Ревизија на новите тарифници на Агенцијата за катастар или клуч на врата

Ревизија на новите тарифници на Агенцијата за катастар или клуч на врата на геодетските компании, Комората на трговски друштва за геодетски работи го крена гласот против новите тарифници .

Ревизија на новите тарифници на Агенцијата за катастар или клуч на врата на геодетските компании, Комората на трговски друштва за геодетски работи го крена гласот против новите тарифници на Агенцијата за катастар на недвижности што стапија во сила на 19. месецов. Од таму велат дека на товар на геодетските друштва, нотарите, адвокатите и граѓаните кои користат катастарски услуги со донесените нови тарифници на Катастарот, услугите се поскапени за речиси пет пати. Тие бараат итна средба со премиерот, а доколку во наредните две недели не им бидат понудени решенија со рокови за исполнување на барањата, најавуваат радикализација на делувањето на сите 140 геодетски друштва кои што членуваат во Комората.

„ Како најголем парадокс, би го навел најголемото зголемување на цената за купување на податок за координати на геодетска точка, што досега чинеше 67 денари, а сега е 409 денари. Ова дотолку повеќе што условите налагаат дека овој податок речиси и да не се употребува, а мора да биде купен при изработка на секој елаборат. Анализата која ја направи Комората за свои потребни покажува дека ако досега просечно годишно едно геодетско друштво кон Агенцијата имало трошоци од 111.450 денари за 150 предмети, сега овој трошок е 232.000 денари. “-Никола Рибароски, претседател на Комората на трговски друштва за геодетски работи.

Од комората велат дека Агенцијата за катастар на недвижности ги зголемила надоместоците со новите тарифници без консултација со нив, а истовреме не им го одобруваат новиот тарифник за корекција на цените иако фелата се соочува со зголемени трошоци подолго време. Велат дека и пред три години доставиле нов тарифник до Агенцијата за Катастар, но и тогаш не ги коригирале цените.

Од комората се жалат и на се позачестениот прекин на електронските системи на Катастарот, кои се се надвор од функција, што дополнително им ја отежнува секојдневната работа. Тие ја поздравија и одлуката на Државната комисија за спречување на корупција која, како што рече Рибароски утврдила постоење судир на интерес и влијание од страна на Агенцијата врз Комората и дава препорака за итна промена на Законот кој го пропишува составот на УО на Комората.

Британски министер: На Албанците да им се забрани да поднесуваат барања за азил

На Албанците треба да им се забрани да аплицираат за азил во Велика Британија, бидејќи доаѓаат од навидум безбедна земја, изјави британскиот министер за емиграција Роберт Џенрик.

Џенрик предупреди дека илегалната миграција најверојатно ќе биде проблем во следните неколку години.

Британскиот министер изјави дека Албанците сочинуваат повеќе од една третина од 33.000 мигранти кои за девет месеци од оваа година дошле во Велика Британија со мали чамци преку Ла Манш и нагласи дека тие претставуваат приоритет број еден.

Роберт Џенрик рече дека таквите луѓе треба да бидат „исклучени од правото да бараат азил“, бидејќи предупреди дека сегашното ниво на миграција во Британија е „неодржливо“.

Неговите коментари дојдоа откако Министерството за внатрешни работи одби да го коментира извештајот на Сандеј Тајмс дека министрите работат на легислатива што може да им забрани на барателите на азил кои нелегално влегуваат да се населат во Британија.

Се известува дека министерката за внатрешни работи Суела Браверман го повикал Риши Сунак да ги поддржи плановите за приведување на секој илегален мигрант по пристигнувањето.

Владата е под силен притисок од конзервативните пратеници да се справи со проблемот со трговците со луѓе кои користат мали чамци за транспорт на мигранти преку Ла Манш.

Минатата недела премиерот Сунак ги одржа првите разговори со албанскиот премиер Еди Рама во кои се договорија да се затворат „дупките“ во спречувањето на брзото враќање на неуспешните баратели на азил, додека Џенрик сугерира дека сака Владата да оди понатаму.

„Албанија е докажано безбедна земја. Многу е тешко да се разбере како Албанец може успешно да поднесе барање за азил овде во Велика Британија“, изјави тој за GB News.

„Имаме договор за враќање, кој е потпишан пред една година, а веќе се вратија илјада Албанци. Гледаме што можеме да направиме таму.“

Бракот им траел само 24 дена- се развеле поради натпревар на СП во Катар

Пензионираниот бразилски фудбалер Адријано (40) се разведе по 24 дена брак со фризерката Микаела Мескито (25), објави Екстра Глобо.

Тие неколку дена објавуваа заеднички фотографии на Инстаграм, а во текот на еден викенд во октомври планираа забава за пријателите и семејството.

Сепак, според информациите на бразилските медиуми, Адријано и Мескита се скарале откако поранешниот репрезентативец отишол да ги посети пријателите во Пења, во јужниот дел на Бразил, за да го гледа натпреварот помеѓу Бразил и Швајцарија на Светското првенство во Катар. . По два дена се вратил дома, настанала расправија и престанале да се следат на социјалните мрежи.

Инаку, Адријано пристигна во Интер во 2001 година, а во следните пет години напредуваше до статусот на еден од најдобрите напаѓачи во италијанската лига. Но, следеше пад на формата, повреди и лични проблеми. Тој признал дека станал зависен од алкохол, во кој нашол утеха откако татко му починал. Тој официјално ја завршил кариерата во 2016 година.

Археолозите откриле што јаделе старите Римјани додека ги гледале гладијаторските борби

Според откритието на археолозите, како што јави Би-би-си, гледачите во античкиот римски амфитеатар Колосеум веројатно уживале во грицки направени од овошје, јаткасти плодови и маслинки.

На локалитетот се ископани бројни остатоци од храна, меѓу кои и остатоци од смокви, грозје, цреши, капини, ореви и друго. До овие откритија археолозите дошле додека ја истражувале канализацијата на оваа градба стара 2.000 години, а пронашле и коски од мечки и големи мачки, кои најверојатно биле користени за борби во арената.

Студијата започнала во јануари 2021 година и вклучувала чистење на околу 70 метри одводи и канализација под Колосеумот, кој останува еден од најпосетуваните знаменитости во Италија.

„Наоди како овие даваат слика на „искуствата и навиките на оние кои дошле на ова место за време на долгите денови на игри и прослави“, изјави за Би-Би-Си Алфонсина Русо, директор на Археолошкиот парк Колосеум.

Специјалисти архитекти и археолози користеле роботи водени со жица за да се движат низ сложениот систем за одводнување на арената, помагајќи им да го разберат секојдневниот живот во Рим, како и древните хидраулични структури.

Колосеумот бил најголемиот амфитеатар во Римската империја и престанал да се користи околу 523 година. Бил познат по одржувањето гладијаторски борби и други јавни свечености, кои можеле да ги следат до 50.000 гледачи.

притисни ентер