СДСМ и Алтернатива во наредните два дена треба да ги финализираат принципите за коалиција

И покрај тоа што Алтернатива тврди дека е сè уште рано да се зборува за поделба на ресорите, неофицијални извори од партиите брифираат дека едно од местата кои Гаши ги преферира е министерството за здравство.

Иако во јавноста се погласни се шпекулациите дека Алтернатива настојува на најмалку едно министерско и едно вицепремиерско место за влез во Владата, од партијата на Гаши уверуваат дека кадровските решенија засега не се ставени на маса, а во следниве два дена ќе ги финализираат принципите на заедничко владеење и програмските определби. Но, за какви програмски определби станува збор засега никој од двете страни не открива.

И покрај тоа што Алтернатива тврди дека е сè уште рано да се зборува за поделба на ресорите, неофицијални извори од партиите брифираат дека едно од местата кои Гаши ги преферира е министерството за здравство, а токму генералниот секретар на партијата Беким Сали кој го придружуваше Гаши на двете средби со Заев ја мерка фотелјата на Филипче.

-Што се однесува до позициите што треба да ги има Алтернатива во идната власт, до овој момент нема конкретна понуда, ниту пак барање од наша страна, велат од партијата на Гаши.

Дали новата владина коалиција што се наѕира би била одржлива во следните две години, особено ако се земе предвид што Гаши до пред три недели се залагаше за пад на владата на СДСМ и ДУИ, останува отворено прашање. За универзитетскиот професор Јордан Шишовски во моментов е многу поважно да се направи Влада која ќе се носи со здравствената, енергетската криза и корупцијата пред се, наместо кој во каква министерска фотелја ќе седне.

Од ВМРО-ДПМНЕ не остапуваат од барањето за брзи избори како излез од политичката криза. Преговорите на Алтернатива за влез во Владата ги оценија како контрадикторни, а потезите на СДСМ и ДУИ очајнички обиди да останат на власт.

Во моментов силите во Собранието се изедначени и никој нема мнозинство, со што останува неизвесно и одржувањето на седницата за пратенички прашања. Се очекува седницата за гласање на Буџетот закажана за на 9 декември да биде првиот тест за владиното мнозинство.

Новиот „Ford Mondeo“ не доаѓа во Европа

Новиот „Ford Mondeo“ ( кој е претставен во Кина) нема да пристигне во Европа каде продажбата на лимузини со средна големина со години опаѓа.

Од германски „Motor1.com “ ја контактирале локалната филијала на „Ford“ и портпаролот потврдил дека називот „Mondeo“ ќе продолжи да живее само во Кина.

Како што првично е најавено пред речиси една година, „Mondeo“ со евро-спецификација во сите три каросериски изведби, ќе биде официјално повлечен во март 2022 година кога ќе се заврши производството во фабриката во Валенсија.

Инаку тоа е еден од најстарите модели во својот сегмент со оглед на тоа дека автомобилит постои веќе со децении. Називот „Mondeo“ ќе биде укинат во Европа по 30 години откако „Ford“ со него пред три децении го замени моделот „Sierra“.

Ѓоковиќ купил данска фирма која развива лек против Ковид

Новак Ѓоковиќ купил 80 отсто удел во данската компанија „QuantBioRes“, која развива терапија против Ковид-19, потврди генералниот директор на компанијата Инан Лочаревиќ за Ројтерс.

Според данскиот деловен регистар, Јелена и Новак Ѓоковиќ се вистински сопственици на данската компанија од 3 јули 2020 година. Уделот на Јелена во сопственост е 39,2 отсто, а на Новак 40,8 отсто.

Директорот на компанијата Иван Лончаревиќ изјавил дека инвестицијата била реализирана во јули 2020 година, но одбил да каже колкава е нејзината вредност, пишува Ројтерс.

„QuantBioRes“ вработува 11 научници во Данска, Австралија и Словенија, а примарна цел на компанијата е да се развие лек против Ковид, а не вакцина, вели Лончаревиќ.

Компанијата развива пептид што го спречува коронавирусот да ги инфицира човечките клетки и очекува да започне со клинички испитувања во Велика Британија ова лето, вели Лончаревиќ.

Портпаролот на Ѓоковиќ не одговорил на барањето за коментар, пренесува Ројтерс.

Инаку, Ѓоковиќ не е вакциниран против Ковид, а деновиве е депортиран од Австралија и не може да настапи на Австралија Опен, пишува Индекс.хр.

Србија: Над 17.000 нови случаи со Ковид-19, починале 28 лица

Во последните 24 часа се регистрирани уште 17.318 новозаразени со коронавирусот во Србија.

Од последиците на Ковид-19 починале 28 лица.

На респиратори се наоѓаат 112 пациенти.

Како што е наведено, во последните 24 часа се анализирани 36.434 примероци а 2.619 лица се наоѓаат на болничко лекување.

притисни ентер