Канал 5

Шампионот на Премиер лигата најде замена за Салах

Monday, April 20, 2026 11:32 PM

Играчот на бундеслигашот има одлична сезона и на тој начин ги оправда 20-те милиони евра, кои неговиот клуб ги плати последниот летен преоден рок на шпанската екипа Леганес од Шпанија.

Репрезентативецот на Брегот на Слоновата коска сега има многу поголема вредност и Лајпциг би можел да заработи и до 80 милиони евра. Диоманде е прва мета на екипата од Ливерпул изјави германскиот новинар Флориан Плетенберг.

„Конкретни разговори има, но сè уште не е постигнат официјален договор, ниту пак клубовите се во преговори. Од Лајпциг сакаат да му ја зголемат платата, а интерес за играчот имало и од европскиот првак ПСЖ“.

Диоманде сезонава на 32 натпревара има постигнато 13 голови и осум асистенции.

Салах за Ливерпул досега одигра 439 натпревари со 257 голови и 122 асистенции и има освоени две титули шампион на Англија, како и неколку индивидуални награди во Премиер лигата.

Нови стандарди за странските работници во Хрватска: Најмалку 14 квадрати по лице и ограничување на наемнината

Monday, April 20, 2026 11:23 PM

Овој документ воведува строги стандарди за „хумано сместување“, задолжителни здравствени прегледи и заштита на платите од превисоки наемнини.

Според државната секретарка во хрватското МВР, Ирена Петријевчанин, во текот на 2026 година најмногу работни дозволи добиле државјаните на Босна и Херцеговина, а веднаш по нив следуваат работниците од Филипините, Непал, Србија и Македонија. Новите правила, кои стапуваат во сила осум дена по објавувањето во Службен весник (Народни новини), имаат цел да го спречат искористувањето на работната сила и да обезбедат соодветни услови за живот на над 105.000 странци со важечки дозволи во земјата.

Строги стандарди за сместување и квадратура

Правилникот детално ги пропишува минималните услови за престој. Работодавачите отсега се обврзани да обезбедат најмалку 14 квадратни метри простор за еден работник, додека за секое следно лице површината мора да се зголеми за дополнителни шест квадрати. Во куќите е поставен лимит од најмногу десет работници на секои 150 квадрати, додека во становите од 56 квадратни метри можат да престојуваат најмногу осум лица. Работодавачите мора да гарантираат дека просторот има функционални електрични и водоводни инсталации, соодветен санитарен јазол, како и целосно одвоени простории за спиење и за подготовка на храна.

Финансиска заштита и ограничување на наемнината

За да се спречи неоснованото одземање на заработката, доколку работодавачот го обезбедува сместувањето, износот за закупнина не смее да надминува 30 отсто од нето-платата на работникот. Овој износ не смее автоматски да се запира од платата без јасна документација и оверен договор за закуп или изјава од сопственикот на недвижноста. Со новиот образец „17а“, работодавачите под кривична и материјална одговорност ја потврдуваат точноста на податоците за условите во кои престојува работникот.

Задолжителни здравствени контроли

Важен дел од новите прописи се однесува на јавното здравје. Странските работници уште при првото поднесување барање за дозвола за престој и работа мора да приложат доказ за извршен здравствен преглед, статус на вакцинација и општа здравствена состојба. Овие прегледи се спроведуваат во жупаниските заводи за јавно здравство или во Хрватскиот завод за јавно здравство (ХЗЈЗ), а потврдата се издава на новиот образец „18а“. Целта на овие мерки е да се спречат епидемиолошките ризици, дури и за оние кои планираат престој пократок од три години.

Контекст и претходни неправилности

Одлуката за носење на овој правилник следува по засилените инспекциски надзори со кои беа откриени повеќе од десет илјади неправилности. Најголем дел од прекршоците се регистрирани во секторите угостителство и градежништво, каде што се наплатени милионски казни за непријавена работа и за непочитување на заштитата при работа.

Во Хрватска во моментов најголем број дозволи се издадени токму за секторите туризам и градежништво, а законските измени овозможуваат овие дозволи да важат три години, со право на работа од девет месеци во континуитет во рамките на тој период.

