Македонија

Русковска и Муареми ја продолжија вербалната пресметка, бараат да се вмешаат и САД и ЕУ

Шефицата на обвинителството за гонење на организиран криминал Русковска преку писмено обраќање доцна синоќа побара помош од сите надлежни државни институции и амбасадите.

Шефицата на обвинителството за гонење на организиран криминал Русковска преку писмено обраќање доцна синоќа побара помош од сите надлежни државни институции и амбасадите да реагираат, за како што вели „згрозувачкиот притисок“ врз обвинители од институцијата со која таа раководи и мешање во предмет од страна на директорот на Финасовата полиција Арафат Муареми.

Русковска порачува дека ако Владата сака вистинска правна држава, вистината мора да излезе на виделина и посочува и дека се напаѓаат обвинители кои ги воделе случаите против Катица Јанева, Фросина Ременски, Драги Рашковски и Мухамед Зеќири, а во исто време водат и повеќе предистраги за актуелни и поранешни високи владини функционери..

„ Токму поради овој атак и притисок врз обвинители треба и меѓународните институции како и амбасадите на САД на ЕУ сериозно да преземат мерки, затоа што ова најмалку доликува на земја-членка на НАТО и земја што почнала преговори за ЕУ каде владеењето на правото е императив! Македонија ниту е диктатура, ниту е монархија. Во Македонија не смее да владее волјата на некои сегашни или пак поранешни владини функционери за да обвинители замижуваат пред било кој криминал, па тој и да е и во највисоките ешалони на власта,-Вилма Русковска – Шефица на ОЈО-ГОКК.

Русковска ја замолува и Европската обвинителка Лаура Ковеши доколку е во можност да дојде и да ги провери сите предмети во обвинителството, со посебен осврт на тие за Рашковски, Зекири и најновиот за директорот на финансиската полиција. Таа најави дека во следниот период јавно ќе ги сподели информациите од предистрагата за Муареми за како што вели јавноста да суди кој е криминалец а кој се бори против криминалот.

На ова обраќање на Русковска возврати Муареми. Тој се придружи на нејзиниот повик до меѓународната заедница, меѓутоа, како што вели, за да го проверат нејзиното незаконско работење што го констатирал и државниот обвинител Јовески.

„ Ја повикувам Вилма Рускоска, доколку располага со сознанија и информации за сторен криминал од моја страна – истите да ги докаже и на јавноста да ѝ пласира обвинителен акт против мене, а не празни и неосновани сознанија и информации, дискредитирајќи ја во целост функцијата која ја извршува. Негонење на криминал поради притисоци, претставува кривично дело, обвинителке.“-Арафат Муареми – Директор на Управата за Финансиска полиција.

Повикот на Русковска доаѓа откако Муареми најави дека ќе поднесе кривични пријави против неа и обвинителките Ивана Трајчева и Елизабета Јосифовска за незаконски претрес во просториите на Управата за финансиска полиција. Но, на нејзиното писмо остро реагираа од Здружението на јавните обивнители кои велат дека со дописот Русковкса го нарушува угледот на јавнообвинителската функција. Нејзиниот повик го оценија како драматичен и велат дека во ниту еден момнет обвинителите не биле спречени самостојно да водат истраги.

Свет

Воз во Јапонија тргнал со доцнење од неверојатни 17 минути, патниците сепак не се налутиле

Не попусто велат „точен како јапонски воз“.

Во оваа земја времето се почитува до тој степен што ако (по некое чудо) воз доцни неколку минути, патниците добиваат формално извинување.

Следната приказна раскажува за возот Шинкансен (булет воз), чие поаѓање доцнело 17 минути!

Од Централната железничка компанија соопштуваат дека возот пристигнал во Токио од Нагоја, а тргнувањето за Осака било привремено прекинато. Причината е повеќе од бизарна.

Имено, персоналот забележал змија од 40 сантиметри како „се лизга“ на подот во еден од вагоните, пренесува UPI.com.

Повеќе од 600 патници морале да се префрлат во друг воз бидејќи Шинкансен бил исклучен од мрежата, а змијата подоцна била фатена.

Властите истражуваат како таа завршила во возот.

„Тешко е да се замисли дека змија сама ќе влезе во воз на една од станиците. Имаме правила кои забрануваат внесување на диви животни. И покрај ова, ние не го проверуваме багажот на патниците“, било соопштено.

