Репортажа на Канал 5 - какво е „лицето“ на Скопје?

Што е предавство? Што е вистински патриотизам? Кој сме ние? И како странците ја градат перцепцијата за нас?

На овие прашања можат да се дадат многу одговори. Но, на последното каква е сликата што оние кои не живеат тука најчесто како спомен носат од Македонија можеме да се даде конкретен одговор. Еве го во неколку минути.

Главниот град и слика на државата, а центарот лицето на нацијата. Правиме мала обиколка во строгиот центар на градот. Почнуваме од централниот парк – Жена борец.

Движењето тука е буквално небезбедно. Пешаците можат да се повредат во дупките. На делови недостасува патека. Фонтана за вода нема потреба да се коментира. Пешаците и велосипедистите се пробиваат низ руинираните патеките. Смет е расфрлан по зеленилото. Целата урбана опрема во околината е поткршена.

Тргнуваме кон гордоста на Скопје Градскиот Трговски Центар. Ова се скалите кои водат до него. Ако го кренете погледот ќе ги видите кулите. Сместени во срцето на градот изгледаат постапокалиптично. Наоколу смет. Тука пред влезот на трговскиот не пречекува и девастираната зграда на ЕСМ. Со години странците не исмеваат или жалат за ова што се случува во центарот на Скопје.

Ако порано на убавините на ГТЦ се воодушевуваа архитектите, а дојде да го види и Маргарет Тачер, денес тој пропаѓа. На места е срушен, а хигиената е под секое цивилизациско достоинство. На местото каде што порано беше култната Ванила, сега има светкава коцкарница. Се движиме низ трговските кон 13 Ноември. Во самиот објект веќе се формираат мини-депонии.

На кејот на Вардар не пречекува нереален призор. Распаднато огромно нешто кое го викаат галија. Околу неа ѓубре. Зачудените туристи ја фотографираат.

Погоре жалните врби се навистина жални. Матната и загадена вода на Вардар се дополнува на амбиентот. И новоизградените мостови веќе се излупени и окружени со ѓубре. Вегетацијата добро напредува на скалите на којот. Корпите за отпад превртени.

За неколку минути стигнуваме од симболот на Скопје – Камениот мост. Обраснат со дива вегетација и ишкртан со спреј, го дочекува сите кои сакаат да го видат. Разочараните туристи брзо го фотографираат и веднаш се оддалечуваат. Причина – тој се користи како јавен тоалет. Под сводовите има човечки измет. Миризбата е неподнослива.

Продолжуваме понатаму. Од камени најдобро се гледа ѓубрето во Вардар. Птици се пробиваат низ купишта отпад. Фонтаните кои со години наработат сега изгледаат вака. Ако погледните уште подолу ќе го видите ова.

Преку мостот стигнуваме на плоштадот кај Пајко маало. Фасадите на околните објекти изгледаат вака. Плочникот на многу места е уништен. Пред Скопската Стара Чаршија, најпосетуваното туристичко место во градот се стигнува преку ваква патека. Околината е бизарна. Несфатлива неуредност. Некои со нозе се обидува да го расчистат сметот. Знаците со патокази за туристите се искршени и бутнати на земја.

Се враќаме кон плоштадот да ги видиме и пешачките патеки во најстрогиот центар на градот. Искрешени плочки, непрописно паркиран автомобил и коцкарница. Призор надополнет со смет. Мини паркчето кое води кој Рекорд изгледа вака. Заштитни столпчиња искршени.

Фасадите во центарот на Скопје пак се приказна за себе. Речиси сите се во ужасна состојба. Некои повеќе наликуваат на тетрис, отколку на уредно лице на зграда во центар на метропола. Можеби тие најјасно ја покажуваат незаинтересираноста на надлежните за тоа како изгледа нашиот град.

