САД и НАТО одржаа вежба за извлекување ранети, користејќи ги искуствата од Украина

Светла точка се приближува во далечината некаде во средината на Латвија, ја опишува вежбата Си-Ен-Ен.

Околу полноќ е црно, но авионите на специјалните сили ќе се обидат да слетаат во темнина на цивилен пат со две ленти.

Опремени со очила за ноќно гледање, пилотите и персоналот на земја се способни да го координираат и успешно да го слетуваат авионот.

Тоа е дел од медицинската обука што специјалните сили на САД и НАТО ја вршат во балтичкиот регион, спроведувајќи практики што ги научија од конфликтот во Украина.

Главната лекција што ја научија е дека воздушната супериорност можеби е минато, а воздушната евакуација со помош на хеликоптери кои брзо се движат можеби не е возможна.

„Погледнете го бојното поле сега, погледнете ја Украина. Што лета? “, изјави член на специјалните сили на НАТО за Си-Ен-Ен, под услов да остане анонимен од безбедносни причини. „Претпоставката е, ако во воздухот е опасно, каде ќе оди тој пациент? Како ќе го пренесеме кај хирург?“

Тоа значи дека би можело да потрае подолго за да се пренесат ранетите војници во болници и можеби ќе треба да се извршат операции на или во близина на линијата на фронтот.

„Духот на она што го правиме се нарекува продолжена грижа за жртвите, продолжена грижа на терен“, објасни припадникот на специјалните сили. „И концептот е да се идентификуваат оние стратегии кои ќе ни помогнат да го продолжиме животот со цел да го премостиме тоа и да го одведеме тој пациент кај хирургот“.

Некои од лекциите од војната во Украина се научени и гледајќи како медицинските лица оперираат на бојното поле, понекогаш под силен оган.

„Украинците правеа феноменална работа за да го заземат бојното поле и да имплементираат некои од овие стратегии, да се грижат за своите пациенти на терен“, рече припадникот на службата за специјални сили. „Тие не го фрлаат лицето во задниот дел од комбето и го оставаат без надзор. Ставаат и некого со медицински способности со тој пациент додека се префрлаат - тоа е тој концепт на грижа по пат“.

Додека гледаат како се одвиваат настаните во близина, тие велат дека е точно време да се подготват за војна во иднина.

„Постои чувство на итност и мислам дека, гледајќи ја Украина во моментов, тоа е многу значајно“, рече припадникот на специјалните сили.

Британски новинар ќе објави книга за Меган Маркл: Дознав неверојатни работи

Меган Маркл и нејзините адвокати правеле се што можат за да го саботираат пишувањето на книгата.

Принцот Хари не е единствениот кој ќе објави книга со информации за членовите на британското кралско семејство. Британскиот истражувачки новинар, биограф и писател Том Бауер вели дека неговата книга за Меган Маркл содржи „извонредни информации“, пишува „Дејли меил“.

Бауер вели дека завршил со пишувањето на книгата и дека таа би можела да биде објавена оваа есен.

- Дознав работи за неа кои се навистина неверојатни. Мислам дека перцепцијата на јавноста за неа или ќе се потврди или ќе биде полоша, но во секој случај тоа ќе биде големо изненадување – вели Бауер.

Нему му било тешко да дојде до информации, вели тој, бидејќи луѓето најчесто не сакале да зборуваат, а Меган и нејзините адвокати направиле се за да го саботираат пишувањето на книгата.

Брнабиќ: Ни се закануваат со бомби бидејќи не воведовме санкции кон Русија

Српската премиерка Ана Брнабиќ во изјави дека честите дојави за бомби претставуваат притисок од странство врз Србија бидејќи таа не воведе санкции кон Русија по инвазијата на Украина, како што тоа го направија повеќето западни земји.

„Ние сме единствената земја во Европа која не воведе санкции кон Русија и притисоците се неверојатни од ден на ден. „Овие дојави за бомби се и притисок од странство поради невоведувањето санкции кон Русија“, изјави Брнабиќ за белградските медиуми, пренесе Н1.

Фото: Финска пивара направи НАТО пиво

Во екот на одлуката на Финска да стави крај на децениската неутралност и да бара членство во НАТО, една пивара одлучила да продава пиво со ознака на НАТО.

Сепак, дел од финската јавност не го поздрави потегот на пиварата и колку и да се за влез на нивната земја во Алијансата, сметаат дека во случајот со пивото се работи за промоција на алкохолизам, што не треба да биде случај.

Од друга страна, од пиварницата „Олаф Брувинг“ објаснуваат дека досега не се мешале во политиката, а сега повеќето Финци се за влез во НАТО, изјавил за медиумите извршниот директор на компанијата.

„Затоа се решивме на овој чекор, иако всушност не требаше толку многу „одлучување“, едноставно само го направивме“, рече тој.

Лименката „НАТО пиво“ е сина, а на неа има витез, кој на градите го има симболот на НАТО. Пивото се вика ОТАН, што е француски изговор на зборот НАТО

Од пиварата велат дека веќе добиле голем број нарачки за „НАТО пиво“.

притисни ентер