Регистрирани се 739 новозаразени со Ковид-19, пријавено е едно починато лице

Согласно податоците од Институтот за јавно здравје, Министерството за здравство информира дека во последните 24 часа направени се 1.570 тестови, а регистрирани се нови 739 случаи на КОВИД-19.

Во Скопје – 262, Битола – 55, Куманово – 40, Кавадарци – 37, Охрид – 35, Прилеп, Тетово и Велес – по 28, Гостивар и Штип – по 24, Струмица, Струга и Радовиш – по 19, Неготино – 14, Кичево, Кочани и Свети Николе – по 13, Ресен – 12, Крива Паланка – 10, Гевгелија – 8, Делчево, Богданци и Кратово – по 5, Берово, Виница, Крушево, и Демир Хисар – по 4, Демир Капија – 3, Дебар и Дојран – по 2.

Од вкупниот број на позитивни (739), регистрирани се 153 реинфекции.

Регистрирани сe 659 оздравени пациенти од: Скопје – 317, Битола – 69, Велес – 36, Кавадарци и Прилеп – по 34, Штип – 22, Гостивар – 21, Тетово – 20, Струмица – 14, Неготино и Гевгелија – по 11, Радовиш, Кичево и Кочани – по 10, Кратово и Валандово – по 6, Ресен – 5, Крива Паланка – 4, Свети Николе, Виница и Пробиштип – по 3, Берово и Демир Хисар – по 3, Куманово, Охрид, Струга, Богданци, Крушево и Дојран – по 1.

Во текот на изминатите 24 часа е пријавено едно починато лице од Скопје (73г), починато во болнички услови. Согласно Регистарот на умрени лица со дијагноза КОВИД-19 од Мој Термин не се регистрирани починати лица.

Направени се 1.570 теста преку: ИЈЗ-195, ЦЈЗ Скопје-82, ЦЈЗ Битола-64, ЦЈЗ Прилеп-25, ЦЈЗ Тетово-46, ЦЈЗ Куманово-41, Клиника за инфективни болести и фебрилни состојби-0, Судска медицина-0, лабораторија болница Козле-18, УК Пулмологија со алергологија–0, ГОБ 8-ми Септември-0, Институт за микробиологија–146, Жан Митрев (Филип Втори)-15, Авицена-40, Биотек-36, Систина-27, лабораторија Лаор-5, Синлаб-10, Ремедика-3, Плодност-16, Генеа-6, Никоб Лаб-29, ВФВ Медикал-15, Ели Медика Плус-3, Ројал Медика–4, Спектра-ММ-6, Рапид Лаб–6, Жан Митрев Струмица–2, Нова Лаб Дијагностика–0, Рамус-6, ЈЗУ и ПЗУ (рапид тест)– вкупно 724.

Досега во земјата се направени вкупно 2.125.150 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 330.755, бројот на оздравени пациенти е 317.149, на починати е 9.388, а бројот на активни случаи изнесува 4.218.

Според епидемиолошки анализи во моментов, дистрибуцијата по градови е следна:

Дистрибуција по градови Заболени (вкупно), Активни случаи (вкупно)

Скопје      156057, Активни   1700

Куманово    1762, Активни     241

Битола      17027, Активни    257

Прилеп      14967, Активни    179

Тетово      14127, Активни    174

Кавадарци   11513, Активни    188

Велес 10436, Активни    120

Гостивар    10001, Активни    129

Охрид 9703, Активни     240

Струмица    8513, Активни     123

Штип  8488, Активни     103

Кичево      5920, Активни     73

Кочани      5312, Активни     49

Струга      5011, Активни     128

Гевгелија   4636, Активни     64

Неготино    3951, Активни     73

Ресен 2925, Активни     48

Свети Николе      2733, Активни     21

Радовиш     2705, Активни     77

Крива Паланка     2550, Активни     32

Делчево     2022, Активни     8

Дебар 1758, Активни     40

Берово      1749, Активни     19

Валандово   1559, Активни     10

Виница      1426, Активни     17

Пробиштип   1290, Активни     1

Богданци    1058, Активни     14

Кратово     1048, Активни     23

Крушево     986, Активни      28

Демир Хисар 896, Активни      21

Македонски Брод   771, Активни      8

Демир Капија      611, Активни      5

Македонска Каменица     529, Активни      3

Пехчево     493, Активни      0

Дојран      364, Активни      2

Одделение за односи со јавност

Министерство за здравство

Русите тврдат дека разбиле исламистичка терористичка ќелија

Врвниот функционер на Крим тврди дека руската безбедносна служба ФСБ разбила, како што рече, шестчлена терористичка ќелија на забранета исламистичка група.

