САД во шок - 18-годишно момче уби 19 ученици и двајца наставници во училиште во Тексас

Трагедија од невидени размери ја потресе сојузната американска држава Тексас. 

Деветнаесет ученици на возраст од осум до десет години и двајца возрасни се убиени во пукање во основно училиште „Роб“ во областа Увалде на 130 километри од градот Сан Антонио.

За ужасот осомничен е 18-годишник Салвадор Рамос, кој бил ликвидиран во полициската акција. Се верува дека грозоморниот чин го извршил сам. На социјалните мрежи осамна видео на кое се гледа моментот кога напаѓачот влегува во училиштето во момент пред да ги застрела невините жртви. Неколку други, и ученици и возрасни, се згрижени поради повреди.

Американскиот претседател Џо Бајден вознемирен и лут изрази жалење за трагедијата и упати итен повик за нови ограничувања на огненото оружје

Во училиштето „Роб“ учат 600 ученици, а мнозинство се Латиноамериканци. Ева Миралес, вработена како наставничка од 4-то одделение во училиштето е првата идентификувана жртва. Според полициски извори наставничката загинала во обид да ги заштити децата од убиецот кој отворил оган во основно училиште.

Гувернерот на Тексас, Грег Абот, рече дека Рамос го оставил возилото и влегол во училиштето вооружен со пиштол и полуавтоматска пушка.

Мотивот не е познат, а сенаторот од Тексас, Роланд Гутиерес, изјави дека Рамос го најавил нападот на социјалните мрежи и дека оружјето со кое го извршил нападот го купил за својот 18. роденден. Исто така, негов пријател изјавил дека неколку дена пред да го изврши крвопролевањето му испратил фотографии од огнено оружје и кеси со муниција. Пријателот кажал и дека Рамос бил исмеван постојано поради неговата облека и финансиската состојба.

Пред да се упати во смртоносниот поход во училиштето, Рамос ја застрелал и неговата баба, која според полицијата, е хоспитализирана и е во критична состојба.

Според бројот на загинати, овој е најтрагичниот напад на училиште во САД, уште од 2012 година, кога во основното училиште Сенди Хук беа убиени 20 деца и шест други лица. Злосторството го осуди и Папата Франциск, кој говорејќи за масакрот во Тексас рече дека срцето му е скршено од болка и порача дека е време да стави крај за неселективната трговија со оружје.

Поранешниот сопруг на Меган Фокс доби син и го откри неговото необично име (ФОТО)

Брајан Остин Грин доби син со неговата нова девојка Шарна Бурџис.

48-годишникот, среќната вест ја сподели на Инстаграм. Откри дека момчето се вика Зејн Вокер Грин, а е роден на 28 јуни во 12 часот и 12 минути.

Бурџис ја објави фотографијата и напиша: „Моето срце сега е засекогаш надвор од моето тело“.

Грин има три деца со Меган Фокс - Џорни Ривер (5), Боди Рансом (8) и Ноа Шенон (9), додека со Ванеса Марсил има 20-годишен син Касиус.

Ѕвездата од Беверли Хилс 90210 изјави за People претходно овој месец: „Бебето доаѓа во топол дом и семејство и ќе биде опкружено со љубов. Многу сме возбудени“.

Двојката почна да се забавува пет месеци откако Грин го потврди разводот од Фокс по 10 години брак. Во октомври минатата година прославија една година од нивната врска, а во февруари годинава објавија дека чекаат дете.

Американец пукал од дома и убил двајца полицајци и нивното куче (ВИДЕО)

Американцот Ленс Сторц од Кентаки завршил во притвор откако убил двајца и повредил неколку полицајци. Мажот се забарикадирал во куќата и почнал да пука.

Како што пренесува ABC, пукањето се случило во округот Флојд вчера околу 6:44 часот по локално време. Според извештајот од апсењето, Сторц бил вооружен со пушка и испукал повеќе куршуми кон полицајците од неговиот дом, при што убил двајца полицајци и едно полициско куче. Полицијата дошла во куќата на Сторц поради пријава за семејно насилство.

Ранети се петмина полицајци и директорот на Управата за вонредни состојби. Идентитетот на убиените полицајци сѐ уште не е соопштен. Гувернерот на Кентаки, Енди Бишер, на Твитер напиша дека округот Флојд претрпел страшна загуба и го повика целиот Кентаки да се моли. „Ова е тешко утро за нашата заедница“, напишал Бишер на Твитер.

Сторц е во притвор по повеќе обвиненија, вклучително и убиство на полицаец и обид за убиство на полицаец. Тој се изјаснил за невин и е задржан со кауција од 10 милиони долари. Американецот се враќа на суд на 11 јули.

Поради салмонела, запрено е производството во најголемата фабрика за чоколади во светот

Производството во најголемата фабрика за чоколади во светот, управувана од швајцарскиот гигант Бери Калебо во белгискиот град Визе, е запрено откако е откриена контаминација со салмонела, соопшти компанијата.

Портпаролот на Бери Калебо изјави за АФП дека производството е запрено во фабриката, која произведува течно чоколадо во серии на големо за 73 клиенти на кондиторски производи.

Засега нема информации дали потрошувачите се заразиле со салмонела, која предизвикува салмонелоза, болест придружена со дијареја и треска.

„Бери Калебо моментално ги контактира сите клиенти кои можеби добиле контаминирани производи. Производството на чоколадо во Визе е суспендирано до понатамошно известување“, додаде Ворлоп, објаснувајќи како компанијата контактирала со сите свои клиенти и ги замолила да не испраќаат производи направени со чоколадо, направена од 25 јуни во фабриката Wieze, лоцирана во Фландрија, северозападно од Брисел.

Известена е и белгиската агенција за безбедност на храна AFSCA, а портпаролот изјави за AFP дека е покрената истрага.

Фабриката „Визе“ не произведува чоколадо за директна продажба на потрошувачите, туку продава суровини за понатамошна обработка на компаниите од таа индустрија, а тие сметаат дека контаминираните производи на нивните клиенти сѐ уште не стигнале до полиците на продавниците.

Бери Калебо продава какао и чоколадо на голем број познати производители на слатки во светот, како Херши, Монделез, Нестле и Унилевер.

Инаку, годишната продажба на Barry Callebaut лани изнесувала 2,2 милиони тони, а во тој период оствариле нето добивка од 384,5 милиони швајцарски франци, со промет од 7,2 милијарди франци. Групата вработува повеќе од 13 илјади луѓе и има повеќе од 60 производствени погони ширум светот.

притисни ентер