Регистрирани се 1112 нови случаи на Ковид-19 ,починале 24 пациенти

Министерството за здравство информира дека во последните 24 часа се направени 2553 тестирања, а регистрирани се 1112 нови случаи на ковид-19.

Во: Скопје-321, Куманово-69, Дебар-10, Штип-38, Прилеп-77, Тетово-79, Струга-44, Велес-44, Битола-65, Охрид-36, Кавадарци-26, Гостивар-60, Гевгелија-19, Струмица-35, Крива Паланка-7, Радовиш-6, Крушево-3, Кочани-44, Пробиштип-6, Демир Хисар-5, Македонски Брод-1, Пехчево-1, Берово-23, Валандово-12, Виница-11, Делчево-13, Кратово-2, Свети Николе-5, Кичево-12, Ресен-16, Неготино-22.

Денеска Институтот за јавно здравје регистрира 709 оздравени пациенти од: Скопје-290, Куманово-30, Штип-31, Прилеп-62, Тетово-52, Струга-17, Велес-29, Битола-20, Охрид-57, Кавадарци-15, Гостивар-11, Гевгелија-6, Струмица-14, Крива Паланка-5, Радовиш-6, Крушево-1, Кочани-18, Пробиштип-2, Демир Хисар-3, Македонски Брод-1, Пехчево-4, Берово-3, Валандово-3, Кратово-4, Свети Николе-2, Кичево-10, Ресен-5, Неготино-8.

Починати се 24 лица, четири пациенти од Скопје (76, 62, 67 и 70г), еден од Куманово (64г), еден од Штип (87г), тројца од Прилеп (69, 45 и 79г), двајца од Тетово (41 и 65г), двајца од Велес (81 и 61г), пет пациенти од Битола (70, 91, 48, 60 и 73г), еден од Охрид (89г), еден од Крива Паланка (47г), еден од Крушево (60г), еден од Кочани (41г), еден од Македонски Брод (40г) и еден пациент од Виница (66г). Сите пациенти се починати во болнички услови.

Вкупната бројка на ковид дијагностицирани во нашата земја од почетокот на епидемијата изнесува 54743, бројката на оздравени пациенти е 32366, на починати е 1511, а бројот на активни случаи изнесува 20866.

Според досега завршените епидемиолошки анализи во моментов дистрибуцијата по градови е следна:

• Скопје 23935, активни 9883

• Куманово 3427, активни 961

• Дебар 431, активни 96

• Штип 2419, активни 537

• Прилеп 2598, активни 1010

• Тетово 3526, активни 1004

• Струга 1283, активни 419

• Велес 1739, активни 784

• Битола 1703, активни 849

• Охрид 1398, активни 590

• Кавадарци 1056, активни 452

• Гостивар 2107, активни 759

• Гевгелија 657, активни 231 (48 лица од ПЕ Гевгелија се жители на Дојран, 118 на Богданци и 12 се странски државјани)

• Струмица 1550, активни 613

• Крива Паланка 388, активни 127

• Радовиш 387, активни 127

• Крушево 110, активни 70

• Кочани 1155, активни 333

• Пробиштип 319, активни 77

• Демир Хисар 173, активни 75

• Македонски Брод 145, активни 33

• Пехчево 95, активни 24

• Берово 334, активни 101

• Валандово 189, активни 73

• Виница 344, активни 181

• Делчево 393, активни 177 (105 лица од ПЕ Делчево се од Македонска Каменица)

• Кратово 144, активни 76

• Свети Николе 741, активни 233

• Кичево 1126, активни 517

• Ресен 402, активни 165

• Неготино 469, активни 289 (46 лица од ПЕ Неготино се жители на Демир Капија)

Направените 2553 теста се преку: ИЈЗ-1377, ЦЈЗ Скопје-46, Авицена-307, Биотек-224, МАНУ -166, Жан Митрев (Филип Втори)-0, Систина со PCR метода -251, лабораторија Лаор –79, Судска медицина-0, ЦЈЗ Битола-60, Инфективна клиника-2, ГАК-0, Синлаб-24, Ремедика-0, лабораторија болница Козле-0, ЈЗУ (рапид тест) -17, УК Пулмологија со алергологија –0, лаборатории од странство-0. Досега во земјата се направени вкупно 312.143 тестирања на Ковид -19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)