Голманот на Ливерпул најави брзо враќање на теренот

Monday, April 20, 2026 11:09 PM

Менаџерот на Ливерпул, Арне Слот по дуелот изјави дека Мамардашвили имал голема рана (расекотина). Од таа причина тој беше заменет со третиот голман на „црвените“ Фреди Вудман.

Во текот на денешниот ден Грузиецот на голот на Ливерпул сподели порака на социјалните мрежи и напиша:

„Ви благодарам на сите за вашата поддршка и што сте покрај мене. Ќе се вратам наскоро. Голема победа во дербито и три бода.“

Ливерпул го доби градското дерби со Евертон со 2:1 со гол на капитенот Вирџил Ван Дајк во последната минута. Актуелниот англиски шампион оваа сезона има големи проблеми со голманите откако првиот избор на Слот, Алисон во моментов е повреден, а отсуствуваше и претходно во еден дел од сезоната. Мамардашвили се очекува да паузира околу еден месец.

До крајот на сезоната Ливерпул има тежок распоред: Кристал Палас (дома); Манчестер Јунајтед (гости); Челзи (дома); Астон Вила (гости) и Брентфорд (дома).

Маск не се појави на сослушување во Париз, истрагата продолжува

Monday, April 20, 2026 11:00 PM

„Обвинителството ја констатира отсутноста на првите повикани лица“, се наведува во изјавата, без директно да се спомене името на Маск. Оттаму додаваат дека неговото присуство или отсуство не го попречува натамошниот тек на истрагата. Датумот за сослушувањето бил утврден во февруари, откако одделот за кибер-криминал при париското Обвинителство извршил претрес во француската канцеларија на платформата „Икс“, која е во сопственост на Маск.

Истрагата, која дополнително ги заостри односите меѓу САД и ЕУ околу големите технолошки компании и слободата на говорот, подоцна беше проширена со сомнежи за соучесништво во дистрибуција на детска порнографија и генерирање сексуални „дипфејк“ содржини преку системот „Грок“.

Иако присуството на денешното сослушување било задолжително, властите во оваа фаза не можат да го принудат Маск да се појави.

Маск во јули ги отфрли првичните обвинувања, оценувајќи дека станува збор за „политички мотивирана кривична истрага“. Париското Обвинителство тогаш одби да го коментира случајот.

Социјалната мрежа „Икс“ е под зголемен надзор на регулаторите и на владите во повеќе земји откако Маск ја презеде платформата, при што се анализираат политиките за модерирање содржини, обработката на податоци и усогласеноста со локалните закони.

„Волстрит џурнал“ во саботата објави дека американското Министерство за правда испратило писмо до парискиот обвинител, во кое наведува дека нема да соработува во истрагата бидејќи ја смета за политички мотивирана. Парискиот обвинител изјави дека нема сознанија за такво писмо и додаде дека „францускиот Устав гарантира поделба на власта и независност на судството“.

Маск бил повикан на „доброволен разговор“, што значи дека властите сакаат да го сослушаат без апсење. Доколку не се јави, обвинителите можат да донесат одлука за притвор.

Беџети: Албанците имаат легитимно право да бараат ново државно уредување

Monday, April 20, 2026 10:56 PM

Пратеникот од редовите на опозициската ДУИ, Блерим Беџети, изјави дека Албанците имаат легитимно право да отворат широка внатрешна дебата за ново државно уредување и самите да одлучат како и каде сакаат да живеат, обвинувајќи ја владата за непочитување на Охридскиот рамковен договор и за блокирање на евроинтегративниот процес.

На денешната прес-конференција, Беџети рече дека во државата постои сериозен проблем и повика и Македонци и Албанци да разговараат за тоа како се толкува и разбира Охридскиот договор.

„Ќе бидете сведоци дека целта на сите овие дејствија и политички притисоци се прави токму поради ова и поради интегративниот процес“, рече Беџети.

Додаде дека, доколку не се постигне согласност, „Албанците имаат легитимно право да бараат ново државно уредување и самите да одредат како и каде сакаат да живеат“.

