Свет

Русите трагаат по „дезертер со митралез“ кој пукал на полицијата

Руските власти трагаат по напаѓачот кој пукал во полицијата, јави руската новинска агенција ТАСС.

Човекот бил опишан како „дезертер со автомат“, пренесува рускиот медиум „Маш“.

Тој наводно ја нападнал полицијата во близина на царинската испостава на периферијата на градот Новошахтинск, во близина на украинската граница.

На Телеграм каналот на руската служба 112, било објавено дека полицајците барале исчезната жена во областа кога маж во камуфлажна облека излегол од шумата и почнал да пука во полициското возило.

Маш информира дека во престрелката се повредени двајца полицајци и дека се претпоставува дека мажот дошол од украинската страна на границата. Наводно, патиштата во Новосахтинск се блокирани додека потрагата е во тек, а училиштата и градинките се затворени.

Властите, исто така, побарале од жителите да останат внатре и ги предупредија да не се обидуваат да го приведат напаѓачот.

„Во градот се преземаат мерки за пронаоѓање и апсење на напаѓачот кој ги нападна службениците на редот и законот .Затоа неопходно е во овој момент да се напуштат улиците, да се засолнат во затворени простори и да не се обидуваат да учествуваат во приведувањето на осомничениот“, соопштуваат властите.

Македонија

Магла со видливост до 50 метри на патниот правец Тетово – Попова Шапка

Магла со видливост од 40 до 50 метри има на патниот правец Тетово – Попова Шапка, соопштија вечерва од Авто-мото сојузот на Македонија.

Сообраќајот на останатите државни патишта се одвива непречено, по наместа влажни коловози.

– Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, се наведува во соопштението.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата.

– Особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, се нагласува во соопштението.

Македонија

За брзо возење на територија на СВР Битола санкционирани 87 возачи

Вкупно 87 возачи се казнети при засилената акциска контрола за санкционирање на лица кои управуваaт возило со брзина поголема од пропишаната што денеска во периодот од 10.00 до 15.00 часот беше спреведена на територијата на СВР Битола. 

Од нив, како што информира МВР, 59 ја пречекориле брзината во населено место, а 28 надвор од населено место.

На сите прекршители изготвени им се соодветни поднесоци.

Од МВР најавуваат дека и во наредните денови же продолжат засилените акциски сообраќајни контроли и апелираат граѓаните да ги почитуваат сообраќајните правила и прописи за, како што велат, да ја зголемиме безбедноста во сообраќајот и заедно да придонесеме за посигурни патишта.

Македонија

Со закани одземени пари од вработени во бензинска и обложувалница во Скопје

Со закани биле одземени пари од вработени во бензинска пумпа и обложувалница во Скопје, информираат попладнево од Министерството за внатрешни работи.

– Во 03.10 часот утрово во Полициска станица Кисела Вода е пријавено дека на бензинска пумпа на подрачјето на оваа општина, едно лице со закана од вработениот одзело пари. Во СВР Скопје вчера во 09.25 часот е пријавено дека околу 09.20 во обложувалница на подрачјето на општина Аеродром, едно лице со закана од вработената одзело пари, се наведува во денешното соопштение.

Се преземаат мерки за расчистување на случаите.

притисни ентер