Русија на Иран ќе му испорача софистициран сателит, експертите загрижени

Русија ќе му достави софистициран сателит на Иран, што значително ќе ги подобри неговите шпионски можности, објави вчера  „Вашингтон пост“.

Сателитот Canopus-V, опремен со камера со висока резолуција, ќе му овозможи на Иран да ги следи локациите на своите противници на Блискиот исток, наведува весникот, повикувајќи се на сегашни и поранешни претставници на САД и од Блискиот исток.

Информацијата е објавена неколку дена пред самитот на 16 јуни во Женева меѓу рускиот претседател Владимир Путин и американскиот претседател Џо Бајден, кој е на својата прва турнеја во странство откако ја презеде функцијата во јануари.

Сателитот може да биде лансиран наредните месеци. Ќе биде лансиран од Русија.

Бидејќи нема капацитет на американските сателити, Иран ќе може да го користи за шпионирање.

Експертите се загрижени затоа што ќе можат да споделуваат информации со Јемен, Ирак и Либан.

Информацијата е објавена во време кога се водат деликатни преговори меѓу големите сили за спас на иранскиот нуклеарен договор од 2015 година, од кој САД, под претседател Доналд Трамп, еднострано се повлекоа во 2018 година и повторно воведоа санкции за Техеран.

Како резултат, од мај 2019 година, Техеран ги надмина повеќето ограничувања за кои се согласиле според договорот.

Џафери во Анталија се сретна со црногорскиот колега, Бечиќ

Претседателот на Собранието Талат Џафери, на маргините на Осмата пленарна сесија на ПС на ПСЈИЕ што се одржува од 21 до 23 јуни 2021 година во Анталија, оствари билатерална средба со  Алекса Бечиќ, претседател на Собранието на Црна Гора.

На средбата Џафери истакна дека земјите во регионот делат заеднички погледи во однос на потребата од зачувување на мирот и стабилноста во регионот, преку градење на добрососедски односи и унапредување на регионалната соработка. Македонија и Црна Гора ги врзува традиционално пријателство како и добри политички, културни и економски врски. Членството во НАТО и заедничката европска иднина на двете држави, дополнително ги зајакнуваат меѓусебните односи. Тој го поздрави напредокот на Црна Гора во процесот на интеграција во Европската Унија и ангажираноста на Владата на Црна Гора посветено да работи на ЕУ агендата. Во однос на интеграцијата на Македонија во ЕУ, тој укажа дека очекуваме отпочнување на пристапни преговори со Унијата. Подвлече дека остануваме посветени на Договорот за пријателство, добрососедство и соработка со Бугарија од 2017 година како добра основа за надминување на разликите. Претседателот Џафери изрази надеж дека во наредниот период ќе се интензивираат контактите и заеднички со рационален пристап ќе се успее да се врати довербата со што ќе се отворат вратите за почеток на пристапниот процес.

Претседателот на Собранието на Црна Гора, Алекса Бечиќ истакна дека односите меѓу двете држави се на високо ниво, со одржување на редовни политички консултации. Во однос на економската соработка изрази надеж дека ќе продолжат да се продлабочуваат регионалните односи како основа за поинтензивна економска соработка и пред се подобро инфраструктурно поврзување меѓу Македонија и Црна Гора.

Соговорниците разменија информации и искуства за процесот на унапредување на парламентарното работење како и подобрување на транспарентноста и одговорноста во двата парламенти со цел подобро спроведување на нивната надзорна и контролна улогата над владите, се наведува во соопштението од Собранието..

УХМР: Попладне нестабилно со пороен дожд и грмежи

Летото на северната хемисфера официјално започна утрово во 5 часот и 32 минути, додека на јужната хемисфера во исто време започна зимата.

Првата недела од летото е со најава за високи температури и до 40 степен.

Изгоре камион кај Струмица, нема повредени

Во близина на селото Добрашинци, кај Струмица денеска околу 13:30 часот изгоре камион. Предизвикана е материјална штета, повредени нема.

Според информацијата од Територијалната противпожарна единица на Струмица, во гаснењето на запалениот камион марка „Застава" учествувале тројца пожарникари и едно против пожарно возило, а пожарот бил локализиран и целосно изгаснат за кусо време.

Според пожарникарите причина за пожарот најверојатно е самозапалување на товорното возило од електричната инсталација.

притисни ентер