Тој не прецизираше каков конкретен модел на државно уредување предлага, но неговата изјава доаѓа во услови на зголемени политички тензии околу спроведувањето на Охридскиот рамковен договор и дебатата за европската перспектива на земјата.

Милеј одликуван во Израел, најавена директна авиолинија Тел Авив – Буенос Аирес

Monday, April 20, 2026 10:50 PM

Херцог го нарече десничарскиот либертаријански лидер „близок пријател на Израел“.

Милеј, исто така, запали свечен факел во рамките на одбележувањето на 78-годишнината од основањето на Државата Израел на 14 мај 1948 година. Прославите започнуваат во вторник навечер, согласно еврејскиот календар.

На синоќешната средба, Милеј и израелскиот премиер Бенјамин Нетанјаху потпишаа неколку стратешки договори и најавија воспоставување директна авионска линија меѓу Тел Авив и Буенос Аирес.

Милеј, кој по третпат во две години престојува во Израел, изјави дека е посветен на продлабочување на односите на Израел со другите држави од Латинска Америка. Тој повторно ја потврди намерата во иднина да ја премести аргентинската амбасада во Ерусалим. Преместувањето на амбасадите во Ерусалим е меѓународно контроверзно прашање бидејќи може да се толкува како признавање на анексијата на Источен Ерусалим од страна на Израел, кој Палестинците го сметаат за главен град на својата идна независна држава.

Израел го зазеде источниот дел од градот во Шестдневната војна во 1967 година и го смета целиот Ерусалим за своја престолнина. САД ја преместија својата амбасада во Ерусалим во 2018 година, за време на првиот мандат на претседателот Доналд Трамп, а потоа тој пример го следеа уште неколку други држави. Аргентинскиот претседател јасно застана на страната на Израел и на САД во конфликтот со Иран, велејќи дека станува збор за „браќа во болка“ поради заедничките искуства со терористички напади.

Хаџи нов селектор на Романија

Monday, April 20, 2026 10:38 PM

Ова претставува враќање на Хаџи на оваа позиција откако во 2001 година на четири натпревари беше селектор на Романија. Големото име на романскиот фудбал потпиша договор за следните два квалификациски циклуса, а на клупата ќе го наследи Мирчеа Луческу.

- Чест и голема одговорност е уште еднаш да ја претставувам Романија. Се надевам дека ќе бидам успешен како што бев кога настапував како фудбалер. Убеден сум дека може да постигнеме повеќе и да бидеме подобри, затоа и доаѓам во репрезентацијата, изјави Хаџи.

Хаџи одигра 125 натпревари во дресот на романската репрезентација и постигна 35 голови и притоа беше член на репрезентациите кои играа во четвртфиналето на Светското првенство во 1994 година и на Европското првенство во 2000 година.

Романија не успеа да се квалификува на Светското првенство годинава.

Мицкоски - Витакер: Заедничко дејствување како одговор на современите безбедносни закани

Monday, April 20, 2026 10:22 PM

Премиерот Христијан Мицкоски денеска оствари средба со Метју Г. Витакер, постојан претставник на Соединетите Американски Држави (САД) при НАТО, на која се разговарало за зајакнување на соработката во рамки на Алијансата, како и за актуелните безбедносни предизвици и заедничките приоритети во насока на унапредување на регионалната и глобалната стабилност.

-На средбата ја истакнавме важноста од континуирана координација, партнерство и заедничко дејствување во одговор на современите безбедносни закани - напиша Мицкоски на неговиот Фејсбук-профил.

Средбата, како што нагласува е дел од напорите за продлабочување на сојузништвото и унапредување на соработката меѓу Северна Македонија и САД во областа на безбедноста и одбраната.

Манчестер Сити го доби дербито со Арсенал, но го загуби Родри

Monday, April 20, 2026 10:20 PM

Но, менаџерот Пеп Гвардиола се соочува со проблем во пресрет на последните шест натпревари од Премиер лигата.

Играчот од средината на теренот Родри поради повреда на препоните во 88.минута го напушти теренот. Инаку, фудбалерот изминатиов период имаше и повреда на лигаментите на коленото.

