Руски и кинески воени бродови пловеле во близина на Алјаска

Американската крајбрежна стража во близина на Алјаска забележа кинески и руски поморски конвој, вклучително и крстосувачки брод со наведувачки проектили и разорувач.

Два брода на кинеската морнарица и три бродови на руската морнарица се забележани во Берингово Море во формација на оддалеченост од 138 километри од островот Киска. Американскиот брод стациониран во ги следеше бродовите пред тие да ја пробијат формацијата и да се разделат. Американската крајбрежна стража имаше поддршка од воздух од авионот Ц-130.

Инцидентот се случи еден месец откако генералниот секретар на НАТО, Јенс Столтенберг, предупреди за интересот на Кина и за зголемено воено присуство на Русија за Арктикот.

Според Столтенберг, Русија формирала нова Арктичка команда и отворила стотици нови и поранешни воени локации на Арктикот од советската ера, вклучително и длабоки водни пристаништа и аеродроми.

Кина се прогласи за земја блиску до Арктикот и планира да го изгради најголемиот мразокршач во светот. Пекинг и Москва, исто така, ветија дека ќе ја интензивираат соработката на Арктикот. Ова е дел од продлабоченото стратешко партнерство што ги предизвикува нашите вредности и интереси, изјави Столтенберг за време на посетата на северна Канада.

Не е првпат бродови на кинеската морнарица да пловат во близина на водите на Алјаска. Во септември 2021 година, крајбрежната стража во Беринговото Море и во северниот дел на Тихи Океан наиде на кинески бродови на околу 80 километри од Алеутските Острови

Украина: Православен владика шири омраза и руска пропаганда

Украинската безбедносна служба (СБУ) објави дека висок свештеник на прорускиот огранок на Украинската православна црква шири руска пропаганда на социјалните мрежи и поттикнува омраза кон Украинците.

СБУ тврди дека владиката во западна Украина споделил објави на социјалните мрежи кои „ја понижуваат националната чест и достоинство на Украинците“ и „придонеле за поттикнување верско непријателство и омраза“. Владиката, кој не е именуван, е обвинет дека користел анонимен профил на Фејсбук за „ширење на наративот на руските пропагандисти“.

Соопштението на SBU уследи по серијата рации на имотите што ги користи Украинската православна црква, вклучувајќи го и манастирскиот комплекс во Киев стар 1.000 години. Тие наведуваат дека ова е дел од операции „со цел да се спречат субверзивните активности на руските специјални служби“.

Портпаролот на црквата минатата недела изјави дека црквата секогаш постапувала во согласност со украинските закони и државата нема правна основа да врши притисок врз нејзините членови.

Заврши претпоследниот ден од расправата по Предлог-буџетот, продолжението в понеделник

Собраниската комисија за финансирање и буџет вечерва ја прекина амадманската расправа по Предлог-буџетот за 2023 година и продолжението го закажа за понеделник.

Денешниот, шести ден од амандманската расправа, помина во разгледување на амандмани од кои повеќето се однесуваа на изградба на регионални и локални патишта и на водоснабдителни системи.

Министерството за финансии прифати неколку амандмани, но во видоизменета форма. Со еден се бараше пренамена на финансиски средства во Министерството за транспорт и врски кои ќе бидат наменети за изготвување на техничка документација за изградба на технички пат до депонијата во општина Новаци, а со друг да се одвојат средства за проширување на улицата од плоштадот во Штип до мостот кај хотелот Оаза со што ќе се олесни сообраќајот во ударните термини и ќе се зголеми безбедноста на пешаците. Беше прифатен и амандман од опозицијата со кој се бараше да се реализира проект за алтернативни извори за водоснабдување на Охрид.

Во текот на попладневниот дел од расправата беа повлечени неколку амандмани од страна на предлагачите.

Во понеделник е последниот ден од амандманската расправа по што Предлог-буџетот треба да оди на пленарна седница.

За Предлог-буџетот беа поднесени вкупно 263 амандмани од кои околу 200 од опозициската ВМРО-ДПМНЕ.

Во Предлог-буџетот за следната година растот е проектиран на 2,9 отсто, а инфлацијата на 7,1 отсто. Вкупните приходи се планирани на ниво од 282 милијарди денари и се повисоки за 14,8 проценти во однос на 2022 година, а расходите на ниво од 324,8 милијарди денари или се за 12,6 проценти повисоки во однос на 2022 година. Буџетскиот дефицит е на ниво од 4,6 проценти од планираниот БДП. За капитални расходи, пак, се планирани 48,9 милијарди денари или за околу 52,3 отсто повеќе во однос на планот за 2022 година.

Андоновски од Вашингтон: Социјалдемократските партии не се грижат за демократијата

Почитувани пријатели, на крајот сме на уште еден форум на Internacional Democrat Union, најголемата светска организација на десничарски партии, рече Стефан Андоновски,меѓународен секретар на ВМРО-ДПМНЕ.

Како ВМРО-ДПМНЕ имавме делегација и активно учествувавме на овој настан. Можам да истакнам дека ги споделивме најважните прашања кои се однесуваат на Македонија, на состојбата во Македонија и на борбата против корупцијата како најзначајното прашање кое ги засега десничарските партии од регионот но и десничарските партии во целиот свет.

Определбата на сите партии од регионот и светот е дека мора да постои правна држава, владеење на право во нашата држава и силна борба против корупцијата.

Режимите на Социјалдемократските партии во светот, но и во Македонија покажаа дека тие не знаат да се грижат ниту за демократијата, ниту за владеењето на правото, а најмалку за борбата против корупцијата. Затоа многу е важен овој состанок на кој ги споделивме искуствата од државите кои се соочеуваат со случни проблеми, кои се хибридни режими и кои се многу ниско на скалата на Транспаренси интернешенал, и заедничката борба од овде од Вашинготн, но и од сите главни градови во светот мора да биде против ваквиот систем и ваквите режими.

Како партија остануваме посветени на европската интеграција на Македонија, на атлантскиот пат на Македонија, на пат кој не смее да биде закочен со национални отстапувања, национални понижувања и газење на македонскиот национален идентитет.

Токму за овие прашања заборуваме на овој тридневен настан, продолжуваме активно да учествуваме во работата на IDU и на другите настани на нашите меѓународни партнери.

притисни ентер