• Чаир – 623

• Гази Баба – 1472

• Аеродром -1424

• Карпош – 1192

• Центар – 1188

• Кисела Вода – 1205

• Ѓорче Петров – 827

• Бутел - 551

• Шуто Оризари – 183

• Студеничани – 52

• Сарај – 152

• Арачиново -34

• Илинден – 245

• Сопиште – 63

• Чучер Сандево – 104

• Петровец –125

• Зелениково -73

• Странец – 173

• Нераспределен- 197

,,Тајм” прв пат прогласи Дете на годината,наградата ја доби тинејџерка-научник

Магазинот ,,Тајм” воведе нова награда , Дете на годината, доделена на 15-годишниот научник Гитањали Рао, пишува Дејли Меил.

Интересот на Рао за науката започнал кога таа имала 10 години. Тогаш дознала за технологијата на наноцевки, што ја предизвикало нејзината страст кон науката.

Пред да ја добие наградата за најдобро дете на годината, Рао била вклучен на списокот на Форбс на 30 лица помлади од 30 години за развој на мобилните телефони во 2017 година. Потоа таа развила уред за откривање на олово во водата за пиење. Зборувала на ТЕД неколку пати и е добитник и на други награди.

Нејзиниот последен проект е апликацијата наречена Кундли, која користи вештачка интелигенција за откривање на малтретирање преку Интернет во рана фаза.

Рао била избрана од 5.000 номинирани, а жирито било воодушевено од начинот на кој ја користела технологијата за борба против социјалните проблеми од загадената вода до сајбер малтретирањето.

„Не изгледам како типичен научник“, рече Рао, родена во Колорадо, во интервју за Тајм, кое го направила со неа актерката Анџелина Џоли.

Рао се надева дека ќе студира генетика и епидемиологија на Институтот за технологија во Масачусетс.

„Мојата цел не е само да создадам свои уреди за решавање на светските проблеми, туку и да бидам инспирација за другите да го сторат истото“, рекла таа во интервјуто.

Македонско-бугарска комисија: Напредокот е еднаков на нула

Стравувањата дека средбата на историчарите е осудена на неуспех, уште пред да почне, се остварија. 

Првите луѓе на мешовитата комисија, Драги Ѓоргиев и Ангел Димитров попладнево на онлајн прес-конференцијата се согласија за само едно – дека напредокот е еднаков на нула. Главен камен на сопнување било придавката македонски во записниците, кои требале да бидат потпишани. Ѓоргиев појаснува дека бугарската страна на последните неколку рунди разговори, настојувале да го лимитираат терминот македонски во записниците, различно толкувајќи го Преспанскиот договор. Таквиот принцип на потпишување било неприфатливо за македонската страна.

-Тоа е откажувањето на нашите колеги по 7. средба да ги потпишуваат записниците. Тие настојуваа насекаде да се стави македонски. Но, блокирајќи го потпишувањето на записниците се става под сомневање нашата рабпота бидејќи без документ за тоа кои дискусии се водени, какви одлику се донесени, работите изгледаат несигурни и кажуваат за немање желба, изјави Ангел Димитров, претседател на бугарскиот тим од Комисијата.

-Тоа беше внесено во Комисијата после 6.средба, нашата страна не беше информирана за тоа, но бугарските колеги почнаа да го практикуваат тој начин на правење записници без притоа тоа да биде споделено со нас и да биде известено и нашето Министерството и можеби консултациите со Министерството ќе придонесеа да се надмине проблемот, вели Драги Ѓоргиев, претседател на македонскиот тим од Комисијата.

Без разултат завршило и прашањето за Цар Самоил, кој се изучува во македонските учебниците по историја за седмо одделение. Бугарската страна инсистирала да се води како личност единствено на поранешното бугарско царство, отфрлајќи ја идејата за мултиперспективност во учебниците.