- Не знам колку долго Родри ќе отсуствува. Докторот изјави дека во прашање е повреда на препоните, а ќе биде познато по направените тестови, изјави Гвардиола.

За тежината на повредата ќе се знае по деталните лекарски прегледи.

Родри сезонава пропушти 11 првенствени натпревари.

Манчестер Сити во среда игра првенствен натпревар на гости против Барнли.

Полска и Франција ќе изградат сателит за полската армија

Monday, April 20, 2026 10:02 PM

Француските компании „Талес Алениа Спејс“, „Ербас Дифенс енд Спејс“ и полската фирма „РАДМОР“ заеднички ќе развијат сателит, што ќе биде поставен во геостационарна орбита и ќе поддржува воени комуникации за полските вооружени сили.

Туск и Макрон не наведоа колку ќе чини проектот.

Во соопштението од компаниите се наведува дека сателитот е дел од Планот за подготвеност на Европската комисија, кој има за цел да го подготви континентот да преземе целосна одговорност за сопствената одбрана до 2030 година.

За разлика од сателитите Старлинк, кои се во ниска Земјина орбита, сателит во геостационарна орбита може да покрие огромни области од фиксна позиција повеќе од 30.000 километри над Земјата, иако со помали брзини на пренос.

Шпанија наложи отстранување на усташките симболи од гробот на Макс Лубуриќ

Monday, April 20, 2026 9:50 PM

Според одлуката на шпанската влада, гробницата на Лубуриќ е вклучена во „Каталогот на симболи и елементи спротивни на демократското сеќавање“, што подразбира задолжително отстранување на сите профашистички обележја, пренесува Хина.

Вјекослав Макс Лубуриќ беше висок усташки офицер и командант на концентрациониот логор Јасеновац, каде што, според официјалните податоци на Јавната установа „Јасеновац“, биле убиени повеќе од 83.000 Срби, Евреи, Роми и хрватски политички противници на усташкиот режим.

По Втората светска војна, Лубуриќ се населил во Шпанија под заштита на диктатурата на Франко, каде што живеел вообичаен живот под лажно име, соопшти неодамна надлежното шпанско Министерство за демократско сеќавање. Тој бил убиен во 1969 година во својата куќа во Шпанија, веројатно во организација на тогашната УДБА.

Извештајот на Техничката комисија на шпанската влада укажува дека споменикот на неговиот гроб претставува величење на фашизмот и неговите протагонисти, што е неспоиво со демократските вредности и со сеќавањето на жртвите.

Надгробниот споменик, подигнат во 1976 година на истакнато место на гробиштата, содржи симболика со која се слави ликот на функционерот одговорен за системот концентрациони логори на т.н. Независна Држава Хрватска (НДХ), како и самиот усташки режим. Поради тоа, испратени се упатства до регионалните и до локалните власти за итно отстранување на симболите од јавниот простор.

Дополнително, се налага поставување натписи кои ќе овозможат објективен историски контекст, со јасни референци за улогата на Лубуриќ во злосторствата и во геноцидот во Јасеновац.

Новеска Вељаноска го објави списокот ракометарки за Светското училишно првенство

Monday, April 20, 2026 9:30 PM

За престојниот настап повикани се следниве ракометарки: Марија Дуноска, Сара Илиоска, Ања Лашкоска, Тара Аврамовска, Рона Мифтари, Ивана Трифуноска, Мила Ристовска, Анастасија Тодоровска, Марија Димоска, Елена Балоска, Антонела Ѓероска, Бојана Георгиевска и Неда Јанева.

Младите македонски ракометарки се наоѓаат во групата Ц (извлекувањето на групите беше извршено попладнево), а ривали им се селекциите на: Словачка, Грузија и Белгија.

Свеченото отворање на првенството ќе се одржи утревечер во 19:30 часот.

Мишел ја обвини Фон дер Лајен за приграбување на моќ

Monday, April 20, 2026 9:20 PM

Според него ЕК ги пречекорува своите овластувања и се обидува да ги преземе ингеренциите на Европскиот совет во одбраната, надворешното претставување и Службата за надворешни работи (ЕЕАС).

- ЕК денес се обидува да ја преземе контролата. Тоа не е во согласност со Договорот (на ЕУ) - истакна Мишел.

