Русковска на писмено ја објаснила пораката до судијата Јани Нича

Согласно Законот за Совет на ЈО ние не можеме да преземеме оперативни активности за утврдување на одговорност. Official facebook: https://www.facebook.com/Kanal5Televizija/ Web: http://kanal5.mk/ Copyright: OnAir Media Group

Голема акција на Европол и ФБИ:Уапсени 179 лица,запленети 500 кг. дрога

Полициските сили ширум светот заплениле повеќе од 6,5 милиони долари во готовина и виртуелни валути, како и дрога и оружје, во заедничката акција на црните веб-пазари, пишува Би-Би-Си.

Уапсени се околу 179 лица низ цела Европа и САД, а запленети се 500 килограми дрога и 64 пиштоли.

„Златното време на овие нелегални пазари заврши“, се вели во соопштението на Европол.

„Скриениот интернет веќе не е скриен“, рече Едвардас Силерис, раководител на Центарот за криминал преку интернет во Европол.

Операцијата позната како DisrupTor е спроведена со заеднички напори на Европол и Министерството за правда на САД. Уапсените криминалци биле вклучени во десетици илјади продажби на нелегална стока и услуги во Европа и САД.

Меѓу запленетите дроги имало кокаин, метамфетамин, хероин, екстази и МДМА. Од уапсените, 119 лица се од САД, двајца од Канада, 42 од Германија, осум од Холандија, четири од Велика Британија, тројца од Австрија и еден од Шведска.

Според Би-Би-Си, полицијата е се поуспешна во откривањето на операциите извршени на дарк веб мрежата до која што може да се пристапи само со помош на специјални алатки.

„Силите на законот се најефикасни кога дејствуваат заедно. А денешните вести испраќаат силна порака до криминалците кои продаваат или купуваат нелегална стока на дарк веб. Скриениот интернет веќе не е скриен, а анонимните активности веќе не се анонимни “, рече Силерис.

Директорот на ФБИ, Кристофер Вреј изјави дека денешното соопштение дошло во вистинско време со оглед на порастот на смртни случаи од предозирање за време на пандемијата на коронавирус.

Тојота на патеката во Ле Ман го претстави новиот хиперспортски автомобил(ВИДЕО)

Хиперспортскиот GR Super Sport викендов го имаше своето прво јавно возење.

Автомобилот е прикажан за време на 88-та трка на 24 часа Ле Ман на патеката Ла Сарт, во која автомобилите на Тојота се истакнаа.

Како што доликува на возило засновано на трикратниот победник во Ле Ман, тркачкиот автомобил TS050 Hybrid, прилагодениот модел GS Super Sport, претворен во кабриолет и под маска, направи демонстрациски круг, пред да учествува на церемонијата на враќање на трофејот Ле Ман за годинашнава трка. Зад воланот беше Алекс Вурц, поранешен возач на Тојота Газу Рејсинг.

Алекс Вурц го возеше новиот автомобил за прв пат во Ле Ман: „Ми беше чест да ја возам оваа развојна верзија на GR Super Sport за прв пат во јавноста, особено на патека како Ле Ман. Веднаш почувствував дека GR Super Sport има потенцијал за неверојатни перформанси. Можев да ги почувствувам сличностите помеѓу GR Super Sport и TS050 Hybrid во однос на перформансите, особено погонот на четири тркала и хибридниот систем. Сепак, инженерите ми велат дека ова беше само мал показател за реалните перформанси на GR Super Sport, па затоа навистина чекам уште една можност да го возам “.

Автомобилот има хибриден погон, а со помош на 2.4 V6 твин-турбо бензински мотор дава околу 1000 КС. Не е познато дали Тојота ги претстави тркачките перформанси или патничката верзија што ќе се нуди на пазарот.

Кинескиот претседател во ООН:Нема да водиме ниту студена, ниту жешка војна со ниедна земја

Пекинг „нема намера да води ниту студена , ниту жешка војна со која било земја“, рече кинескиот претседател Си Џинпинг на Генералното собрание на ООН, во време на зголемени тензии меѓу Кина и САД.

"Ќе продолжиме да ги намалуваме разликите и ќе ги решаваме споровите со другите преку дијалог и преговори. Нема да работиме само за наша сопствена корист", рече Си во претходно снимениот говор на годишниот собир на светските лидери што се одржа виртуелно поради пандемијата.

Долгогодишните тензии меѓу САД и Кина избија во време на пандемијата, поради желбата на Пекинг да преземе поголема мултилатерална улога и со тоа да се спротивстави на традиционалната лидерска улога на Вашингтон.

Бидејќи коронавирусот првпат се појави во Кина, Вашингтон го обвинува Пекинг за влошување на ширењето на епидемијата поради недоволна транспарентност.

Кина ги негираше ваквите обвинувања.

Во својот говор, Си повика светот да одговори на вирусот на глобално ниво и да и ја даде главната улога на Светската здравствена организација.

Трамп најави дека Соединетите држави ќе се повлечат од СЗО и ја обвинува агенцијата дека е кинеска марионета, што СЗО го отфрла.

"Во справувањето со вирусот, треба да ја зајакнеме солидарноста и заедно да го поминеме. Ние треба да дозволиме науката да нè води и СЗО да игра водечка улога", рече Си.

„Секој обид да се политизира ова прашање или да се стигматизира мора да се отфрли“, рече тој.

Генералниот секретар на ООН, Антонио Гутереш претходно во обраќањето пред Генералното собрание пред 193 члена рече дека мора да се стори се за да се избегне нова Студена војна.

Светот оди во „многу опасна насока“, рече Гутереш, додавајќи: „Нашиот свет веќе не може да си дозволи иднина во која двете најголеми економии ја делат Земјата. Технолошките и економските поделби неизбежно се закануваат да прераснат во геостратешки и воени поделби“.

притисни ентер