Руската полиција во десетици градови бара докази дека опозоцијата пере пари

Руската полиција во 29 градови спроведува претреси во станови и канцеларии на соработниците на лидерот на опозицијата , Навални , поради истрага за перење пари.

Руската полиција денеска изверши десетици претреси низ земјата против опозиционерот Алексеј навални и неговите соработници.

„Во 29 градови и на повеќе од 80 адреси на списокот“, објавува на Твитер Леонид Волков, соработник на Навални.

„Во претресот беа вклучени не само становите и канцелариите на соработниците, туку и становите на волонтерите“, додаде тој, истакнувајќи дека полицијата интервенирала во Нижни Новгород, Владивосток, Казан, Екатеринбург, Новосибирск ,Санкт Петербург...

Според изворот, сите претреси се поврзани со истрагата против перење пари на невладината организација на Навални која се занимава со борба против корупцијата. Истрагата започна на почетокот на август кога во Москва се одржуваа протести против исклучувањето на кандидатите од опозицијата од локалната изборна кампања.

На изборите во неделата, кандидатите блиски до московската влада претрпеа сериозен пораз, губејќи скоро третина од местата во однос на минатите избори.

Мелбурн е град на духови , почна четвртиот степен на карантин (ВИДЕО)

Вториот по големина град во Австралија, Мелбурн влезе во првиот ден од шестнеделниот карантин и повеќето продавници и канцеларии се затворени, додека властите се борат против вториот бран на пандемијата.

Продавниците се затворени, а улиците се напуштени во овој град со пет милиони жители, главниот град на австралиската држава Викторија, каде што во последните 24 часа се евидентирани 471 случаи на инфекција со коронавирус и осум смртни случаи поврзани со инфекцијата.

Австралија сега бележи вкупно околу 20,000 заболени и 255 смртни случаи, што е сè уште многу помалку отколку во многу други развиени земји.

Но, порастот на инфекцијата во државата Викторија се заканува дека ќе се прелее во остатокот од земјата. Нов Јужен Велс вчера забележа 12 нови случаи на ковид-19, односно вкупно 483.

„Веќе еднаш ја исправивме таа крива, повторно ќе ја исправиме“, изјави министерот за здравство Грег Хант пред новинарите.

Премиерот на Викторија, Даниел Ендрјус, ги повика жителите на Мелбурн, кои со недели живеат со поблаги карантински мерки, да останат мирни и покрај зголемената побарувачка за продукти во супермаркетите.

„Нема потреба луѓето да прават резерви со храна за повеќе месеци“, им рече Ендрус на новинарите во Мелбурн.

Кланиците се меѓу ретките компании на кои што им е дозволено да останат отворени во Мелбурн, иако има намален број работна сила.

„Се обидовме да постигнеме рамнотежа помеѓу намалувањето на движењето, со што ќе се намали бројот на случаи, но без да се загрозат потребите на граѓани во супермаркетите“, додаде Ендрјус.

Националната стапка на невработеност ќе се искачи на околу 10 проценти благодарение на обновените рестриктивни мерки во државата Викторија, рече австралискиот премиер Скот Морисон.

„Овие мерки ќе имаат многу значајно негативно влијание врз нашиот пат кон закрепнување“, рече премиерот.

Авион на ООН со 20 тони медицински материјал, пристигна во Бејрут

Авион со 20 тони медицинска помош на ООН пристигна во Бејрут.

Светската здравствена организација (СЗО) вели дека медицинската нега ќе биде дистрибуирана и во други болници во Либан кои добиле пациенти од Бејрут, бидејќи три болници во градот веќе не се функционални, а две се делумно оштетени од експлозијата.

„Легендарната отпорност на либанскиот народ ретко била на толку сериозен тест“, се вели во соопштението на Светската здравствена организација, истакнувајќи дека катастрофалната несреќа во вторникот се надоврза на немирите во земјата, економската криза, пандемијата на коронавирус и приемот на скоро 900.000 сириски бегалци.

Поради корона кризата , Тојота забележа рекорден пад на продажбата

Јапонскиот производител на автомобили Тојота објави дека продал за половина помалку возила во првиот фискален квартал поради пандемијата на коронавирус, предвидувајќи враќање на пазарот на автомобили на ниво пред пандемија до средината на 2021.

Во периодот од април до јуни, нето добивката на Тојота била 158,8 милијарди јени (1,27 милијарди евра), за три четвртини пониска од истиот период лани.

Оперативната добивка била само 13,9 милијарди јени, што претставува намалување од 740,6 милијарди јени забележано во истиот период минатата година.

Приходите потонале за 40,4 проценти на 4600 милијарди јени.

Компанијата продала за половина помалку возила во првиот фискален квартал како во истиот период лани, вкупно 1,15 милиони.

Глобалниот пазар на автомобили треба постепено да се опоравува и да се врати на нивото пред пандемија до крајот на оваа година и во првата половина на 2021 година, предвидува Тојота.

Сепак, тие потенцираат дека „последиците од ковид-19 се обемни, значајни и сериозни“, додавајќи дека периодот на слабост сè уште не е завршен.

Во фискалната година што завршува во март следната година, Тојота очекува 64,1% помала нето добивка од 730 милијарди јени.

притисни ентер