Тој додаде дека Фон дер Лајен „авторитарно управува“, додека комесарите повеќе немаат никаква улога.

Мишел оцени и дека ЕУ погрешно и слабо одговорила на непријателството со САД, посочувајќи оти не постоел заеднички одговор на американските санкции за поранешниот еврокомесар Тиери Бретон.

Средба на Сиљановска-Давкова со казахстанскиот министер за трговија и интеграции, Арман Шакалиев

Monday, April 20, 2026 9:07 PM

На средбата беа потврдени пријателските односи меѓу двете земји, при што, претседателката нагласи дека средбите на највисоко ниво во изминатиот период, вклучително и разговорите со претседателот Касим-Жомарт Токаев на Астана форумот и на Самитот КОП 29 во Баку, како и неодамнешното заедничко учество на Дипломатскиот форум во Анталија, значајно придонеле за зајакнување на меѓусебната доверба и политичкиот дијалог.

Во разговорот беше истакната заедничката заложба за унапредување на економската соработка, особено во областа на енергетиката и обновливите извори на енергија, трговската размена, како и во културата и туризмот.

Претседателката го поздрави одржувањето на Вториот македонско-казахстански бизнис-форум во Скопје, како и потпишувањето на двата важни документи: Договорот за македонско-казахстански бизнис совет и Меморандумот за промоција на трговијата и економската соработка.

Казахстанските претставници особено се заинтересирани за инвестиции во слободната економската зона Бунарџик, заради можноста за полесен пристап до европскиот пазар.

Претседателката и министерот ја реафирмираа заложбата на малите и средни држави за мултилатерализам и потребата од зајакнување на улогата на ОН во меѓународниот поредок.

Маѓар: Унгарија ќе ги почитува налозите на МКС, вклучително и за Нетанјаху

Monday, April 20, 2026 9:06 PM

Победникот на парламентарните избори и следен премиер на Унгарија Петер Маѓар изјави дека неговата земја повторно ќе се приклучи кон Меѓународниот кривичен суд (МКС) и ќе биде подготвена да ги спроведува налозите за апсење, вклучително и оној што се однесува на израелскиот премиер Бенјамин Нетанјаху.

Досегашниот премиер Виктор Орбан, кој беше на власт 16 години, минатата година најави повлекување на Унгарија од МКС, откако го прими Нетанјаху во Будимпешта. Повлекувањето требаше да стапи во сила на 2 јуни годинава.

Веднаш по победата на парламентарните избори на 12 април, Маѓар најави дека има намера повторно да ја врати Унгарија во МКС. Истовремено, израелските медиуми објавија дека тој имал телефонски разговор со Нетанјаху, при што го поканил во Будимпешта на 23 октомври, по повод 70-годишнината од востанието против Советскиот Сојуз во 1956 година.

На прашање од новинар дали гледа противречност во овие потези, Маѓар појасни дека поканата ја упатил до сите лидери со кои разговарал телефонски.

- Ако некоја земја е членка на Меѓународниот кривичен суд и лице за кое има потерница влезе на нејзина територија, тогаш тоа лице треба да биде уапсено - изјави Маѓар на прес-конференција по првата средба на неговата пратеничка група во парламентот.

- Не морам сè да кажам по телефон. Претпоставувам дека секој шеф на држава и влада ги познава тие закони - додаде тој.

Меѓународниот кривичен суд со седиште во Хаг во 2024 година издаде налог за апсење на Бенјамин Нетанјаху поради наводни воени злосторства и злосторства против човештвото во Појасот Газа.

Маѓар посочи дека неговиот тим ја разгледува процедурата за запирање на процесот на повлекување на Унгарија од МКС пред 2 јуни.

Тој најави и дека конститутивната седница на Националното собрание ќе се одржи за време на викендот на 9 и 10 мај, кога пратениците ќе положат заклетва.

Маѓар, исто така, повторно ги повика претседателот Тамаш Шуљок и највисоките судии во земјата да поднесат оставки до 31 мај, предупредувајќи дека во спротивно ќе бидат разрешени.