Скопје, главен град на Македонија, членка на НАТО и кандидат за ЕУ. Заклучуваме дека нема ниту едно место во центарот на градот кое е уредено. Во лоша состојба се и Собранието, Владата, културните установи, важните државни објекти …

Ова е сликата за нас. Негрижа и распад кој после се не го заслужуваме.

Што за вас е предавство?

Видео: Унгарската фудбалска федерација се огласи за тешко повредениот репрезентативец

Фудбалскиот сојуз на Унгарија ја објави состојбата на Барнабас Варга, кој се здоби со тешка повреда на натпреварот против Шкотска на ЕУРО 2024.

Варга се повреди при судир со голманот на Шкотска Ангус Ган во 68. минута од натпреварот, а по тој судир Варга остана без свест.

Нему му била укажана помош на неколку минути, по што бил изнесен на носилки, опкружен со пехарници.

„Состојбата на Барнабас Варга е стабилна. Фудбалерот на Ференцварош моментално се наоѓа во болница во Штутгарт. Доколку има некаква вест за неговиот статус, веднаш ќе ве известиме“, соопштија од Унгарската фудбалска федерација.

Унгарија инаку на крајот го доби мечот од 3 коло во групата А и ги задржа шансите за пламсна во следната рунда. Шкотска е победена со голот на Кевин Чобот во 100. минута од натпреварот.

Градоначалникот Ѓорѓиевски на терен со екипите за расчистување на штетите по невремето

Градоначалникот Орце Ѓорѓиевски и екипите за расчистување на теренот по големото невреме што го зафати Скопје, а не ја поштеди ни општина Кисела Вода, вечерва активно работат на санација на штетите.

Како што истакна, немало премногу повици за интервенција, но секаде каде што е побарана помош, се реагира веднаш. Ги извести граѓаните дека и тој и екипите стануваат на терен и дека сите кои имаат проблем можат да го пријават на телефонските броеви 071391250 и 070259942.

-Драчево и околината на Кисела Вода денес ги зафати силно невреме проследено со обилни врнежи од град кои направија штета. Не голема, но доволно за интервенција. За среќа, имавме многу малку повици за поплавени домови и неколку паднати дрвја, каде што веднаш интервениравме!

За жал, не можеме да ги спречиме временските непогоди но можеме да бидеме рака под рака со граѓаните и заедно да го поминеме ова. Да ги санираме штетите и да делуваме таму каде што е најпотребно. Заедно со екипите сме на терен.

Сите служби се на располагање, вклучувајќи ме и мене и ве повикувам сите кои имате било каков проблем и потреба да се јавите на:

071391250 и 070259942-изјави градоначалникот Орце Ѓорѓиевски.

Христијан Мицкоски - претседател на Владата

Лидерот на ВМРО-ДПМНЕ Христијан Мицкоски, кој ќе ја предводи новата Влада, е роден во Скопје на 29.09.1977 година.

Мицкоски е на чело на ВМРО-ДПМНЕ од декември 2017 година.

Дипломирал, магистрирал и докторирал на Машински факултет во Скопје

Во периодот 2016-2017 година бил генерален директор и претседател на УО на АД Електрани на Македонија, а од 2015 до 2017 бил советник на Претседателот на Владата на Република Македонија за енергетика.

Од 2019 година е редовен професор на Машинскиот факултет во Скопје, а претходно бил вонреден професор, доцент, асистент и помлад асистент. Во 2021 и 2012 година работел во ФОНКО клима како главен и одговорен проектант на термотехнички инсталации.

Има објавено 35 меѓународни публикации и научни трудови, како и десетина домашни, автор е на триесеттина стручни апликации, а учествувал и во неклку меѓународни, развојни и научно-истражувачки проекти.

Добитник е шест меѓународни домашни признанија и награди.

Од компјутерски вештини познава AutoCAD, MATLAB/Simulink, Microsoft Visual C++.

Мајчин јазик му е македонскиот, а англискиот го познава одлично, а италијанскиот добро.

притисни ентер