Сали: Здравствениот систем нема да се соочи со недостиг на електрична енергија

Институциите се гушат во долгови за струја.

Само на ЕВН им должат над 30 милиони евра, а реалниот долг е поголем, бидејќи има институциите кои нававуаат струја од слободниот пазар. Најмногу должат општините околу 17 милиони евра, а од институциите најмногу должат болниците чии неплатени сметки за струја надминуваат седум милиони евра. Министерот за здравство, Беким Сали уверува дека здравствениот систем нема да се соочи со недостиг на електрична енергија.

„Пред две недели пуштивме допис до сите здравствени јавни установи до менаџментот на секоја установа да се погрижат за минимална заштеда на електрична енергија, со барање доколку би успеале до 5% да заштедиме, меѓутоа не во виталниот дел на установите, туку во деловите каде што се поддршка“-Беким Сали, министер за здравство

Проблеми имаат и општините. Најгорливо е прашањето за загревање на училиштата. Општини не можат да најадат фирма снабдувач на електрична енергија, зашто никој не се јавува на тендерските постапки. Таков пример е скопската Општина Карпош.

„Решението за оваа работа е училиштата, градинките, локланата самоупорава, јавните претријатија да се вратат на ЕВН Хоум каде што ќе биде гарантирана испорака на електрична енергија по 200 евра по мегават часови.“- Стевчо Јакимовски, градоначалник на Општина Карпош

Помалите општини, пак се враќаат еден чекор наназад. Кризата ги натера да набават дрва за загревување на училиштата.

„Планираме да се загреваме на дрва. И веќе распишуваме тендери за набавка на огревно дрво и пренамена од постоечките котли кои нѝ беа на нафта да ги рехабилитираме за да се загреваат на дрва.“- : Горан Стојановски, градоначалник на Општина Чашка

„Како општина склучивме со јавното претпријатие Македонски Шуми и очекуваме достава на дрва. Дел од пелетите се набавени, така што сметајќи дека ќе немаме пречи во доставата на дрва, мислам дека ќе одговориме на предизвикот.“- Ристо Манчев, градоначалник на Босилово

Останува нејасен планот на МОН како децата ќе учат зимава. Дали ќе има топли училници, зимскиот распуст ќе треа подолго или ќе се вратат на он – лајн настава, нешто за што има противења.

Пресврт на кинескиот пазар: Фолксваген веќе не е најпродаван бренд

Кинескиот BYD го престигна Volkswagen во рангирањето на најпродаваните брендови.

Според податоците на CMB (China Merchants Bank International), домашниот автомобилски гигант во ноември на кинескиот пазар продал дури 152.863 возила, што е неверојатни 83 отсто зголемување во споредба со истиот месец лани. Во исто време, Volkswagen продаде 143.602 возила, што е пад од 0,3 отсто и падна на второто место во рангирањето на најпопуларните. Ако на резултатот на Фолксваген се додадат 36.847 продадени Ауди, Фолксваген би ја задржал водечката позиција.

Иако недостасуваат податоци за последните неколку денови од ноември за конечната месечна позиција, речиси е сигурно дека BYD за прв пат во историјата ќе биде најпродаваната марка на автомобили на кинескиот пазар. Успехот е уште поголем бидејќи BYD нуди само електрични автомобили и plug-in хибриди.

А кога сме кај електричните автомобили, вреди да се спомене успехот на Tesla, кој ја удвои продажбата во Кина, пред сѐ благодарение на намалувањето на цените. Да напоменеме и дека BYD планира посилен ангажман во Европа, каде што ќе понуди многу конкурентни модели. Палетата наскоро би требало да вклучи дури пет модели.

Зечевиќ во Долнени: Национално, политичко и меѓуетничко обединување за европската иднина

Македонско обединување околу европскиот пат на државата, во најширока смисла-национална, меѓуетничка, политичка и општествена е патриотиски чин за заедничка европска иднина.

Ова го порача вечерва од Долнени, генералниот секретар на СДСМ, Миле Зечевиќ на работен состанок со членови и симпатизери на партијата од оваа општина.

Зборувајќи за основите на заедничкото живеење како социјалдемократски принципи Зечевиќ рече дека глобалните констелации повикуваат на заедничко делување и придонес за европската иднина на државата во интерес на сите нејзини граѓани.

-Европската интеграција е политичка визија за еден вид на договор на сите кои живеат во државата. Тоа е нашата одговорност, како принципиелна и државотворна партија, вкорената во македонската државност. Да се обединиме околу европските вредности и европскиот пат во најшироката смисла – национална, меѓунационална, политичка и државна. Ние, социјалдемократите, сме подготвени и пружаме рака за обединети да го креираме современиот пат на интегрирана, посилна и побогата македонска Република. Заедно да делуваме во констелацијата на идните регионални соработки, европски асоцирања, глобални позиционирања, рамо до рамо со европските нации со сите наши посебности. Само така може да ги одбраниме и заштитиме националните, државни интереси и да ја обезбедиме иднината на сите граѓани, рече Зечевиќ, се наведува во партиското соопштение.

Захарова: САД и НАТО уништуваа енергетски мрежи, потсетете се на нападите на Србија

Рускиот претседател Владимир Путин не е искрен за мировните преговори со Украина и ја носи војната на ново ниво на варварство обидувајќи се да ги изгаси светлата на цивилите, изјави вчера висок американски дипломат.

Американскиот потсекретар за политички прашања Викторија Нуланд се состана со претседателот Володимир Зеленски и други високи украински претставници во Киев за да покаже поддршка додека Русија се обидува да ја уништи енергетската инфраструктура на земјата.

„Дипломатијата очигледно е цел на сите, но мора да имате подготвен партнер“, им рече таа на новинарите. „И многу е јасно, без разлика дали станува збор за нападите врз енергетската инфраструктура, дали се работи за реториката од Кремљ и општиот став, дека Путин не е искрен или подготвен за тоа„.

Американскиот претседател Џо Бајден изјави во четвртокот дека е подготвен да разговара со Путин доколку рускиот лидер е заинтересиран да стави крај на војната. Но, идејата беше брзо закопана кога Кремљ рече дека Западот мора да ја признае анексијата на четири украински региони од Москва. Ваквата реакција на Русија, рече Нуланд, покажа „колку тие се несериозни“.

Русија агресивно ја напаѓа украинската инфраструктура за пренос на електрична енергија и греење од октомври, за која Киев и нејзините сојузници велат дека е намерна кампања против цивилите, воено злосторство.

„Путин ја однесе оваа војна на ново ниво на варварство, внесувајќи ја во секој дом на Украина додека се обидува да ги исклучи светлата и водата и да го постигне она што не можеше да го направи на бојното поле“, рече Нуланд.

Портпаролката на руското Министерство за надворешни работи Марија Захарова брзо одговори.

„Не е до Нуланд да го учи светот - САД и НАТО уништуваа енергетски мрежи“, реагира Захарова на каналот Телеграм, потсетувајќи на нападите врз Србија во 1999 година.

За време на нападот, воените авиони во Србија ја исклучија електричната енергија на повеќе од 70 отсто од областа, според НАТО. Нуланд се сретна и со Андриј Јермак, шеф на канцеларијата на Зеленски, кој изрази благодарност за помошта вредна милијарди долари од Вашингтон за Украина.

„Победата на Украина, во која сме сигурни, ќе биде наша заедничка победа“, ја цитираше неговата изјава од канцеларијата на Зеленски.

притисни ентер