Рот: Се надеваме првата Меѓувладина конференција со Скопје и Тирана да се одржи наесен

Германскиот министер за европски прашања Михаел Рот изјави дека неговата земја се надева оти првата Меѓувладина конференција (МВК) со Македонија и Албанија ќе се одржи оваа есен, јави дописничката на МИА од Брисел.

Меѓувладината конференција го означува де факто отпочнувањето на преговорите за членство со Унијата и отворањето на првото поглавје.

Рот, кој денеска учествуваше на конференција на Европскиот политички центар, се осврна и на макотрпниот процес во ЕУ до позитивна одлука за почеток на преговорите со овие две земји.

– Многу бев незадоволен што некои угледни земји членки на ЕУ ја потценуваат улогата на западниот Балкан во мирот и стабилноста на Европа, наш заеднички интерес е да го стабилизираме западниот Балкан, рече германскиот министер за Европа, чија земја од 1 јули го презема претседавањето со ЕУ од Хрватска.

На прашање на МИА дали има изгледи Македонија да ги започне преговорите за време на германското претседавање со ЕУ, Рот одговори потврдно.

– Дадовме зелено светло за Северна Македонија и Албанија, беше многу тешко да ги убедиме нашите партнери во ЕУ, и се надевам дека официјално ќе можеме да ги започнеме преговорите со првите Меѓувладини конференции за време на германското претседателство, можеби наесен и конечно се надевам дека ќе бидеме поактивни во регионот, ова е од клучна важност, изјави министерот Рот.

Тој истакна дека западниот Балкан му е „при срце" и потсети дека на регионот му е ветена ЕУ перспективата пред седумнаесет години.

– Ова е една од најдобрите алатки и ова мора да направиме да успее, мораме да ја зајакнеме видливоста на ЕУ на Западниот Балкан, рече Рот, потсетувајќи дека Унијата ќе даде 3,3 милијарди евра за регионот за справување со здравствената криза и нејзините социо-економски последици.

Еврокомесарот за проширување Оливер Вархеји вчера најави дека преговарачките рамки за Северна Македонија и Албанија треба да бидат објавени „во наредните денови". Според вицепремиерот Бујар Османи, тоа ќе се случи идната недела на „9 или 10 јуни".

Објавувањето на овие рамки сега остава простор прашањето да се додаде на дневниот ред на министрите за европски прашања на ЕУ уште овој месец, но за сега ова не е потврдено./MИА

Митрески - Бомгартнер: Македонија и Франција имаат одлични односи

Македонија и Франција имаат одлични односи, меѓусебната соработка и поддршка ќе се продлабочат.

Претседателот на Собранието Јован Митрески денеска остварил средба со aмбасадорот на Француската Република во Република Македонија, Сирил Бомгартнер, соопшти собраниската прес-служба.

Изразувајќи задоволство од одржувањето на средбата, претседателот Митрески ја констатирал одличната соработка меѓу двете држави и особено соработката на парламентарен план.

Амбасадорот Бомгартнер, честитајќи му го изборот за претседател на Собранието, се согласил со констатациите за интензивираната динамика на меѓусебна соработка. Во тој контекст, ги поздравил средбите на парламентарци од Собранието на Република Македонија и Националното собрание и Сенатот на Француската Република во изминатите години, како позитивен тренд кој треба да продолжи и во иднина.

Амбасадорот Бомгартнер, како што стои во соопштението, информирал за претстојната посета на претседателката на Групата за пријателство од Лилијана Танги на земјата, како дел од набљудувачката мисија на ОБСЕ за претстојните претседателски и парламентарни избори.

- Беше посебно поздравено одржувањето на втората едукативна активност во Собранието „Имам став-Млад франкофонски парламент”, во рамките на одбележувањето на месецот март - месец на Франкофонијата, еден исклучителен настан и манифестација која полека прераснува во една убава собраниска традиција, се вели во соопштението од Собранието.

Двајцата соговорници размениле мислења за актуелните собраниски активности, текот на изборите и конституирањето на новиот парламентарен состав. Била изразена општа согласност за потребата од унапредувањето на соработката во доменот на културата, економијата, енергетиката и други области од взаемен интерес за двете земји.

Руското обвинителство побара Ала Пугачева да биде прогласена за странски агент

Руското обвинителство денеска побара од Министерството за правда да ја прогласи Ала Пугачева за „странски агент“, пренесуваат  агенциите.

Претходно во Русија имаше извештаи во медиумите дека властите подготвуваат ваков потег против иконата на советската поп музика, која се изјасни против војната против Украина.

Портпаролот на Кремљ, Дмитриј Песков утринава изјави дека нема официјални информации во врска со ова прашање.

„Фокс њуз“: Американската влада потрошила најмалку 113 милијарди долари за војната во Украина

Од „Фокс њуз“ во септември објавија дека САД потрошиле вкупно 101 милијарда долари за војната во Украина.

Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава американскиот телевизиски канал „Фокс њуз“.

Од „Фокс њуз“ во септември објавија дека САД потрошиле вкупно 101 милијарда долари за војната во Украина.

Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, и до која Фокс њуз имаше пристап, САД потрошиле најмалку дополнителни 13 милијарди долари од септември за војната во Украина.

Директорката на Канцеларијата за менаџмент и буџет на Белата куќа, Шаланда Јанг, во писмо до Венс наведува дека американскиот Конгрес обезбедил 111 милијарди долари дополнителни средства како одговор на војната во Украина, вклучувајќи безбедносна, економска и хуманитарна помош.

Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја, поради што понекогаш се појавуваат различни бројки за американската помош за Киев. /МИА

притисни ентер