- Очекуваме оставка од марионетите на Орбан - изјави Маѓар на прес-конференција. Тој нагласи дека 31 мај е краен рок за нивно повлекување, по што новата власт ќе ги искористи мандатот и законските можности за нивно разрешување.

Маѓар ги претстави и предлозите за нови министри. За министер за финансии го предложи Андраш Карман, за министерка за надворешни работи Анита Орбан, а за министер за економија и енергетика Иштван Капитани. Сите номинации се во согласност со претходните очекувања. Тој додаде дека новата влада би можела да ја преземе должноста по 11 мај, откако ќе положи заклетва на конститутивната седница на Парламентот, закажана за 9 или за 10 мај.

Партијата од десниот центар „Тиса“ на Петер Маѓар оствари убедлива победа на изборите на 12 април, со што му стави крај на 16-годишното владеење на десничарскиот премиер Виктор Орбан.

Трамп: Израел не ме убеди да го нападнам Иран, тоа беше моја одлука

Monday, April 20, 2026 9:04 PM

Трамп со ова одговори на медиумските написи дека Израел го убедил да го изврши нападот врз Иран на 28 февруари оваа година.

На својата социјална мрежа „Трут соушал“ (Truth Social), тој напиша дека пресудни биле последиците од нападите на Хамас од 7 октомври 2023 година, како и неговиот долгогодишен став дека Иран никогаш не смее да поседува нуклеарно оружје.

Американскиот претседател најави дека резултатите во Иран ќе бидат „неверојатни“, додека американска делегација е веќе на пат кон Исламабад за обнова на преговорите.

„ И ако новите лидери на Иран (промена на режимот!) се паметни, Иран може да има одлична и просперитетна иднина!“, порача Трамп.

Марта Кос: Проценуваме дали Србија се уште ги исполнува условите за исплата од Планот за раст

Monday, April 20, 2026 9:04 PM

Таа додаде дека ЕУ е загрижена за настаните во Србија, поврзани со независноста на судството и слободата на медиумите.

„Се повеќе сме загрижени за она што се случува во Србија. Ги споделувам загриженостите...за законите што ја поткопуваат независноста на судството и за репресијата врз демонстранти, како и за мешањето во независните медиуми. Моментално проценуваме дали Србија се уште ги исполнува условите за плаќање според финансиските инструменти на Европската Унија“, нагласи таа.

„Секако, ние ќе продолжиме да ја поддржуваме Србија на нејзиниот пат кон ЕУ, но очекуваме властите целосно да го усогласат законодавството со препораките на Венецијанската комисија и да обезбедат независност на медиумите, вклучително и реформата на Регулаторното тело за електронски медиуми, изјави Марта Кос во Комитетот за надворешни работи на Европскиот парламент и изрази очекување дека Белград ќе се усогласи и со економската и надворешната политика на Унијата.

Таа рече дека сакаат да видат постојан напредок во согласност со надворешната политика и безбедносната политика.

„Обврски постојат од двете страни и тие обврски мора да бидат проследени со конкретни акции. Веќе зборував за променливата геополитичка средина и што тоа значи за проширувањето. Ќе кажам уште еднаш дека фундаменталните реформи остануваат приоритет. Во исто време, повеќе не можеме да очекуваме од нашите кандидати да спроведуваат тешки реформи со години, без да ги докажуваме во пракса. Треба многу побрзо да стигнеме до нашите идни граѓани“, рече таа.

Кос наведе дека Западен Балкан ризикува да изгуби стотици милиони евра до јуни поради недоволна имплементација на процесот на реформи предвиден во Планот за раст.

„Минатата недела им пишав на властите во регионот да ги забрзаат реформите, или нивните граѓани ќе бидат во загуба. Планот за раст е строго базиран на перформанси и временски ограничен. Во моментов, повеќе од 700 милиони евра се во опасност трајно да бидат изгубени во регионот ако реформите не бидат завршени до јуни 2026 година или декември 2026 година“, изјави Марта Кос во Комитетот за надворешна политика на Европскиот парламент (AFET).

Планот за раст е најамбициозниот пакет на ЕУ за регионот - шест милијарди евра. Тој има за цел, меѓу другото, двојно да се зголемат економиите на тие држави во следните десет години.