-Идејата да се наметне само едно видување на таа држава всушност резултираше со непостигнување резултати. Беа разменети неколку варијанти и предлози за тој дел од нашата историја, но се покажа дека имаме апсолутно споротивставени гледања за тоа како треба да се пишуваат препораките до нашите влади, рече Ѓоргиев.

-Многу сме далеку од согласност за учебниците за 7 одделение. Денес точката поврзана со Цар Самоил заврши целосно без резултат, особено што се отстапи од веќе подготвен заеднички текст од страна на две влади. Се движиме како желка, вели Ангелов.

Ѓоргиев најави дека деновиве повторно ќе се разговара во помал формат. Ова беше 11-та и последна средба на Комизијата за годинава. За следната се предвидени уште пет средби.

Палмер:Македонија направи доволно реформи за да се одржи Меѓувладината конференција

Пристапниот процес кон ЕУ треба да зависи од адресирање на неопходните реформи, а билатералните прашања да се решваат на билатерален начин, изјави за Гласот на Америка заменик-помошникот државен секретар на САД за Европа и Евроазија.

Пристапниот процес во ЕУ треба да се базира на принципи, а Македонија има направено доволно реформи да го оправда одржувањето на првата Меѓувладина конференција, изјави за Гласот на Америка Метју Палмер, заменик-помошник државен секретар на САД за Европа и Евроазија, нагласувајќи дека билатералниот спор со Бугарија треба да се решава надвор од пристапниот процес.

Тој се надева дека ќе се постигне договор првата Меѓувладина конференција со Македонија да се одржи за време германското претседателство.

„Северна Македонија има направено доволно за да се квалификува за Меѓувладината конференција, и мислам дека мнозинството членки на ЕУ се јасни во тоа. Ќе продолжиме да работиме со нашите европски партнери да се исполни тоа. Ќе направиме се`што можеме да го подготвиме теренот, и ќе продолжиме јавно да ја демонстрираме нашата силна поддршка за придвижување на Македонија кон членството во ЕУ“, рече Палмер.

На прашањето дали барањата на Бугарија ги одразуваат европските вредности, како и дали САД го осудуваат таквото однесување, Палмер рече:

„Разбираме дека има одредени важни прашања кои се однесуваат на историјата, идентитетот и јазикот, кои треба да бидат решени меѓу Бугарија и Македонија како соседи, сојузници и партнери. Во однос на процесот за пристапување во ЕУ, сакаме да видиме тој да продолжи напред, без да ги вклучува билатералните прашања. Би сакале да видиме билатералните прашања да се решваат преку билатерални канали“, изјави тој.

А дали цената за влез во ЕУ треба да биде бришење на историјата?

„Цената за влез во ЕУ е јасна и образложена на околу 80 илјади страници со правила и регулативи. Тоа е процес базиран на стандарди. Сакаме да видиме Македонија да продолжи со реформите кои отворија врата кон Европа. Како што реков, има билатерални проблеми, кои можат и треба да се решат преку билатерален пат. Пристапниот процес кон ЕУ треба да зависи од адресирање на неопходните реформи, кои ќе осигураат Македонија да биде членка на ЕУ“, рече тој.

Според него, за да може да се одржи европската кредибилност во државата, ЕУ треба да покаже оти прогресот во реформите ќе се отслика со отворање на пристапниот процес.

„Во овој момент, следен чекор за Македонија е одржување на Меѓувладината конференција, и тоа е нешто што Македонија јасно го заслужила преку реформи“, вели Палмер.

Тој рече дека не сака да прогнозира каков ќе биде резултатот од состанокот следната недела, но, нагласи дека САД ќе останат партнери низ целиот тој процес со Македонија и Албанија.

„Останете посветени на реформите, демонстрирајте сериозност и цел, и продолжете да се движите напред“, порача Палмер во изјавата за ВОА на македонски јазик.

притисни ентер