самиот кажа „Трошиме за чоколадо а немаме ни за леб"

Денес, тој ист Зоран Ставрески ќе ја контролира работата и ќе им наредува на градоначалниците од редовите на ВМРО-ДПМНЕ.

Ова значи дека градоначалниците од редовите на ВМРО-ДПМНЕ ќе одговараат пред Ставрески и ќе работат во негов интерес наместо да одговараат пред граѓаните и да работат во нивен интерес.

Се појасно станува брзањето на Мицковски да ја превземете власта. Под притисок на бегалецот од Будимпешта, правите план за негово враќање. По негова насока ги враќате на пртиски позиции неговите најблиски соработници. Ги спремате ли и судиите кои ќе треба да го ослободат Груевски од секаква вина? Пак го отворивте Тефтерчето?

На Република Македонија и е потребна интеграција со светските демократски текови, а не враќање во минатото.

Центар за комуникации со јавноста на СДСМ

Петков: Бугарија треба да го преиспита пристапот кон Македонија на конструктивен начин

 Петков рече дека за да стигне до Скопје со авион морал да лета преку Виена и праша зошто нема железничка линија која ќе ги поврзе Бугарија и Македонија.

Една од првите задачи на новиот министер за надворешни работи на Бугарија и идниот бугарски премиер е да се формираат работни групи меѓу Бугарија и Македонија кои ќе опфатат различни области. Ова го коментираше Кирил Петков, копретседавач на „Продолжуваме со промената" која победи на парламентарните избори во Бугарија, во програмата „Седмицата" на бугарското приватно национално радио „Дарик".

Како што јави дописникот на МИА од Софија, според Петков, овие работни групи треба да бидат слични на оние во преговорите меѓу идните коалициски партнери во Бугарија.

Да има работни групи за економија, инфраструктура, култура, историја, човекови права и да почнат да работат на секоја од овие теми што е можно потранспарентно, за да можат двата народа да се запознаат со реалните теми и секој да почне да размислува која е цената ако нема добрососедство меѓу двете земји и обратно – какви се успесите ако има вистинско добрососедство.

Според Петков, така темата за историјата, која не треба да се игнорира, ќе стане една од темите на разговор, но нема да биде единствена.

Петков рече дека за да стигне до Скопје со авион морал да лета преку Виена и праша зошто нема железничка линија која ќе ги поврзе Бугарија и Македонија.

Тој праша и зошто не се одржуваат конференции за различни индустрии, со што ќе се поврзат бизнисите на двете земји да работат заедно и зошто нема заеднички концерти. Да ги имавме овие работи, рече Петков, како би изгледале нашите економии.

-Тогаш подготвеноста за компромиси за прашања што се важни за нас како народ и за нив како народ би требало полесно да ги решаваме, коментираше Петков.

Но, според него, тоа не може да се случи, ако за тоа зборуваат само Бугарија и Македонија, туку целиот контекст мора да се отвори. Добрите резултати, рече, доаѓаат преку работа, а не преку добри идеи и слогани.-А најтешко е кога лидерите не се виделе или ако се гледаат на секои шест месеци, смета Петков.

Според него, најмногу можеме да добиеме со добрососедство и во иден момент да ги решиме овие проблеми, кои ги нарече „мали". Да бидеме, како што рече, дел од европското семејство што ќе биде многу добро и за целиот регион. /MИА

притисни ентер