МВР: Во последното деноноќие лишени од слобода две лица, вкупно четири пријави за семејно насилство

Monday, April 20, 2026 9:02 PM

Како што посочуваат од МВР, синоќа во 22:00 часот во СВР Скопје 47-годишна жена пријавила дека околу 16:30 часот во нејзиниот дом на подрачјето на Центар нејзиниот партнер А.Б.(47) физички ја нападнал неа и нејзиното куче и упатувал закани кон неа и нејзиниот син. Потоа и побарал пари и таа од страв му дала пари кои и биле во паричникот.

Во вториот случај, како што наведуваат од Министерството, синоќа во 21:45 часот во Велес, полициски службеници од СВР Велес ја лишиле од слобода З.Б.П.(33) од Велес. Според пријавеното, таа во домот физички го нападнала нејзиниот 32-годишен сопруг, а подоцна со нејзиното патничко возило „фиат“ со велешки регистарски ознаки на улица „Благој Ѓорев“ во Велес учествувала во сообраќајна незгода со патничко возило „рено“ со велешки регистарски ознаки, управувано од Т.В.(69) од Велес. Од МВР соопштија дека во несреќата таа се здобила со телесни повреди, констатирани во Општа болница Велес и по преземени мерки и извршени проверки било констатирано дека е под дејство на алкохол, односно ѝ биле измерени 1,95 промили алкохол во крвта. Таа била задржана во полициска станица и известен бил јавен обвинител.

Во ОВР Крива Паланка, 50-годишна жена од Крива Паланка вчера пријавила дека била физички нападната од нејзиниот сопруг А.Ј. кој употребил и тврд предмет.

Ноќеска, 10 минути по полноќ, полициски службеници од СВР Куманово го лишиле од слобода С.А.(34) од село Романовце, кумановско, затоа што подолг временски период ја следел и вознемирувал неговата 27-годишна поранешна партнерка. Тој бил приведен во полициска станица.

Од МВР информираат дека се преземаат мерки за расчистување на случаите и најавуваат оти по нивно целосно документирање против сторителите ќе бидат поднесени соодветни пријави.

Лишени од слобода 14 возачи за безобѕирно управување возило, осум возеле без дозвола, по еден со активна забрана и во спротивна насока

Monday, April 20, 2026 9:01 PM

Од вкупниот број, осум возачи се лишени од слобода за управување на возило без возачка дозвола, по двајца под дејство на алкохол и со многу поголема брзина од дозволената и по еден со активна забрана и во спротивна насока.

-Четири возачи во Скопје, двајца во Гостивар и по еден во Тетово и Битола возеле без возачка дозвола. По еден возач во Тетово и Куманово управувале возило со брзина многу поголема од дозволеното. По еден возач во Тетово и Струмица возеле под дејство на алкохол, додека еден возач во Ресен возел со активна забрана и еден возач во Велес возел во спротивна насока. По целосно документирање на случаите ќе бидат поднесени соодветни кривични пријави - посочуваат од МВР.

Апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Европол лоцираше 45 киднапирани украински деца

Monday, April 20, 2026 8:50 PM

Истражители од 18 земји, заедно со Меѓународниот кривичен суд (МКС) и невладини партнери, два дена работеле во Хаг на изработка на извештаи за децата, кои потенцијално водат до нивната точна локација.

Аналитичарите користеле онлајн извори и технологија за препознавање лица за да ги пронајдат децата, врз основа на фотографии обезбедени од нивните родители. Откриени се и транспортните рути и вклучените воени единици.

Ова е третата меѓународна акција на Европол за пронаоѓање деца од Украина.

Според Европол, повеќе од 19.500 деца се киднапирани од окупираните територии од почетокот на целосната руска инвазија пред повеќе од четири години.

Дел од нив биле посвоени од руски семејства, додека други биле сместени во кампови за „превоспитување“ или во психијатриски установи.

Истрагата ја иницираше МКС, кој издаде меѓународни налози за апсење на рускиот претседател Владимир Путин и на комесарката за правата на децата Марија Лвова-Белова.