САД им ја враќа на Палестинците помошта од 200 милиони долари

Администрацијата на американскиот претседател Џо Бајден планира да одвои околу 200 милиони долари помош за Палестинците, враќајќи дел од помошта што поранешниот претседател Доналд Трамп ја укинал.

Помошта од 200 милиони долари која ќе биде обезбедена главно преку агенцијата за помош на ООН, УНВРА, се очекува да биде објавена денеска, како дел од напорите за санирање на врските на САД со Палестинците, оштетени за време на мандатот на Трамп. УНВРА ќе добие 150 милиони долари , 75 долари ќе бидат дадени преку директни фондови , а 10 милиони долари за локални проекти.

Демократскиот претседател Бајден јасно стави до знаење дека има намера да ја смени политиката на неговиот претходник републиканец, кого Палестинците го прогласија за пристрасен во корист на Израел.

Новата администрација претходно ветила дека ќе продолжи со стотици милиони долари економска и хуманитарна помош и ќе работи на повторно отворање на палестинската дипломатска мисија во Вашингтон.

Помошниците на Бајден исто така јасно ставиле до знаење дека сакаат да ја обноват целта на решението за преговори на двете држави како приоритет во американската политика во врска со израелско-палестинскиот конфликт. Но, досега тие се движат претпазливо и веројатно ќе се чекаат големите чекори по неизвесните израелски избори во март, проследени со палестинските избори најавени за наредните месеци.

Администрацијата на Трамп ја блокира скоро целата помош по прекинувањето на врските со палестинските власти во 2018 година. Овој потег се сметал за обид да се принудат Палестинците да преговараат со Израел под услови што палестинското раководство ги обележало како обид да им се укине одржливата држава. Ова вклучувало укинување на поддршката за финансирање од Агенцијата за труд и помош на Обединетите нации (УНВРА), која исто така обезбедува помош за околу 5,7 милиони за регистрираните палестински бегалци низ Блискиот исток.

Обновеното финансирање се очекува главно да биде насочено кон УНВРА, а администрацијата најверојатно засега нема да продолжи да обезбедува директна економска помош за палестинските власти, изјавиле извори за Ројтерс.

Парите што ќе и бидат дадени на УНВРА нема веднаш да ги вратат придонесите на нивото од 365 милиони долари дадени од САД на агенцијата во 2017 година.

Била бездомничка, а сега заработува милиони од фотографии и го вжештува Инстаграм (ФОТО)

Приказната на Елиза Роуз Вотсон звучи како сценарио на некој холивудски филм. 

31-годишната поранешна наставничка во еден момент од животот се најде на улица, како бездомник зависничка од наркотици и алкохол, а денес заработува милиони на платформата „ OnlyFans “.

Овој дипломиран психолог станала зависник од дрога на 23-годишна возраст, кога започнала да работи како манекенка. Потоа започнала да користи кокаин и некои други опијати, а покрај тоа станала зависна од алкохол. Се борела со тоа цели четири години.

„Би ги дала сите пари што би ги заработила за алкохол или кокаин“, изјави сега Елиза за британските медиуми, признавајќи дека украла пари и од нејзината мајка. Наскоро се нашла на улица, справувајќи се и со спиење со непознати мажи. Еден пријател ја убедил да побара помош.

"Еден ден таа се појави пред мојата врата и јас бев толку уморна што само отидов со неа кај анонимни алкохоличари. Почнав да се справувам со моите проблеми. Дотогаш, неколку пати се обидов да извршам самоубиство додека бев во болница и во полиција. Знаев дека не можам да продолжам така “, вели Елиза.

По рехабилитацијата се вработила во градинка. Таа вели дека за време на вработувањето била целосно искрена за своето минато и дека решиле да и дадат шанса, за што е многу благодарна. "Работата беше совршена, но не можев да заработам доволно. Сакав да ги вратам парите што ги украдов од мајка ми, да вратам некои долгови и да станам независна", вели таа.

Затоа, таа се свртела кон „ OnlyFans “. Во декември 2019 година, таа отворила профил на таа 18+ платформа. Првично заработувала, вели таа, 2.000 фунти месечно, а во пандемијата 100.000 фунти месечно. Заработила милион фунти последнава година.

Работи 16 часа на ден, седум дена во неделата. "Не се само сексуални разговори, сè е таму. Постојат жени кои ме прашуваат за совети за вежбање и слично", вели таа. "Тоа е како заедница. OnlyFans ми дозволува флексибилен живот, кога мајка ми или некој близок ми е потребен, веднаш можам да бидам таму за нив", заклучила Елиза, која сега на Инстаграм ја следат скоро милион луѓе.

Нема кислород во индиските болници, се ограбуваат камионите со боци

Шест болници во индискиот главен град Њу Делхи целосно останале без кислород и лекарите велат дека на останатите болници им преостанува снабдување за само неколку часа.

Голем број луѓе починале додека чекале кислород, а повеќе од 99% од сите кревети за интензивна нега се полни, јавува Би-Би-Си..

Индија е во костец на вториот бран на инфекции со Ковид-19 и денеска го забележа најголемиот еднодневен биланс на нови случаи во светот.Земјата досега забележала скоро 16 милиони потврдени инфекции.

Во изминатите 24 часа имало 314.835 нови случаи на коронавирус, додека смртните случаи пораснале за 2.104.

Има полициски извештаи за луѓе кои ги спречувале цистерните со кислород да отпатуваат во други држави, според телевизиската станица НДТВ од Делхи. Некои болници се обвинети за складирање на нивните залихи, додека имало појави и на грабежи.

Млад човек од Шпанија си ја убил мајка си и ја јадел, заедно со кучето (ВИДЕО)

На млад човек од Шпанија му се суди за убиство на неговата мајка, распарчување на нејзиното тело и јадење делови, пишува Би-Би-Си.

Алберто Санчез Гомез бил уапсен во 2019 година, откако полицијата отишла во станот на неговата 66-годишна мајка. Нејзините познаници повикале полиција, загрижени дека со денови не им се јавувала.

При влегувањето во станот, детективите пронашле делови од мртвата жена во пластични контејнери расфрлани низ станот и во фрижидерот. Локалните медиуми напишале дека младиот човек го расекол телото на повеќе од илјада парчиња. Тие исто така го пронашле 26-годишникот, како готви некои делови од нејзиното тело.

Полициските службеници на кои им ја отворил вратата изјавиле дека на прашањето дали неговата мајка е во станот, тој одговорил: „Да, мајка ми е тука, таа е мртва“.

Младиот човек признал дека готвел и јадел делови од телото, а некои му ги дал и на кучето.

На почетокот на судењето, Санчез Гомез тврдел дека слушнал „тајни пораки“ од ТВ и гласови кои му велеле: „Убиј ја мајка ти“. Гласовите, како што тврди, им припаѓале на неговите соседи, познаници и познати личности.

Тој, исто така, на судењето тврдел дека не се сеќава на убиството или на распарчувањето на телото.

Сега се соочува со казна од 15 години до доживотен затвор.

притисни ентер