СДСМ: Груевизмот кој зрачи од Мицкоски го потврдува она што граѓаните го знаат: ВМРО-ДПМНЕ сака да се заташка криминалот на режимот

Груевизмот кој зрачи од Мицкоски потврдува дека ВМРО-ДПМНЕ единствено сака да се заташка криминалот на режимот. Ништо друго не е важно за нив, се наведува во реакцијата на СДСМ на интервју на Христијан Мицкоски.

Тие бараат предметите на СЈО дојдат под нивна контрола за да запрат.Тоа е единствената причина зошто не се постигна договор за Законот за ЈО.

Мицкоски и ВМРО-ДПМНЕ се против правдата, против ЕУ и НАТО и против граѓаните. Се надеваат дека ќе го попречат напредокот и ќе го загрозат датумот за преговори.

Ние тоа нема да го дозволиме. Ние сме за правда. Сега е моментот и покажуваме што значи борба за правна држава и за правда!

Пропаѓаат обидите на Мицкоски да ги минира предметите на Специјалното јавно обвинителство, тие се обезбедени, одговороност ќе има.Затоа Мицкоски е во паника, затоа што знае дека функционерите на ВМРО-ДПМНЕ нема да се спасат од одговорност без разлика колку и тој да се труди да ги спаси.

Северна Кореја истрела неидентификуван проектил во Јапонското Море

Северна Кореја истрела неидентификуван проектил во Јапонското Море, соопшти Заедничкиот комитет на началници на Генералштабот на Јужна Кореја.

Пентагон соопшти дека САД сакаат да разговараат за спорните прашања со Северна Кореја.

Ова е четврто истрелување ракета од страна на Пјонгјанг оваа година. Претходните се извршени на 5, 11 и 14 јануари. Во првите два случаја, Северна Кореја соопшти дека успешно тестирала хиперсонични ракети. На 14 јануари, две балистички ракети со краток дострел беа истрелани од железнички ракетен комплекс.

Средба на претседателот Пендаровски со Ана Лирман, германска државна министерка за Европа

Претседателот Стево Пендаровски денеска ја прими Ана Лирман, државна министерка за Европа во Министерството за надворешни работи на Сојузна Република Германија.

Честитајќи ѝ за преземањето на функцијата, претседателот Пендаровски оцени дека посетата на министерката Лирман набрзо по нејзиното именување, ја демонстрира јасната посветеност на германските власти за аспирациите на државите од Западен Балкан за членство во Европската Унија. Претседателот Пендаровски се заблагодари што проширувањето на Европската Унија и Западниот Балкан се меѓу клучните приоритети на новата Влада на канцеларот Олаф Шолц.

Претседателот Пендаровски истакна дека Република Македонија останува посветена на европската агенда и го реафимираше очекувањето за скорешен почеток на пристапните преговори за членство во Европската Унија. Во таа насока, претседателот Пендаровски посочи на подготвеноста на нашата држава за продолжување на дијалогот со Република Бугарија, во духот на добрососедските односи, со цел надминување на блокадата во однос на европските интеграции.

Во контекст на билатералните односи, претседателот Пендаровски оцени дека Германија е клучен политички и економски партнер на земјава и еден од најзначајните трговски партнери во годините наназад. Претседателот Пендаровски изрази очекување за натамошно јакнење на пријателството и партнерството меѓу двете држави, вклучувајќи го сојузништвото во НАТО, како и очекување за натамошно зголемување на трговската размена.

Водата во Скопје безбедна и квалитетна за пиење

Водата во Скопје изминатата недела била безбедна и квалитетна за пиење, покажуваат примероците за физичко-хемиска и микробиолошка анализа земени од 47 мерни места во Град Скопје, информираат од ЈП „Водовод и канализација – Скопје".

Ова го покажува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, во кој земените 196 примероци за физичко-хемиска и 196 примероци за микробиолошка анализа на вода за пиење, од 47 мерни места во град Скопје, во периодот од 10 до14 јануари 2022 покажува дека сите примероци одговараат на Правилникот за барања за безбедност и квалитет на водата за пиење.

притисни ентер