Информациите доаѓаат еден ден откако серијата напади на Крим го уништија клучниот железнички центар што се користеше за снабдување на руските војници и како воена воздушна база.

„Сите се приведени. Терористичките активности беа координирани, како што се очекуваше, од територијата на терористичката држава Украина“, објави Сергеј Аксјонов на Telegram. Тој тврди дека уапсените биле членови на исламистичката група Хизб ут-Тахрир, која е забранета во Русија. Русија претходно соопшти дека нападите ги извршиле саботери. Украина не ја презеде одговорноста за нападите.

Четири големи езера во Швајцарија се со најниски водостои во историјата

Нивото на водите на четирите големи швајцарски езера се најниски досега забележани во август, што е логично со оглед дека од почетокот на 2022 година врнежите се многу ретки, објави Федералната канцеларија за животна средина.

Тоа се езерата Констанца, Луцерн, Лугано и Вален. Количината на вода што се влева во Рајна, со извор од швајцарските Алпи, никогаш не била толку мала во август.

„Во Швајцарија е забележан многу низок водостој, особено во централниот дел на земјата и на југ во областа Тичино“, рече Мишеле Оберхансли, шеф на службата за статистика на Одделот за хидролошки информации на Федералната канцеларија за животна средина. „Причината? Скудни врнежи во 2022 година“, изјави таа за АФП. Но нискиот водостој не го карактеризираат само споменатите четири езера.

Вредности значително под просекот за овој период од годината покажуваат и мерењата во езерото Маџоре на границата на Швајцарија и Италија, кое со 193 метри е најниската точка во Швајцарија, како и онаа во Цуг, рече Оберхансли.

Со исклучок на езерата во планинските венци Јура и Тун, нивоата на сите други големи швајцарски езера исто така се под долгогодишниот просек. Во исто време, многу швајцарски реки имаат многу ниско ниво на вода. Статистички, такво нешто се случува на секои дваесет години, а поретко на две години.

„Можеме да кажеме дека од почетокот на мерењето на нивото на водата, тековите на Рајна и Ројс никогаш не биле толку ниски во август“, рече Оберхансли. Таа додаде дека дождот, кој метеоролозите го предвидуваат за наредните денови, може „малку да ја ублажи“ проблематичната состојба во Швајцарија, но во секој случај „нема да биде доволен“.

Армијата заедно со граѓаните го прославува 30-годишниот јубилеј

Со традиционално испукување на плутони, прикажување на најновата воена опрема, показни вежби и со концерт на воениот оркестар и со музички ѕвезди, Армијата заедно со граѓаните вечерва на Воениот стадион во Скопје го прослави 30-годишниот јубилеј.

На манифестацијата присуствуваа министерката за одбрана, Славјанка Петровска, началникот на Генералштабот, генерал – потполковник Васко Ѓурчиновски, амбасадорката на САД во земјава, Кејт Мари Брнз, како и други гости.

На настанот организиран под мотото „30 години безбедност, стабилност, доверба“ се прикажа најновата и најсофистицирана опрема на Армијата вклучувајќи ги и новите оклопни транспортери JLTV Oshkosh, вештините на армиските специјалци, како и презентација на вежба со армиски кучиња.

– Овој настан замислен е како начин на кој што го прославуваме Денот на Армијата кој всушност е утре, меѓутоа ова е ден специјално за граѓаните. Затоа е и направен овде на Воениот стадион затоа што е лесно достапен и сите граѓани може да дојдат. Изложена е најголем дел од опремата која ја поседува нашата Армија, истакна министерката за одбрана, Славјанка Петровска на вечерашната изјава за медиумите.

Додаде дека станува збор за модерна софистицирана опрема, и дека досега се доставени вкупно шест возила.

– Тие се дел од големите планови за модернизација на нашата Армијата. Тоа се лесни оклопни возила кои се составен дел на вооружувањето на нашата Армија, изјави Петровска.

Таа информираше дека до крајот на оваа година ќе стигнат уште 27 исти вакви возила, а до 2028 треба да се испорачаат сите, со коишто ќе се заокружи комплетната бројка од 96 возила.

По презентацијата на воената опрема и воените вештини следуваше концерт на Воениот оркестар како и богата музичка програма каде што настапуваа Кики, Пере, Дац и Александар, Last Expedition, DJ Babura Jr. и Еурека танцовото студио.

притисни ентер