Саливен: Барањето на Украина за влез во НАТО ќе се разгледа во друго време

Барањето на Украина за влез во НАТО треба процедурално да се разгледа во друг момент, изјави советникот за национална безбедност на американскиот претседател Џејк Саливан.

„Сметаме дека сега најдобриот начин да се поддржи Украина е преку практична поддршка „на терен“, а процесот во Брисел треба да се преземе во друго време, изјави Саливан за новинарите во Белата куќа.

Вчера Украина официјално поднесе барање за членство во НАТО на денот кога рускиот претседател Владимир Путин потпиша документи за припојување на Доњецк и Луганските народни републики, регионите Херсон и Запорожје кон Русија.

„Америка е целосно подготвена со нашите НАТО сојузници да ја брани секоја педа од територијата на НАТО. Секоја педа“, изјави американскиот претседател Џо Бајден и додаде дека Москва треба да ја сфати оваа порака буквално.

Доколку се прифати барањето на Киев за членство, силите на НАТО формално би биле вовлечени во војната во Украина и директно би се спротивставиле на руската војска, што потенцијално би довело до ескалација на конфликтот.

Генералниот секретар на НАТО, Јенс Столтенберг, вчера изјави дека иако го поддржува правото на Украина да се приклучи на Организацијата на Северноатлантскиот договор, сите 30 членки треба да постигнат консензус за тоа.

Претходно, претседателот на Украина, Володимир Зеленски изјави дека Украина, како одговор на руската анексија на дел од нејзината територија, поднела формално барање за забрзан пристап во НАТО.

Стевчо Јакимовски и Павле Трајанов во „Само вистина“

Вечерва во „Само вистина“ гости ќе бидат Стевчо Јакимовски и Павле Трајанов

Дебата „Енергетска криза и решенија за иднината“

Дебатата на тема „Енергетска криза и решенија за иднината“ денеска ќе се одржи на Факултетот за електротехника и информациски технологии (ФЕИТ) во Скопје во организација на Францускиот институт во Скопје.

На дебатата, според најавите од организаторот, експертите ќе дебатираат на темата кои се решенијата за поефикасна енергетска иднина со кои би се намалил ударот врз климата и животната средина и дали и во која мера обновливите енергии можат трајно да ги заменат фосилните горива.

-Светот и Европа се соочуваат со голема енергетска криза наспроти која се принудени да започнат со транзиција за да ги сопрат погубните последици од глобалното затоплување, велат организаторите на настанот.

Дебатата ќе ја отвори Иго Бештел, советник за култура и соработка и директор на Францускиот институт во Скопје, а учество ќе земат Михаела Жиртан, професорка на Универзитетот во Анже и експерт за обновливи енергии, Антон Чаушевски, професор на ФЕИТ, Ристо Филкоски, професор на Машинскиот факултет во Скопје и стручен советник на НВО „Центар за климатски промени“ и Виктор Андонов, советник за енергетски прашања во Владата. Модераторка на дебатата ќе биде Мила Јовановска, претседателка на НВО „Биди зелен“.

Скопје втор ден под блокада, приватниците не отстапуваат додека не се изнајде решение за долгот

И утринава продолжија блокадите на приватните превозници на клучните булевари во Скопје.

Околу 200 автобуси и денеска се поставени на крстосницата кај Мавровка и кај Црвен крст, како и на булеварот Илинденска.

Блокадите ќе останат на постојните места сè додека не се седне на маса и не се најде решение согласно законот и одлуката на Град Скопје.

Од Град Скопје највија дека денеска на прес-конференција ќе излезат со свој став.

Вчера министерот за локална самоуправа Ристо Пенов во телевизико гостување рече дека решение за проблемот на приватните превозници постои и тоа е во рацете на Советот на градот:„ Да го платат долгот кон ЈСП од два милиона евра и денес може Советот да свика седница и да и наложи на градоначалничката од одредена ставка на буџетот да го исплати долгот.

Според Пенов исто така насилно може да се тргнат автобусите од улиците, но додаде дека , се уште не се исцрпени сите можности за решение.

притисни ентер