Новата железничка пруга на 19-километарскиот Кримски мост се очекува да ги намали трошоците за превоз на стока од копнена Русија за до 50 проценти, смета рускиот министер за транспорт, Евгениј Дитрих.
Економијата на Крим, која многу се потпира на туризмот, ги трпи последиците од контроверзната анексија, при што Украина и нејзиниот сојузник , ЕУ воведуваат остри санкции.
Дитрих ја пофали новата рута како „уште еден чекор кон економскиот развој на Крим“, објави руската новинска агенција Интерфакс.
Кримскиот мост над Керченскиот теснец, кој ги поврзува Црното и Азовското Море, води од рускиот град Таман до полуостровот Крим, кој е поврзан со Украина.
Русија планира да транспортира околу 13 милиони тони товар годишно преку Кримскиот мост, кој е составен од паралелни мостови за патен и железнички сообраќај.
Делот за автомобили беше отворен пред две години. Патничкиот железнички превоз почна минатата година, додека делот на товарната железница сè уште беше во изградба.
Русија го анектираше Крим во 2014 година во знак на одмазда на Киев, кој го собори прорускиот претседател и направи политички пресврт кон Европската унија.
Наскоро избувнаа судири меѓу проруските бунтовници и украинската армија во источните украински региони Доњецк и Луганск.Во судирите загинаа околу 13.000 луѓе, проценува ООН.