Македонија

Мицкоски:Сакаат да заборавиме каков криминален Артаноиден режим станаа,што добро памтите од нив

Цел прв круг на претседателски избори слушаме се и сешто, повторно зборуваат за режим, сакаат да заборавиме дека се 6 и половина години на власт и видовме што направија.

Цел прв круг на претседателски избори слушаме се и сешто, повторно зборуваат за режим, сакаат да заборавиме дека се 6 и половина години на власт и видовме што направија, и каков криминален артаноиден режим тие станаа, изјави претседателот на ВМРО-ДПМНЕ, Христијан Мицкоски во неговиот говор на митингот во Охрид.

Мицкоски истакна дека ги гледаме како зборуваат за измислени теми на кои сами си поставуваат прашања и си одговараат, си креираат самите теми, затворени во меурот на сопствениот ментален склоп, отуѓени од народот мислат дека со истите трикови повторно народот ќе се излаже и ќе им поверува.

Шест и половина години се на власт, што добро паметите од нив, освен гафови, предавства и криминални афери? – прашува Мицкоски.

Мицкоски додаде дека ни кажуваа дека Македонија била на маса со најсилните и тие ќе не бранат, заборавајќи да споменат дека по стандардот и живот не донесоа меѓу најсиромашните и најкорумпираните земји во светот, и дека сме рекордери по иселени лица во последниве 6 и половина години, како никогаш во историјата.

Ако од некој треба да не бранат најсилните, тоа е од корумпирани политичари како нив, а во тоа и тие веќе се уверени, нагласи Мицкоски.

Мицкоски посочи дека Ковачевски не кажува ниту еден збор за тоа што направиле како влада, не кажува ниту еден проект, мерка, реформа не кажува за инвестиции кои ги донеле, дека нема отчет.

Ништо не направија затоа што се заглавени со други приоритети, со крадење и местење тендери, еве да ви кажам јавна тајна е дека од тендерите во РЕК ДУИ и СДСМ делат 20 проценти од тие што го добиваат тендерот. Затоа нема отчет, затоа што единствениот отчет што може да го кажат е колку украле. Но доаѓа крајот на тоа. И ако мислат ќе им се прогледа низ прсти се лажат. А, во тоа ќе се уверат набргу, изјави Мицкоски.

Претседателот на ВМРО-ДПМНЕ, Христијан Мицкоски од митингот во Охрид порача дека следува жесток одговор од народот на овие избори кон Артановци и Зечевиќи, им се ближи крајот.

„Ни говори Ковачевски дека имал успеси и дека се било добро и дека седеле една тивка ноќ со Стево сами и се договарале, па дури и Заев го видовме им дојде на помош со спотови. Но добро е што се заедно затоа што така со овие избори завршува една политичка етапа на корумпирани политичари кои ја злоупотребија довербата на граѓаните и дозволија ДУИ да ја киднапира и украде Македонија од рацете на народот. Ветуваа живот за сите, но за жал во Македонија паметите, добивме уживање за Артановци и Зечевиќи во Македонија, а живот за сите други на раб на егзистенција тука или надвор од земјава“, порача Мицкоски.

Мицкоски рече дека со овие избори завршува една политичка етапа на корумпирани политичари кои ја злоупотребија довербата на граѓаните и дозволија ДУИ да ја киднапира и украде Македонија од рацете на народот, се наведува во партиското соопштение.

Македонија

Ковачевски:Со Мицкоски и ДПМНЕ е можно само враќање назад во изолација и режим,далеку од Европа

Со Мицкоски и ДПМНЕ е можно само враќање назад во изолација и режим, далеку од Европа, рече претседателот на СДСМ, Димитар Ковачевски во обраќањето на вечерашниот митинг на СДСМ и Коалицијата за европска иднина во Гевгелија.

Ништо не е променето во ДПМНЕ, тоа е истата режимска партија, која сее раздор, навреди, омаловажувања и закани, која на граѓаните може да им понуди враќање во минатото и изолација, додаде тој.

ВМРО ДПМНЕ ќе го одолговлекуваат европскиот пат и за тоа ќе го обвинат Брисел, потенцирапе Ковачевски.

-ВМРО-ДПМНЕ не нуди никаков план за јасен напредок во евроинтеграциите. Напротив, се слушаат нивни изјави каде велат дека не треба да станеме членка сто години, а можеби и никогаш. Тоа е доказ дека ја продолжуваат политиката на Никола Груевски. Со нив, Македонија ќе се врати во чекалниците на ЕУ и во темното минато на недемократските процеси, рече претседателот на СДСМ, Димитар Ковачевски, се наведува во партиското соопштение.